សារព័ត៌មានស្ពុតនិកបានចេញផ្សាយនៅថ្ងៃទី៧ សីហានេះថា កងទ័ពអាកាសសហរដ្ឋអាមេរិក បានបញ្ជូនយន្តហោះទម្លាក់គ្រាប់បែកយុទ្ធសាស្ត្រធុនធ្ងន់ B-52 ទៅហោះពីលើសមុទ្រចិនខាងកើត ដែលស្ថិតនៅក្នុងតំបន់ក្បែរជប៉ុន កាលពីថ្មីៗនេះ។ នេះបើតាមសេចក្តីថ្លែងការណ៍ពីបញ្ជាការកងទ័ពឥណ្ឌូប៉ាស៊ីហ្វីករបស់សហរដ្ឋអាមេរិក ដែលមានបេសកកម្មរួមគ្នាមួយជាមួយកងទ័ពជើងទឹក។
កងទ័ពអាកាសសហរដ្ឋអាមេរិកប្រចាំនៅប៉ាស៊ីហ្វីកទទួលបន្ទុកកិច្ចការសាធារណៈបាននិយាយកាលពីថ្ងៃទី៣ថា យន្តហោះទម្លាក់គ្រាប់បែកយុទ្ធសាស្ត្រធុនធ្ងន់ B-52 ចំនួន ២គ្រឿងមកពីកងទ័ពអាកាសសហរដ្ឋអាមេរិក រួមជាមួយយន្តហោះ P-8 Poseidon ចំនួន ២គ្រឿងមកពីកងទ័ពជើងទឹក បានហោះរួមគ្នាពីលើតំបន់សមុទ្រចិនខាងកើត ដើម្បីពង្រឹកសមហរណកម្មកងកម្លាំងរួមគ្នា។
សេចក្តីថ្លែងការណ៍បាននិយាយថា ចាប់តាំងពីឆ្នាំ២០០៤មក បញ្ជាការទ័ពសហរដ្ឋអាមេរិកប្រចាំនៅឥណ្ឌូប៉ាស៊ីហ្វីក បានធ្វើប្រតិបត្តិការណ៍ ដែលគេឲ្យឈ្មោះថា «វត្តមានយន្តហោះទម្លាក់គ្រាប់បែកបន្ត»។
យោងតាមបញ្ជាការទ័ពសហរដ្ឋអាមេរិកប្រចាំនៅឥណ្ឌូប៉ាស៊ីហ្វីក ការធ្វើសមយុទ្ធនេះត្រូវបានធ្វើឡើងនៅក្នុងលំហស្របច្បាប់ គឺធ្វើឡើងទៅតាមច្បាប់អន្តរជាតិតែប៉ុណ្ណោះ ដែលលំហនេះត្រូវបានចាត់ទុកថា «មានសារៈសំខាន់ចំពោះគោលការណ៍ ដែលជាមូលដ្ឋានគ្រឹះនៃប្រព័ន្ធប្រតិបត្តិការជាសកល ដែលយកច្បាប់ជាគោល»។
យោងតាមរូបភាពពីកងទ័ពអាកាសសហរដ្ឋអាមេរិក កាលពីថ្ងៃទី២ បានបង្ហាញពីការចាក់សាំងទៅលើយន្តហោះ B-52 ដែលថា យន្តហោះនេះ បានធ្វើការហោះហើរពីលើតំបន់ទាំងនោះជាងមួយថ្ងៃ។
យោងតាមសេចក្តីប្រកាសព័ត៌មានរដ្ឋាភិបាលអាមេរិកដែលបានបង្ហាញជាសាធារណៈ យន្តហោះ B-52 ត្រូវបានបញ្ជូនទៅហោះពីលើតំបន់សមុទ្រចិនខាងកើត បន្ទាប់ពីពួកវាបានចេញដំណើរពីមូលដ្ឋានទ័ពអាកាស Baksdale ដែលមានមូលដ្ឋាននៅទីក្រុង Louisiana។ ក្រោយពីបានបំពេញបេសកកម្មហើយ យន្តហោះទាំងនោះបានចុះចតនៅមូលដ្ឋានកងទ័ពអាកាស Anderson ប្រចាំនៅលើកោះហ្គាំ។
កាលពីខែមិថុនា អ្នកនាំពាក្យក្រសួងការបរទេសចិន លោកស្រី ហ័រ ឈុនយីង បានបង្ហាញពីការមិនសុខចិត្តទៅនឹងវត្តមានយន្តហោះទម្លាក់គ្រាប់បែកយុទ្ធសាស្ត្ររបស់អាមេរិក ដែលហោះពីលើតំបន់សមុទ្រចិនខាងត្បូងនោះទេ។ លោកស្រីបានប្រាប់អ្នករាយការណ៍ថា ទង្វើរបស់អាមេរិក គឺជាហានិភ័យមួយ។
កាលនោះលោកស្រីហ័របាននិយាយថា ចិនអត់ព្រឺទៅនឹងនាវាចម្បាំង ឬយន្តហោះចម្បាំងរបស់អាមេរិកនោះទេ។ ហើយចិនក៏មិនញញើតក្នុងការចាត់វិធានការណ៍ការពារបូរណភាពទឹកដីរបស់ខ្លួនដែរ ដើម្បីការពារសន្តិភាព និងស្ថិរភាព នៅក្នុងតំបន់សមុទ្រចិនខាងត្បូង។
គួរកត់សម្គាល់ថា សហរដ្ឋអាមេរិកបានធ្វើការរិះគន់ម្តងហើយម្តងទៀតចំពោះទង្វើរបស់ទីក្រុងប៉េកាំង នៅក្នុងតំបន់សមុទ្រចិនខាងត្បូង ជាពិសេសការបង្កើតឡើងនូវមូលដ្ឋានយោធា នៅលើប្រជុំកោះសិប្បនិមិត្ត។ ភាពតានតឹកនៅក្នុងតំបន់សមុទ្រចិនខាងត្បូង បានកើនឡើងខ្លាំង រហូតដល់ថ្នាក់បញ្ជាការទ័ពអាមេរិកប្រចាំនៅប៉ាស៊ីហ្វីក លើកឡើងថា មានតែសេនារីយ៉ូប្រកាសសង្គ្រាមជាមួយចិនទេ ទើបអាចបញ្ឈប់ចិនពីការកសាងមូលដ្ឋានយោធានៅលើប្រជុំកោះក្នុងតំបន់សមុទ្រចិនខាងត្បូងបាន៕DNT-NEWS
កងទ័ពអាកាសសហរដ្ឋអាមេរិកប្រចាំនៅប៉ាស៊ីហ្វីកទទួលបន្ទុកកិច្ចការសាធារណៈបាននិយាយកាលពីថ្ងៃទី៣ថា យន្តហោះទម្លាក់គ្រាប់បែកយុទ្ធសាស្ត្រធុនធ្ងន់ B-52 ចំនួន ២គ្រឿងមកពីកងទ័ពអាកាសសហរដ្ឋអាមេរិក រួមជាមួយយន្តហោះ P-8 Poseidon ចំនួន ២គ្រឿងមកពីកងទ័ពជើងទឹក បានហោះរួមគ្នាពីលើតំបន់សមុទ្រចិនខាងកើត ដើម្បីពង្រឹកសមហរណកម្មកងកម្លាំងរួមគ្នា។
សេចក្តីថ្លែងការណ៍បាននិយាយថា ចាប់តាំងពីឆ្នាំ២០០៤មក បញ្ជាការទ័ពសហរដ្ឋអាមេរិកប្រចាំនៅឥណ្ឌូប៉ាស៊ីហ្វីក បានធ្វើប្រតិបត្តិការណ៍ ដែលគេឲ្យឈ្មោះថា «វត្តមានយន្តហោះទម្លាក់គ្រាប់បែកបន្ត»។
យោងតាមបញ្ជាការទ័ពសហរដ្ឋអាមេរិកប្រចាំនៅឥណ្ឌូប៉ាស៊ីហ្វីក ការធ្វើសមយុទ្ធនេះត្រូវបានធ្វើឡើងនៅក្នុងលំហស្របច្បាប់ គឺធ្វើឡើងទៅតាមច្បាប់អន្តរជាតិតែប៉ុណ្ណោះ ដែលលំហនេះត្រូវបានចាត់ទុកថា «មានសារៈសំខាន់ចំពោះគោលការណ៍ ដែលជាមូលដ្ឋានគ្រឹះនៃប្រព័ន្ធប្រតិបត្តិការជាសកល ដែលយកច្បាប់ជាគោល»។
យោងតាមរូបភាពពីកងទ័ពអាកាសសហរដ្ឋអាមេរិក កាលពីថ្ងៃទី២ បានបង្ហាញពីការចាក់សាំងទៅលើយន្តហោះ B-52 ដែលថា យន្តហោះនេះ បានធ្វើការហោះហើរពីលើតំបន់ទាំងនោះជាងមួយថ្ងៃ។
យោងតាមសេចក្តីប្រកាសព័ត៌មានរដ្ឋាភិបាលអាមេរិកដែលបានបង្ហាញជាសាធារណៈ យន្តហោះ B-52 ត្រូវបានបញ្ជូនទៅហោះពីលើតំបន់សមុទ្រចិនខាងកើត បន្ទាប់ពីពួកវាបានចេញដំណើរពីមូលដ្ឋានទ័ពអាកាស Baksdale ដែលមានមូលដ្ឋាននៅទីក្រុង Louisiana។ ក្រោយពីបានបំពេញបេសកកម្មហើយ យន្តហោះទាំងនោះបានចុះចតនៅមូលដ្ឋានកងទ័ពអាកាស Anderson ប្រចាំនៅលើកោះហ្គាំ។
កាលពីខែមិថុនា អ្នកនាំពាក្យក្រសួងការបរទេសចិន លោកស្រី ហ័រ ឈុនយីង បានបង្ហាញពីការមិនសុខចិត្តទៅនឹងវត្តមានយន្តហោះទម្លាក់គ្រាប់បែកយុទ្ធសាស្ត្ររបស់អាមេរិក ដែលហោះពីលើតំបន់សមុទ្រចិនខាងត្បូងនោះទេ។ លោកស្រីបានប្រាប់អ្នករាយការណ៍ថា ទង្វើរបស់អាមេរិក គឺជាហានិភ័យមួយ។
កាលនោះលោកស្រីហ័របាននិយាយថា ចិនអត់ព្រឺទៅនឹងនាវាចម្បាំង ឬយន្តហោះចម្បាំងរបស់អាមេរិកនោះទេ។ ហើយចិនក៏មិនញញើតក្នុងការចាត់វិធានការណ៍ការពារបូរណភាពទឹកដីរបស់ខ្លួនដែរ ដើម្បីការពារសន្តិភាព និងស្ថិរភាព នៅក្នុងតំបន់សមុទ្រចិនខាងត្បូង។
គួរកត់សម្គាល់ថា សហរដ្ឋអាមេរិកបានធ្វើការរិះគន់ម្តងហើយម្តងទៀតចំពោះទង្វើរបស់ទីក្រុងប៉េកាំង នៅក្នុងតំបន់សមុទ្រចិនខាងត្បូង ជាពិសេសការបង្កើតឡើងនូវមូលដ្ឋានយោធា នៅលើប្រជុំកោះសិប្បនិមិត្ត។ ភាពតានតឹកនៅក្នុងតំបន់សមុទ្រចិនខាងត្បូង បានកើនឡើងខ្លាំង រហូតដល់ថ្នាក់បញ្ជាការទ័ពអាមេរិកប្រចាំនៅប៉ាស៊ីហ្វីក លើកឡើងថា មានតែសេនារីយ៉ូប្រកាសសង្គ្រាមជាមួយចិនទេ ទើបអាចបញ្ឈប់ចិនពីការកសាងមូលដ្ឋានយោធានៅលើប្រជុំកោះក្នុងតំបន់សមុទ្រចិនខាងត្បូងបាន៕DNT-NEWS
