(រដ្ឋធានីវ៉ាស៊ីនតោន)៖ សហរដ្ឋអាមេរិកបានទណ្ឌកម្មសារជាថ្មីទៅលើប្រទេសអ៊ីរ៉ង់សារជាថ្មី ក្រោយពេលពីការដកខ្លួនចេញពីកិច្ចព្រមព្រៀងនុយក្លេអ៊ែរអ៊ីរ៉ង់កាលពីខែឧសភា និងការប្តេជ្ញាជម្រុញទណ្ឌកម្មបន្ថែមពីសំណាក់រដ្ឋបាលលោកត្រាំ។
ការដាក់ទណ្ឌកម្មលើកទីមួយ ក្នុងចំណោមទណ្ឌកម្មពីរលើក បានចាប់ផ្តើមនៅថ្ងៃអង្គារនេះ ដែលសម្តៅទៅរករូបិយវត្ថុរបស់អ៊ីរ៉ង់ទៅកាន់សហរដ្ឋអាមេរិក និងឧស្សាហកម្មធំៗដូចជារថយន្ត និងកម្រាលព្រំ។
អ៊ីរ៉ង់បានទទួលរងនូវផលប៉ះពាល់ពីការដាក់ទណ្ឌកម្មរួចហើយ ដោយសារតែរូបិយប័ណ្ណរបស់ខ្លួនបានបាត់បង់តម្លៃប្រហែលពាក់កណ្តាលចាប់តាំងពីលោកត្រាំ បានប្រកាសដកខ្លួនចេញពីកិច្ចព្រមព្រៀងនុយក្លេអ៊ែរអ៊ីរ៉ង់មក។
នៅក្នុងបទបញ្ជាមួយកាលពីថ្ងៃចន្ទ លោក ត្រាំបាននិយាយថា ទណ្ឌកម្មកំពុងព្យាយាមដាក់សម្ពាធផ្នែកហិរញ្ញវត្ថុទៅលើក្រុងតេអេរ៉ង់ ដើម្បីបង្ខំឱ្យមានដំណោះស្រាយដ៏ល្អ និងយូរអង្វែងចំពោះការគំរាមកំហែងរបស់អ៊ីរ៉ង់ រួមទាំងការអភិវឌ្ឍមីស៊ីល និងសកម្មភាពនៅក្នុងតំបន់ផងដែរ។ ផលប៉ះពាល់នៃការដាក់ទណ្ឌកម្មឡើងវិញបានបង្កើនភាពតានតឹងនៅក្នុងប្រទេសអ៊ីរ៉ង់ ដែលបានបង្កឲ្យមានការធ្វើបាតុកម្មជាច្រើនថ្ងៃជាប់ៗគ្នា នៅក្នុងទីក្រុងមួយចំនួនរបស់អ៊ីរ៉ង់ដោយសារតែប្រព័ន្ធនយោបាយ។
កាលពីថ្ងៃចន្ទសប្តាហ៍មុន លោកត្រាំបាននិយាយថា លោកចង់ជួបជាមួយប្រធានាធិបតីអ៊ីរ៉ង់ ហាស់សាន រ៉ូហានីដោយឥតលក្ខណ្ឌ។ ប៉ុន្តែសំណើរជួបរបស់លោកត្រាំត្រូវបានច្រានចោលដោយអ៊ីរ៉ង់។ នៅត្រឹមខែវិច្ឆិកាខាងមុខ បម្រាមរបស់អាមេរិក ដែលហាមមិនឲ្យប្រទេសផ្សេងទៀតធ្វើជំនួយជាមួយអ៊ីរ៉ង់នឹងត្រូវចូលជាធរមាន។ បើប្រទេសណាមួយហ៊ានល្មើសនឹងបម្រាមនេះ ប្រទេសនោះនឹងត្រូវទទួលរងទណ្ឌកម្ម។ ដោយឡែក អ៊ីរ៉ង់វិញបានគម្រាមតបថា បើការធ្វើពាណិជ្ជកម្មរបស់ខ្លួនត្រូវបានហាមឃាត ខ្លួននឹងបិទច្រកសមុទ្រអ័រមូស ដែលជាផ្លូវទឹកដ៏មានសារៈសំខាន់ ដោយមានបណ្តាប្រទេសជាច្រើនត្រូវដឹកប្រេង ២០ភាគរយនៃតម្រូវការពិភពលោកឆ្លងកាត់ផ្លូវទឹកមួយនេះ៕DNT-NEWS