(ទីក្រុងកូឡាឡាំពួ)៖ អតីតនាយករដ្ឋមន្ត្រីម៉ាឡេស៊ី លោក ណាជីប រ៉ាហ្សាក់នៅថ្ងៃពុធនេះ ត្រូវបានចោទប្រកាន់ពីបទលាងលុយកខ្វក់ ដែលជាផ្នែកមួយនៃការបើកការស៊ើបអង្កេតអំពីការបាត់បង់ថវិការម៉ាឡេស៊ី។
ការលាងលុយកខ្វក់នោះ គឺជាប់ពាក់ព័ន្ធទៅនឹងការផ្ទេរទឹកប្រាក់១០,៣លានដុល្លារអាមេរិកពីកញ្ចប់ថវិការរដ្ឋចូលទៅក្នុងគណនេយ្យផ្ទាល់ខ្លួនរបស់លោកណាជីប។
ចៅក្រមបានបញ្ជូនករណីនេះទៅកាន់តុលាការជាន់ខ្ពស់ ដើម្បីស្តាប់សវនាការនៅថ្ងៃពុធនេះ រួមជាមួយនឹងការចោទប្រកាន់ពីមុនផង។
តុលាការបានដឹងថា ថវិការ ២៧លានរីហ្គីតម៉ាឡេ និងលុយ ១០លានរីហ្គីតម៉ាឡេស ត្រូវបានផ្ទេរចូលទៅក្នុងគណនេយ្យតែមួយ ហើយលុយ ៥លានរីហ្គីនផ្សេងទៀត ត្រូវបានផ្ទេរចូលគណនេយ្យមួយផ្សេងទៀត។ បើរកឃើញថាបានប្រព្រឹត្តដូចការចោទប្រកាន់មែន លោកណាជីបប្រឈមទៅនឹងការជាប់ពន្ធធនាគារ ១៥ឆ្នាំ និងទទួលរងនូវការផាកពិន័យរឹបអូសទ្រព្យសម្បត្តិ។
លោកណាជីបដែលមានអាយុ ៦៤ឆ្នាំ ត្រូវបានកោះហៅកាលពីថ្ងៃអង្គារ ដោយគណៈកម្មការប្រឆាំងអំពើពុករលួយម៉ាឡេស៊ី (MACC) សម្រាប់ការសាកសួរថ្មីមួយ ដែលមានរយៈពេលប្រហែល ៤៥នាទី។
សូមបញ្ជាក់ថា អតីតមេដឹកនាំរូបនេះត្រូវបានចាប់ខ្លួន និងចោទប្រកាន់កាលពីខែមុន ចំនួន ៣ករណី ក្នុងនោះរួមមានពីបទឧក្រិដ្ឋកម្ម ទំនុកចិត្ត និងការបំពាន់អំណាច។
គួររំម្លឹកដែរថាគួរបញ្ជាក់ថា ចាប់តាំងពីថ្ងៃទី១៨ឧសភាមក ប៉ូលីសម៉ាឡេស៊ី បានបើកប្រតិបត្តិការឆែកឆេរនៅក្នុងផ្ទះល្វែងជាច្រើនកន្លែងដែលក្នុងនោះក៏មានទាំងនិវេសន៍ដ្ឋានរបស់លោក Najib Razak អតីតនាយរដ្ឋមន្ត្រីម៉ាឡេស៊ីក៏ព្រមទាំងលំនៅឋានរបស់កូនគាត់ចំនួនពីរនាក់ផង។ ប្រតិបត្តិការឆែកឆេរនេះ ត្រូវបានប្រព្រឹត្តទៅមិនយូរប៉ុន្មានឡើយបន្ទាប់ពីបក្សសម្ព័ន្ធរបស់លោកត្រូវបានទទួលបរាជ័យនៅក្នុងការបោះឆ្នោតសភាម៉ាឡេស៊ីនៅថ្ងៃទី៩ឧសភាកន្លងទៅនេះ។
មួយវិញទៀត នៅក្នុងផ្ទះល្វែងមួយខ្នងដែលពុំមែនជាកម្មសិទ្ធិរបស់គ្រួសារលោក Najib Razak ប៉ូលីសម៉ាឡេស៊ី ក៏បានរកឃើញដែរនូវស្បោងដែលមានសុទ្ធតែលុយយ៉ាងពេញណែនចំនួន៣៥ស្បោងក្នុងនោះ ស្បោងចំនួន ២៦ មានសុទ្ធតែរូបិយប័ណ្ឌផ្សេងៗគ្នា ដែលគិតជាទឹកប្រាក់សរុប មានចំនួនប្រមាណជា ១១៤លាន Ringgits លុយម៉ាឡេស៊ី។
លើសពីនេះ ប៉ូលីសម៉ាឡេស៊ី បានរិបអូសប្រអប់ចំនួន ២៨៤ ដែលគេទុកសម្រាប់ដាក់ការបូបយួរដៃនិងកាបូបយួរដៃចំនួន១៥០ផ្សេងទៀតនៅក្នុងនិវេសន៍ដ្ឋានកូនស្រី របស់លោក Najib Razak ឈ្មោះលោកស្រី Nooryana Najwa ។ នៅក្នុងចំណោមកាបូបយួរដៃទាំងនោះ មួយចំនួនធំទំនងជាផលិតដោយហាងម៉ាកបារាំងដ៏ល្បីឈ្មោះ Hermès។
ទន្ទាមនេះ ប៉ូលីស បានអះអាងដែរថា ខ្លួនបានធ្វើការពិភាក្សារួចហើយជាមួយក្រុមហ៊ុន Hermès បារាំងដើម្បីបញ្ជូនរូបថតនានាទៅកាន់ប៉ារីស ក្នុងគោលដៅអោយក្រុមហ៊ុន Hermès ពិនិត្យពិច្ច័យមើលឲ្យបានត្រឹមត្រូវ ដើម្បីចង់ដឹងថាតើកាបូបរីបអូសបាននោះ ពិតជាកាបូបសុទ្ធឬក៏ក្លែងក្លាយ រួមទាំងការពិនិត្យលើតម្លៃកាបូបនោះទៀតផង។
គូររំលឹកថា បន្ទាប់ពីលោក Najib Razak បានបាត់បង់អំណាចមក នាយករដ្ឋមន្ត្រីថ្មីម៉ាឡេស៊ី លោក ម៉ាហាធា ម៉ូហាម៉េដ បានស្នើឲ្យប៉ូលីសបើកការស៊ើបអង្កេតនៅលើសំណុំរឿងពុករលួយដែលប្រព្រឹត្តដោយលោក ណាជីបនិងបក្សពួករបស់លោក ក្នុងគោលដៅដើម្បីរឹបអូសយកលុយពុករលួយត្រឡប់មកវិញ។
អតីតនាយករដ្ឋមន្ត្រីម៉ាឡេស៊ីរូបនេះ ត្រូវជាប់សង្ស័យពីបទបានកេងបន្លំលុយរដ្ឋប្រមាណជា៦៤០លានអ៊ីរ៉ូ ពីមូលនិធីមួយ1 Malasia Development Berhad (MBD) ដែលលោកបានបង្កើតឡើងបន្ទាប់ពីលោកបានឡើងដឹកនាំប្រទេសនៅឆ្នាំ២០០៩៕
Home ព្រឹត្តិការណ៍ថ្មីៗ អតីតនាយករដ្ឋមន្ត្រីម៉ាឡេស៊ី ក្រោយពេលអស់អំណាចត្រូវរងការចោទប្រកាន់ជាច្រើនករណីនឹងអាចប្រឈមទៅ ការជាប់ពន្ធធនាគារ ១៥ឆ្នាំ ថែមទាំងទទួលរងនូវការផាកពិន័យរឹបអូសទ្រព្យសម្បត្តិ !