សារព័ត៌មាន The National Tribune បានចេញផ្សាយនៅថ្ងៃទី៦ វិច្ឆិកា ២០១៨ ថា អង្គភាពការពារដែនអាកាសរបស់អ៊ីរ៉ង់ និងកងកម្លាំងឆ្មាំបដិវត្តន៍អ៊ីស្លាមអ៊ីរ៉ង់បានចាប់ផ្តើមធ្វើសមយុទ្ធរួមគ្នា មហាសម្បើមកាលពីថ្ងៃចន្ទស្របពេលដែលអាមេរិកបានបដាក់ទណ្ឌកម្មខ្ទប់ដង្ហើមសេដ្ឋកិច្ចប្រទេសនេះ។
ទីភ្នាក់ងារសារព័ត៌មាន Tasnim បានរាយការណ៍ថា សមយុទ្ធការពារដែនអាកាសរួមទាំងកងកម្លាំងមកពីមូលដ្ឋានកងទ័ពអាកាស al-anbia ដែលជាកងកម្លាំងអវកាស និងកងយន្តហោះចម្បាំងមកពីកងកម្លាំងអាកាស។
សមយុទ្ធទ្រង់ទ្រាយធំរបស់អ៊ីរ៉ង់ ដែលមានឈ្មោះថា Velayat ត្រូវបានរៀបចំធ្វើឡើង នៅក្នុងតំបន់ កន្លះលានគីឡូម៉ែត្រការ៉េនៅភាគខាងជើង កណ្តាល និងភាគខាងលិចនៃប្រទេសអ៊ីរ៉ង់ ខណៈដែលប្រទេសនេះ មានទំហំផ្ទៃដី ១ ៦៤៨ ១៩៥គីឡូម៉ែត្រការ៉េ។
សមយុទ្ធនេះពាក់ព័ន្ធទៅនឹងការបញ្ជារ និងការគ្រប់គ្រងប្រព័ន្ធ ដើម្បីតានដាន ចាប់យកសញ្ញា ស្ទាក់ចាប់គោលដៅសត្រូវ ធ្វើប្រតិបត្តិការការពារដែនអាកាស តាមរយៈប្រព័ន្ធអេឡិចត្រូវនិច ប្រើប្រាស់ប្រព័ន្ធបញ្ជូនសញ្ញា រួមទាំងប្រព័ន្ធការពារដែនអាកាស បូកថែមទាំងយន្តហោះទាំងមាន និងគ្មានមនុស្សបើក និងគ្រាប់មីស៊ីលបាញ់ខ្ទប់។
នៅក្នុងសេចក្តីថ្លែងការណ៍មួយកាលពីខែកញ្ញា មេដឹកនាំកងកម្លាំងឆ្មាំបដិវត្តិអ៊ីស្លាមអ៊ីរ៉ង់ លោក Ayatollah Alikhamenei បានសង្កត់ធ្ងន់ទៅលើមូលដ្ឋានការពារដែនអាកាស ក្នុងការការពារប្រទេសរបស់លោក ដើម្បីប្រឆាំងសត្រូវ។
អាវុធដែលមានកាណុង ៣៥មីលីម៉ែត្រដែលត្រូវបានអភិវឌ្ឍន៍ក្នុងស្រុក ត្រូវបានបង្ហាញខ្លួននៅក្នុងថ្ងៃធ្វើសមយុទ្ធទ្រង់ទ្រាយធំរបស់អ៊ីរ៉ង់ផងដែរ។ ប្រព័ន្ធកាំភ្លើងកាណុងធំដែលហៅថា Seraj មានកាណុង ៣៥មីលីម៉ែត្រ ជាមួយនឹងគ្រាប់ផ្លោងទើបត្រូវបានផលិតថ្មី និងបំពាក់ជាមួយប្រព័ន្ធរ៉ាដា និងប្រព័ន្ធមើលនឹងភ្នែក។
គ្រាប់ផ្លោងកាណុងធំអ៊ីរ៉ង់ស៊េរីថ្មីនេះ ក៏អាចបាញ់ទម្លាក់យន្តហោះដ្រូននៅក្នុងរយៈកម្ពស់ដ៏ខ្ពស់ ពីតំបន់សង្គ្រាមបានដែរ។ ប្រព័ន្ធកាំភ្លើងធំនេះ មានសមត្ថភាពចាប់យក និងតម្រង់គោលដៅទៅរកវត្ថុដ៏តូចពីចម្ងាយបាន។
សូមបញ្ជាក់ថា កាលពីថ្ងៃចន្ទ សហរដ្ឋអាមេរិកបានចាប់ផ្តើមដាក់ទណ្ឌកម្មសារជាថ្មីទៅលើអ៊ីរ៉ង់ ដែលរាំងខ្ទប់នូវការធ្វើជំនួញ និងដាក់អង្គភាព បុគ្គល និងស្ថាបណ្ណជាច្រើនទៅក្នុងបញ្ជីខ្មៅរបស់សហរដ្ឋអាមេរិកផងដែរ។ ការដាក់ទណ្ឌកម្មនេះ ធ្វើឡើងដោយអ៊ីរ៉ង់ត្រូវបានចោទថា បានបន្តផលិតគ្រាប់មីស៊ីល និងរំលោភលើសន្ធិសញ្ញានុយក្លេអ៊ែរ ឆ្នាំ ២០១៥៕
សមយុទ្ធទ្រង់ទ្រាយធំរបស់អ៊ីរ៉ង់ ដែលមានឈ្មោះថា Velayat ត្រូវបានរៀបចំធ្វើឡើង នៅក្នុងតំបន់ កន្លះលានគីឡូម៉ែត្រការ៉េនៅភាគខាងជើង កណ្តាល និងភាគខាងលិចនៃប្រទេសអ៊ីរ៉ង់ ខណៈដែលប្រទេសនេះ មានទំហំផ្ទៃដី ១ ៦៤៨ ១៩៥គីឡូម៉ែត្រការ៉េ។
សមយុទ្ធនេះពាក់ព័ន្ធទៅនឹងការបញ្ជារ និងការគ្រប់គ្រងប្រព័ន្ធ ដើម្បីតានដាន ចាប់យកសញ្ញា ស្ទាក់ចាប់គោលដៅសត្រូវ ធ្វើប្រតិបត្តិការការពារដែនអាកាស តាមរយៈប្រព័ន្ធអេឡិចត្រូវនិច ប្រើប្រាស់ប្រព័ន្ធបញ្ជូនសញ្ញា រួមទាំងប្រព័ន្ធការពារដែនអាកាស បូកថែមទាំងយន្តហោះទាំងមាន និងគ្មានមនុស្សបើក និងគ្រាប់មីស៊ីលបាញ់ខ្ទប់។
នៅក្នុងសេចក្តីថ្លែងការណ៍មួយកាលពីខែកញ្ញា មេដឹកនាំកងកម្លាំងឆ្មាំបដិវត្តិអ៊ីស្លាមអ៊ីរ៉ង់ លោក Ayatollah Alikhamenei បានសង្កត់ធ្ងន់ទៅលើមូលដ្ឋានការពារដែនអាកាស ក្នុងការការពារប្រទេសរបស់លោក ដើម្បីប្រឆាំងសត្រូវ។
អាវុធដែលមានកាណុង ៣៥មីលីម៉ែត្រដែលត្រូវបានអភិវឌ្ឍន៍ក្នុងស្រុក ត្រូវបានបង្ហាញខ្លួននៅក្នុងថ្ងៃធ្វើសមយុទ្ធទ្រង់ទ្រាយធំរបស់អ៊ីរ៉ង់ផងដែរ។ ប្រព័ន្ធកាំភ្លើងកាណុងធំដែលហៅថា Seraj មានកាណុង ៣៥មីលីម៉ែត្រ ជាមួយនឹងគ្រាប់ផ្លោងទើបត្រូវបានផលិតថ្មី និងបំពាក់ជាមួយប្រព័ន្ធរ៉ាដា និងប្រព័ន្ធមើលនឹងភ្នែក។
គ្រាប់ផ្លោងកាណុងធំអ៊ីរ៉ង់ស៊េរីថ្មីនេះ ក៏អាចបាញ់ទម្លាក់យន្តហោះដ្រូននៅក្នុងរយៈកម្ពស់ដ៏ខ្ពស់ ពីតំបន់សង្គ្រាមបានដែរ។ ប្រព័ន្ធកាំភ្លើងធំនេះ មានសមត្ថភាពចាប់យក និងតម្រង់គោលដៅទៅរកវត្ថុដ៏តូចពីចម្ងាយបាន។
សូមបញ្ជាក់ថា កាលពីថ្ងៃចន្ទ សហរដ្ឋអាមេរិកបានចាប់ផ្តើមដាក់ទណ្ឌកម្មសារជាថ្មីទៅលើអ៊ីរ៉ង់ ដែលរាំងខ្ទប់នូវការធ្វើជំនួញ និងដាក់អង្គភាព បុគ្គល និងស្ថាបណ្ណជាច្រើនទៅក្នុងបញ្ជីខ្មៅរបស់សហរដ្ឋអាមេរិកផងដែរ។ ការដាក់ទណ្ឌកម្មនេះ ធ្វើឡើងដោយអ៊ីរ៉ង់ត្រូវបានចោទថា បានបន្តផលិតគ្រាប់មីស៊ីល និងរំលោភលើសន្ធិសញ្ញានុយក្លេអ៊ែរ ឆ្នាំ ២០១៥៕
