ក្នុងរយៈពេលត្រឹមតែ ២ថ្ងៃប៉ុណ្ណោះ កងកម្លាំងការពារជាតិអ៊ីស្រាអែលបានបើកការវាយប្រហារទៅលើទីតាំងជាច្រើន ដែលខ្លួនបានអះអាងថា ជាទីតាំងរបស់កងទ័ពអ៊ីរ៉ង់។
យោងតាមសារព័ត៌មានរដ្ឋរុស្ស៊ីនៅថ្ងៃទី២២ មករានេះ កងកម្លាំងយោធារុស្ស៊ីបានប្រកាសថា ប្រព័ន្ធការពារដែនអាកាសស៊ីរីបានកម្ទេចគ្រាប់មីស៊ីលចំនួន ៣០គ្រាប់ នៅពេលដែលអ៊ីស្រាអែលបើកការវាយប្រហារទៅលើទីក្រុងដាម៉ាស់។
មជ្ឈមណ្ឌលគ្រប់គ្រងការពារដែនអាកាសរុស្ស៊ីបានរាយការណ៍កាលពីថ្ងៃចន្ទថា «នៅថ្ងៃទី២១ មករា ២០១៩ ចាប់ពីម៉ោង ២: ១១នាទី ដល់ម៉ោង ២: ៥៩នាទីអ៊ីស្រាអែលបើកការវាយប្រហារចំនួន ៣គោលដៅទៅលើស៊ីរីពីភាគខាងលិច ភាគនិរតី និងភាគខាងត្បូង»។
ក្រសួងការពារជាតិរុស្ស៊ីបាននិយាយថា ការវាយប្រហារតាមផ្លូវអាកាសរបស់អ៊ីស្រាអែលបានសម្លាប់កងកម្លាំងស៊ីរី ៤នាក់ និង ៦នាក់ផ្សេងទៀតរងរបួស ព្រមទាំងបានបំផ្លាញហេដ្ឋារចនាសម្ព័ន្ធទីក្រុងដាម៉ាស់យ៉ាងច្រើន។
សេចក្តីប្រកាសអំពីការស្លាប់របស់កងកម្លាំងស៊ីរីនេះ បានធ្វើឡើងបន្ទាប់ពីអ៊ីស្រាអែលបានបញ្ជាក់អំពីការវាយប្រហាររបស់ខ្លួនទៅលើកងកម្លាំង Quds របស់អ៊ីរ៉ង់នៅក្នុងទឹកដីស៊ីរី និងបានបំផ្លាញទីតាំងអាវុធនៅក្នុងអាកាសយានដ្ឋានទីក្រុងដាម៉ាស់៕ក្រសួងការពារជាតិរុស្ស៊ី៖ ការវាយប្រហារតាមអាកាសសម្លាប់ទាហានស៊ីរី ៤នាក់ និងបាញ់ស្ទាក់មីស៊ីលបាន ៣០គ្រាប់
ក្នុងរយៈពេលត្រឹមតែ ២ថ្ងៃប៉ុណ្ណោះ កងកម្លាំងការពារជាតិអ៊ីស្រាអែលបានបើកការវាយប្រហារទៅលើទីតាំងជាច្រើន ដែលខ្លួនបានអះអាងថា ជាទីតាំងរបស់កងទ័ពអ៊ីរ៉ង់។
យោងតាមសារព័ត៌មានរដ្ឋរុស្ស៊ីនៅថ្ងៃទី២២ មករានេះ កងកម្លាំងយោធារុស្ស៊ីបានប្រកាសថា ប្រព័ន្ធការពារដែនអាកាសស៊ីរីបានកម្ទេចគ្រាប់មីស៊ីលចំនួន ៣០គ្រាប់ នៅពេលដែលអ៊ីស្រាអែលបើកការវាយប្រហារទៅលើទីក្រុងដាម៉ាស់។
មជ្ឈមណ្ឌលគ្រប់គ្រងការពារដែនអាកាសរុស្ស៊ីបានរាយការណ៍កាលពីថ្ងៃចន្ទថា «នៅថ្ងៃទី២១ មករា ២០១៩ ចាប់ពីម៉ោង ២: ១១នាទី ដល់ម៉ោង ២: ៥៩នាទីអ៊ីស្រាអែលបើកការវាយប្រហារចំនួន ៣គោលដៅទៅលើស៊ីរីពីភាគខាងលិច ភាគនិរតី និងភាគខាងត្បូង»។
ក្រសួងការពារជាតិរុស្ស៊ីបាននិយាយថា ការវាយប្រហារតាមផ្លូវអាកាសរបស់អ៊ីស្រាអែលបានសម្លាប់កងកម្លាំងស៊ីរី ៤នាក់ និង ៦នាក់ផ្សេងទៀតរងរបួស ព្រមទាំងបានបំផ្លាញហេដ្ឋារចនាសម្ព័ន្ធទីក្រុងដាម៉ាស់យ៉ាងច្រើន។
សេចក្តីប្រកាសអំពីការស្លាប់របស់កងកម្លាំងស៊ីរីនេះ បានធ្វើឡើងបន្ទាប់ពីអ៊ីស្រាអែលបានបញ្ជាក់អំពីការវាយប្រហាររបស់ខ្លួនទៅលើកងកម្លាំង Quds របស់អ៊ីរ៉ង់នៅក្នុងទឹកដីស៊ីរី និងបានបំផ្លាញទីតាំងអាវុធនៅក្នុងអាកាសយានដ្ឋានទីក្រុងដាម៉ាស់៕
