វាគឺជាហេតុការណ៍មួយដ៏ហួសចិត្តជាទីបំផុត នៅពេលដែលស្ត្រីជាម្តាយរួមគំនិតជាមួយបុរសជាសាហាយស្មន់ម្នាក់ ឲ្យកាប់ចិញ្ច្រាំក្បាលទារកអាយុទើប៨ខែខ្លួនឯងដូចសាច់ជ្រូកបីជាន់ ដោយគ្មានស្រណោះដៃបន្តិចសោះឡើយនោះ ដែលករណីមិននឹកស្មានដល់នេះ បានកើតឡើងនៅក្នុងប្រទេសបុរសបេឡារូស។ បុរសដៃឆៅជាឃាតករ ត្រូវបានកាត់ទោសប្រហារជីវិតជាមួយនឹងការបាញ់កាំភ្លើងទម្លុះក្បាលចោល។
ឃាតករម្នាក់នេះមានឈ្មោះ Viktar Syarhel (វីកតា ស៊ីយ៉ាហេល)អាយុ២៦ឆ្នាំ បានកាប់ចិញ្ច្រាំទារក Anna Kolb (អាន់ណា ខូប)ដូចសាច់ជ្រូកបីជាន់ ក្រោយពេលផឹកស៊ីស្រវឹងធ្លាក់ភ្នែកជាមួយនឹងមិត្តស្រីជាម្តាយទារក គឺនាង Natallya Kolb(ណាតាល់យ៉ា ខូប) ដែលរងការចោទប្រកាន់ពីបទឃាតកម្មផងដែរ។
តុលាការ Brest Regional Court បានបើកសវនាលើករណីដែលប្តីរបស់នាង Kolbគឺលោក Leonid (លីអូនីដ)បានមកផ្ទះជាមួយនឹងកូនប្រុស២នាក់របស់ពួកគេ ហើយនិងបានឃើញកូនស្រីរបស់គាត់ដេកក្នុងថ្លុកឈាម ដោយក្បាលរបស់នាងស្ទើតែដាច់ចេញពីគ្នាទៅហើយ។
លោក Syarhel និងនាង Kolbបាននៅក្បែរនោះ ក្នុងស្ថានភាពស្រវឹងស្រាជោគជាំ។ ទារក Annaមានស្នាមរបួស៤៦កន្លែង ហើយត្រូវបានសម្លាប់ដោយសារតែកាំបិតក្នុងចង្ក្រានបាយ។ លោក Syarhel ត្រូវបានកាត់ទោសប្រហារជីវិត ដោយការបាញ់សម្លាប់ ខណៈពេលដែលនាង Kolbត្រូវបានតុលាការកាត់ទោសឲ្យជាប់ពន្ធនាគាររយៈពេល២៥ឆ្នាំ ជាការដាក់ទោសសម្រាប់ទង្វើរដ៏ឃោឃៅរបស់ពួកគេ។
អ្នកជិតខាងម្នាក់ បាននិយាយថា ពេលដែលលោក Leonidបានចូលដល់ផ្ទះល្វែង លោកក៏បានឃើញកន្លែងកើតហេតុដូចក្នុងខ្សែភាពបែបរន្ធត់អញ្ចឹងដែរ។
តុលាការ Brest Regional Court បានអះអាងថា ទារកម្នាក់នេះ ត្រូវបានវាយធ្វើបាបយ៉ាងធ្ងន់ធ្ងរ មុនពេលដែលនាងត្រូវបានសម្លាប់ ហើយឃាតកររូបនេះ ប្រើទង្វើរឃោឃៅខ្លាំងណាស់។
ខណៈពេលនោះដែរ ប្រធានាធិបតីបេឡារូស លោក Alexander Lukashenko បាននិយាយថា លោកនឹងបន្តឯកភាពចំពោះទោសប្រហារជីវិត បើសិនវាគឺជាអ្វីដែលសាធារណជនចង់បាន។ យើងធ្លាប់មាននូវការធ្វើប្រជាមតិរួចហើយកាលពីឆនាំ១៩៩៦ ដើម្បីឲ្យមានទោសប្រហារជីវិត។
សូមបញ្ជាក់ថា មនុស្សប្រុសជាង៤០០នាក់ ត្រូវបានកាត់ទោសប្រហារជីវិត ចាប់តាំងពីប្រទេសមួយនេះ ទទួលបានឯករាជ្យរបស់ខ្លួន ក្រោយការដួលរំលំទៅរបស់អតីតសហភាពសូវៀតកាលពីឆ្នាំ១៩៩១។
សហភាពអឺរ៉ុប ស្ថិតនៅក្នុងចំណោមអង្គការអន្តរជាតិដែលជំរុញឲ្យប្រទេសបេឡារូស បញ្ឈប់ការប្រើប្រាស់ទោសប្រហារជីវិតមួយនេះ៕
Home ព័ត៌មានអន្តរជាតិ ម្តាយបង្កើតរួមគំនិតជាមួយប្រុសសាហាយឲ្យសម្លាប់កូនស្រីខ្លួនឯងដែលទើបអាយុ៨ខែយ៉ាងឃោឃៅបំផុត