ឆ្អឹងហ្វូស៊ីលរបស់សត្វចម្លែកដូចជានាគដែលមានអាយុកាល២៥០លានឆ្នាំ ត្រូវបានគេជីករកឃើញដោយក្រុមបុរាណវត្ថុវិទូនៅក្នុងប្រទេសរុស្ស៊ី។
សត្វចម្លែកមួយប្រភេទនេះ ទំនងជាពពួកសត្វនាគមុនបុរេប្រវត្តិសាស្ត្រ “កូម៉ូដុ” គឺជាសត្វចម្លែកដែលមានដើមកំណើតនៅលើកោះ Komodo, Rinca, Flores និង Gili Motang របស់ប្រទេសឥណ្ឌូនេស៊ី។
ឆ្អឹងហ្វូស៊ីលដែលរកឃើញ បង្ហាញថាសត្វចម្លែកនេះ មានក្បាលធំដូចយក្ស ជាមួយនឹងធ្មេញធំៗនៅក្នុងមាត់របស់វា ប្រៀបបានទៅនឹងមុខកាំបិត ដែលអាចចាប់ហែកស៊ីចំណីបានយ៉ាងងាយស្រួល។
បន្ទាប់ពីឆ្អឹងហ្វូស៊ីលរបស់វា ដែលជីកបាននៅចម្ងាយប្រហែល៤៥ម៉ៃល៍ពីទីក្រុង Orenburg ស្ថិតតាមដងទន្លេឧរ៉ាល់ ត្រូវបានពិនិត្យរួចរាល់ ក្រុមអ្នកជំនាញ បានកំណត់ថា វាមកពីក្រុមល្មូនមួយប្រភេទដែលគេស្គាល់ឈ្មោះថា “Erythrosuchid”។
សត្វចម្លែកដែលគេឲ្យឈ្មោះថា “Garjainia”នេះ មានកម្ពស់ប្រហែល១០ហ្វ៊ូត ហើយពួកវាដើរត្រាច់ចរនៅតាមតំបន់ជីវចម្រុះនៅទូទាំងសកលលោក ដែលរួមទាំងនៅអឺរ៉ុបបែកខាងកើត អាហ្វ្រិកខាងត្បូង ឥណ្ឌា និងចិន។
ទោះបីជាយ៉ាងណាក៏ដោយ ពពួកសត្វប្រភេទនេះ បានរស់នៅតាំងពីយុគសម័យមហាទ្វីប Pangaea មកម្ល៉េះ មុនពេលដែលដីផែនដីដ៏ធំល្វឹងល្វើយ ដាច់ចេញពីគ្នា បង្កើតបានជាទ្វីបដូចយើងឃើញសព្វថ្ងៃនេះ។
លោកវេជ្ជបណ្ឌិត Richard Butler មកពីសាកលវិទ្យាល័យ Birminghamបាននិយាយថា រឿងដែលគួរឲ្យភ្ញាក់ផ្អើលជាងនេះទៅទៀតនោះ គឺឆ្អឹងសត្វមួយនេះ ត្រូវបានអភិរក្សបានយ៉ាងល្អ។
លោកបានអះអាងថា ពពួកសត្វ Erythrosuchid គឺមានមាឌធំៗ ជាប្រភេទសត្វល្មូនស៊ីសាច់ជាចំណី ដែលរស់នៅក្រោយសម័យមុនការវិនាសផុតពូជរបស់ពពួកដាយណូរស័រ Permo-Triassic ដែលជាវិបត្តិអេកូឡូស៊ីដ៏ធំជាងគេបំផុតនៅក្នុងប្រវត្តិសាស្ត្រផែនដី។
សូមបញ្ជាក់ថា ហេតុការសម្លាប់ផុតពូជសត្វទ្រង់ទ្រាយធំបំផុត Permo-Triassic បានកើតឡើងកាលពី២៥២ឆ្នាំមុន ដោយបានសម្លាប់ស្ទើរតែសត្វគ្រប់ប្រភេទទាំងអស់នៅលើផែនដី ក្រោយភ្នំភ្លើងនៅតំបន់ស៊ីបេរី បានផ្ទុះឡើង ធ្វើឲ្យមហាសមុទ្រប្រែក្លាយជាអាស៊ីត៕
សត្វ Erythrosuchid ត្រូវបានគេស្គាល់ឈ្មោះម្យ៉ាងទៀតថា ជា “សត្វក្រពើក្រហម” ដោយសារតែពួកវាមានដងខ្លួនវែង ហើយមានធ្មេញធំៗ ហើយនិងរស់រានរយៈពេលប៉ុន្មានលានឆ្នាំមុន សត្វដាយណូរស័រ៕
Home ព័ត៌មានអន្តរជាតិ សត្វនាគអាយុកាល២៥០លានឆ្នាំដែលមានក្បាលធំដូចយក្ស ត្រូវបានរកឃើញនៅប្រទេសរុស្ស៊ី