តារាម៉ូដែលហូឡង់ម្នាក់ គឺនាង Ivana Smit បានធ្លាក់ពីលើអគារស្លាប់ ក្រោយពីធ្វើសកម្មភាពរួមភេទគ្នា៣នាក់ជាមួយមហាសេដ្ឋីអង់គ្លេស និងភរិយារបស់គាត់នោះ ហើយនៅពេលនេះក្រុមនគរបាលអះអាងថា តារាស្រីវ័យក្មេងម្នាក់នេះ អាចនឹងត្រូវបានគេធ្វើឃាត។
នាង Ivana Smit អាយុ១៨ឆ្នាំ ត្រូវបានគេប្រទះឃើញដេកស្រាតននលគោកនៅលើរានហាលជាន់ទី៦នៃអគារផ្ទះល្វែង ស្ថិតនៅក្នុងរដ្ឋធានីកូឡាឡាំពួ ប្រទេសម៉ាឡេស៊ី។ នាងបានធ្លាក់ពីជាន់ទី២០នៃផ្ទះល្វែងដែលគ្រប់គ្រងដោយមហាសេដ្ឋីអាមេរិក Alexander Amado Johnson អាយុ៤៥ឆ្នាំ និងភរិយា Luna អាយុ៣២ឆ្នាំ។
ប្តីប្រពន្ធ២នាក់នេះ បានសារភាពថាពួកគេបានលេងល្បែងលើគ្រែ៣នាក់ជាមួយនាង Smit ពិតមែន នៅយប់ដែលនាងស្លាប់ ប៉ុន្តែពួកគេ បានធ្វើការច្រានចោលទាំងស្រុងរាល់ការជាប់ពាក់ព័ន្ធណាមួយនឹងការស្លាប់របស់នាង ហើយពួកគេបានអះអាងថា ពួកគេបានដេកលក់ នៅពេលដែលនាងធ្លាក់។
លោក Johnson និងអ្នកស្រី Luna ត្រូវបានចាប់ខ្លួន ក្រោយប្រទះឃើញសាកសពរបស់នាង Ivana ហើយនិងបានចំណាយពេល២សប្តាហ៍នៅក្នុងឃុំ។ ពួកគេ រងកាសង្ស័យថា បានប្រើប្រាស់គ្រឿងញៀន ហើយនិងបំពានលើច្បាប់អន្តោប្រវេសន៍ ប៉ុន្តែពួកគេត្រូវបានដោះលែងវិញដោយគ្មានការចោទប្រកាន់អ្វីទាំងអស់ ក្រោយការធ្វើតេស្តឈាមបង្ហាញថា គ្មានតម្រុយណាមួយនៃការប្រើប្រាស់គ្រឿងញៀន ហើយទិដ្ឋាការរបស់ពួកគេនៅមានសណ្ឋាប់ធ្លាប់ នោះ។
ការធ្វើកោសល្យវិច្ច័យសាកសព បានរកឃើញថា នាង Smitបានប្រើប្រាស់សារធាតុកូកាអ៊ីន ហើយនិងរកឃើញសារធាតុថ្នាំអំហ្វេតាមីន ប្រភេទ PMMA នៅក្នុងឈាមរបស់នាង។
លោក Johnsons បានបដិសេធន៍ចំពោះការផ្តល់គ្រឿងញៀនដល់នាង Smit ឬពួកគេប្រើខ្លួនឯងនៅយប់ដែលនាងស្លាប់។
ក្រោយការស្លាប់របស់នាង Smit អ្នកធ្វើកោសល្យវិច្ច័យម៉ាឡេស៊ី បានអះអាងថា សាកសពរបស់នាងពិបាកនឹងរកភស្តុតាងខ្លាំងណាស់ ខណៈពេលដែលការធ្វើកោសល្យវិច្ច័យបន្ថែមទៀតនៅប្រទេសហូឡង់បង្ហាញថា មានស្នាមជាំនៅលើដងខ្លួនរបស់នាងមុនពេលនាង Smit ធ្លាក់។
ទោះបីជាយ៉ាងណាក៏ដោយ តុលាការបានចេញសាលក្រមសម្រេចថា ការស្លាប់របស់នាង Smit គឺជាគ្រោះអាក្រក់ គ្មាននរណាម្នាក់ត្រូវទទួលខុសត្រូវនោះទេ ប៉ុន្តែតុលាការជាន់ខ្ពស់ម៉ាឡេស៊ី កាលពីសប្តាហ៍មុន បានផ្តល់សិទ្ធិដាក់ពាក្យបណ្តឹងរបស់គ្រួសារនាង ដើម្បិតវ៉ានឹងការរកឃើញរបស់ក្រុមស៊ើបអង្កេត។
លោក Huzir Mohamed គឺជាប្រធាននាយកដ្ឋានស៊ើបអង្កេតឧក្រិដ្ឋកម្ម បាននិយាយថា តុលាការជាន់ខ្ពស់បានសម្រេចថា ការស្លាប់របស់នាង Smithអាចបង្កឡើងដោយនរណាម្នាក់ ហើយពួកគេក៏បានបញ្ជាទៅអគ្គមេធាវី ឲ្យបើកការស៊ើបអង្កេតម្តងទៀតលើករណីស្លាប់របស់នាង Smit ៕
Home ព័ត៌មានអន្តរជាតិ ឃាតកម្មកំបាំងមុខតារាម៉ូដែលហូឡង់ធ្លាក់ពីលើអគារស្លាប់ក្រោយពីរួមភេទ៣នាក់ជាមួយមហាសេដ្ឋីអាមេរិក និងភរិយារបស់គាត់