.....កូនភ្លោះដែលកើតមកបែរជាមានពណ៌សម្បុរខុសគ្នា ដូចក្អែក និងហង្ស កម្រជួបប្រទះណាស់ពីមុនៗមកទើបតែកាលពីពេលកន្លងមកនេះដែលករណីបែបនេះបានកើតមានឡើងនៅក្នុងប្រទេសនីហ្សេរីយ៉ាដែលឪពុកម្តាយមានសម្បុរខ្មៅឃ្លីកដូចក្របីបែរជាកូនភ្លោះម្នាក់ខ្មៅខុសគ្នាហៅអត់ឮ!។ ដានីញែលនិងដាវីឌអូមីរីន បានកើតមកខុសគ្នាតែប៉ុន្មាននាទីប៉ុណ្ណោះ ប៉ុន្តែពួកគេមិនមានអ្វីដូចគ្នាបន្តិចសោះ។ ម្តាយក្មេងទាំងពីរនេះឈ្មោះ Stacy អាយុ ៣០ ឆ្នាំនិងឪពុកឈ្មោះ Babajideអាយុ៣៨ឆ្នាំពួកគេមានស្បែកខ្មៅដូចគ្នាតែកូនរបស់ពួកគេម្នាក់បែរជាមានស្បែកសនិងសក់ពណ៌ទង់ដែង ហើយមានស្បែកខ្មៅនិងសក់រួញខ្មៅ ទៅវិញ។
កូនភ្លោះទាំងពីរដែលមានភ្នែកពណ៌ត្នោតស្រស់ស្អាតបានទាក់ទាញការចាប់អារម្មណ៍យ៉ាងខ្លាំងរាល់ពេលដែលពួកគេចេញទៅខាងក្រៅម្តងៗនៅទីក្រុង Lagos ប្រទេសនីហ្សេរីយ៉ា។
ម្តាយរបស់ក្មេងទាំងពីរដែលជាអ្នកច្នៃម៉ូដសម្លៀកបំពាក់បាននិយាយថា មនុស្សជាច្រើនតែងតែសួរនាងថាតើក្មេងទាំងពីរនេះមួយណាជាកូនរបស់នាង។ “ខ្ញុំគ្រាន់តែនិយាយថាពួកគេទាំងពីរជារបស់ខ្ញុំ តែពួកគេមើលមកខ្ញុំដូចជាខ្ញុំនិយាយលេងសើចអីចឹង”។ដានីយ៉ែលនិងដាវីឌ បានកើតនៅថ្ងៃទី ២៦ ខែកុម្ភៈនៅទីក្រុង Lagos ប្រទេសនីហ្សេរីយ៉ា។
Stacyបាននិយាយថា“ដានីញែលកើតមកមុនហើយបន្ទាប់មកគិលានុបដ្ឋាយិកាបាននិយាយថា ទារកទីពីររបស់ខ្ញុំមានសក់ពណ៌ទង់ដែង។
ខ្ញុំគិតថាតើវាអាចកើតឡើងយ៉ាងម៉េចទៅ។ ខ្ញុំក្រឡេកមើលចុះក្រោម ហើយឃើញដាវីឌពិតជាមានសម្បុរសមែន។ខ្ញុំបានហៅប្តីរបស់ខ្ញុំដើម្បីគាត់មើលឃើញ ហើយខ្ញុំពិតជាមិនយល់ទេ”។
នាងបានបន្ថែមទៀតថា“ការផ្តល់កំណើតឲ្យក្មេងប្រុសទាំងពីរមិនមែនជារឿងធម្មតាទេនៅទីនេះ” ហើយពួកគេពិសេសសម្រាប់មនុស្សគ្រប់គ្នា៕
