អ៊ីស្រាអែល ជាប្រទេសមានគ្រាប់បែកបរមាណូ ហើយពេលនេះ អ៊ីស្រាអែលបានបង្កើនសមត្ថភាពកាន់តែខ្លាំងជាងមុនដោយអភិវឌ្ឍន៍មីស៊ីលឆ្លងទ្វីបបំពាក់ក្បាល់គ្រាប់បរមាណូ ។ សកម្មភាពខាងលើរបស់អ៊ីស្រាអែលបានបង្កក្តីបាម្ភយ៉ាងខ្លាំង ដល់ប្រទេសអ៊ីរ៉ង់ដែលជាសត្រូវនឹងគ្នាហើយប្រទេសទាំងពីរតែងតែគំរាមកំហែងកម្តេចគ្នាទៅវិញទៅមក ។ពេលថ្មីៗនេះ អ៊ីស្រាអែល បានប្រកាសថា បានសាកល្បងដោយជោគជ័យ ម៉ាស៊ីនមីស៊ីលថ្មី សម្រាប់ប្រើប្រាស់ នៅលើមីស៊ីល Hetz និងJericho អាចបំពាក់ក្បាល់គ្រាប់បរមាណូ ។
រដ្ឋាភិបាលទីក្រុងតេអ៊ីរ៉ង់ បានបង្ហាញក្តីបារម្ភយ៉ាងខ្លាំង ពីសកម្មភាពរបស់អ៊ីស្រាអែល ។ ជាមួយគ្នានោះរដ្ឋមន្ត្រីការបរទេសអ៊ីរ៉ង់ លោក Mohammad Javad Zarif បានចោទប្រកាន់ទៅលើអាមេរិក អង់គ្លេស អាល្លឺម៉ង់ បារាំង ដែលមិនមានសកម្មភាព ថ្កោលទោស ដល់ឃ្លាំងអាវុធបរមាណូ របស់អ៊ីស្រាអែល បែជានៅស្ងៀបស្ងាត់ទៅវិញ នេះជារឿងអយុត្តិធម៌សម្រាប់អ៊ីរ៉ង់ ។ អ៊ីរ៉ង់ចាត់ទុកថាសកម្មភាពខាងលើ របស់អ៊ីស្រាអែល ក្នុងការសាកល្បងមីស៊ីលបរមាណូ គឺមានគោលដៅតែមួយគត់សម្តៅទៅលើប្រទេសអ៊ីរ៉ង់ ។
កន្លងមកថ្មីៗ សារព័ត៌មានអ៊ីស្រាអែល បានផ្សាយថា ក្រសួងការពារជាតិអ៊ីស្រាអែល បានប្រកាសថា កម្លាំងទាហានប្រទេសនេះបានសាកល្បងម៉ាស៊ីនម៉ីស៊ីលថ្មី ទទួលបានជោគជ័យ ។ ការសាកល្បងធ្វើឡើងនៅទីតាំងយោធា Palmahim ។ បច្ចេកវិទ្យា ម៉ាស៊ីនមីស៊ីលថ្មីនោះត្រូវបានរក្សាជាសម្ងាត់ ហើយក៏មិនបានបញ្ចាក់ថា ផលិតថ្មីឬ ក៏អភិវឌ្ឍន៍ពីមីស៊ីលចាស់។ ម៉ាស៊ីនមីស៊ីលខាងលើនិងបំពាក់ឲ្យមីស៊ីលប្រភេទ Hetz និងJericho។
មីស៊ីល Hetzជាប្រភេទមីស៊ីលវាយស្ទាក់រយៈចម្ងាយធម្យមប្រកបដោយប្រសិទ្ធិភាពបំផុត ។
មីស៊ីលនេះត្រូវបានអភិវឌ្ឍន៍ទៅជាមីស៊ីល Hetz-3 អាចវាយស្ទាក់មីស៊ីលសត្រូវ ក្នុងកម្ពស់ដល់ទៅ ១០០គីឡូម៉ែត្រ ។ ប្រព័ន្ធមីស៊ីលនេះត្រូវបានអភីវឌ្ឍន៍ដើម្បីកម្ទេចមីស៊ីល Shahab និង Sajil របស់អ៊ីរ៉ង់។
មីស៊ីលរបស់អ៊ីស្រាអែល អាចវាយប្រហារ គោលដៅ ចម្ងាយដល់ទៅ ៣៥០០គីឡូម៉ែត្រ អាចបំពាក់ក្បាល់គ្រាប់ទម្ងន់ ១តោន។ អ៊ីស្រាអែលបន្តអភិវឌ្ឍន៍មីស៊ីល Jericho ដែលអាចវាយប្រហារបានគោលដៅក្នុងចម្ងាយដល់ទៅ ១១៥០០ គីឡូម៉ែត្រ អាចបំពាក់ក្បាលគ្រាប់បរមាណូ។មីស៊ីលទាំងនោះបានធ្វើឲ្យអ៊ីរ៉ង់បារម្ភកាន់តែខ្លាំង ជាមួយគ្នានេះ អ៊ីស្រាអែល មានក្បាលគ្រាប់បរមាណូ ប្រមាណ ៨០គ្រាប់។
Home ព័ត៌មានអន្តរជាតិ អ៊ីស្រាអែលសាកល្បងម៉ាស៊ីនមីស៊ីល ឆ្លងទ្វីបបំពាក់ក្បាលគ្រាប់ បរមាណូ ដើម្បីបង្កើនសមត្ថភាព បានដោយជោគជ័យ