អនុរក្សពន្ធនាគារស្រីវ័យ២៧ឆ្នាំម្នាក់ បានធ្លាក់ក្នុងអន្លង់ស្នេហ៍ និងលួចបង្កាត់ភ្លើងស្នេហ៍ក្នុងគុកជាមួយអ្នកទោសដ៏គ្រោះថ្នាក់ម្នាក់ នៅក្នុងពន្ធនាគារធំបំផុតរបស់អង់គ្លេស តែទីបំផុតនាងត្រូវបានគេកាត់ទោសឲ្យជាប់គុករយៈពេល១២ខែជាការព្រមាន ក្រោយពីបែកធ្លាយទំនាក់ទំនងលួចលាក់អស់រយៈពេល៤ខែរបស់ពួកគេរួចមកនោះ។
នាង Ayshea Gunn ត្រូវបានគេកាត់ទោសឲ្យជាប់គុករយៈពេល១ឆ្នាំ ក្រោយការសន្ទនាគ្នាតាមទូរស័ព្ទ ហើយនិងការលួចរួមសិច ត្រូវបានគេរកឃើញ រវាងរូបនាង និងអ្នកទោស Khuram Razaq អាយុ២៩ឆ្នាំ។លោកRazaqគឺជាអ្នកទោសនៅក្នុងពន្ធនាគារ Berwyn ស្ថិតនៅក្នុងទីក្រុង Wrexham ភាគខាងជើងរដ្ឋវែលស៍ ដែលត្រូវជាប់គុករយៈពេល១២ឆ្នាំ ពាក់ព័ន្ធនឹងការរួមគំនិតគ្នាប្លន់។តុលាការ Mold Crown បានបើកសវនាការថា មាននូវរូបថតអ្នកទាំង២ថើបគ្នា និងឱបគ្នានៅក្នុងបន្ទប់ដែករបស់នាង Gunn ហើយគេបានរកឃើញទៀតថា នាង Gunnបានលួចនាំយកខោខ្លីឲ្យគាត់ដោយលាក់ក្នុងអាវទ្រនាប់របស់នាងថែមទៀតផង។មន្ត្រីអនុរក្សគុករូបនេះ មកពីសង្កាត់ Pant Glas នៃទីក្រុង Wrexham បានទទួលស្គាល់ចំពោះទោសកំហុសរបស់នាងនៅឯការិយាល័យសាធារណៈ កាលដែលនាងបានបង្កើតឡើងចន្លោះខែកក្កដា និងខែវិច្ឆិកា ឆ្នាំមុន។លោករដ្ឋអាជ្ញា Simon Mills បាននិយាយថា នាង Gunn គឺជាមន្ត្រីអនុរក្សគុក នៅក្នុងពន្ធនាគារដែលដាក់អ្នកទោស១.២០០នាក់នេះ ចាប់តាំងពីពេលបើកដំណើរការដំបូងកាលពីខែកុម្ភះ ឆ្នាំ២០១៧ មកម្ល៉េះ ហើយនាងបានដឹងច្បាស់ពីទោសពាក់ព័ន្ធនឹងទង្វើររបស់នាង។
លោក Mills បានអះអាងថា អ្នកទាំង២ គ្មានការប្រុងប្រយ័ត្នខ្ពស់នោះទេ ពីទំនាក់ទំនងមិនសមរម្យរបស់ពួកគេ។ មន្ត្រីជាច្រើននៅក្នុងពន្ធនាគារនេះ បានកត់សំគាល់ឃើញថា នាង Gunn ចំណាយពេលច្រើននៅជាមួយលោក Razaq ហើយនិងបានចូលទៅក្នុងបន្ទប់គុករបស់គាត់យ៉ាងយូរទៀតផង។ក្រោយពីមានរបាយការណ៍ជាច្រើន ទើបនាំឲ្យបើកការស៊ើបអង្កេតផ្ទៃក្នុង ហើយទូរស័ព្ទរបស់គាត់ ក៏ត្រូវបានឆេកផងដែរ ជាហេតុធ្វើឲ្យទំនាក់ទំនងរបស់ពួកគេទាំង២ ត្រូវបានទម្លាយការពិត៕
Home ព័ត៌មានអន្តរជាតិ អនុរក្សពន្ធនាគារស្រីលួចបង្កើតភ្លើងស្នេហ៍ក្នុងបន្ទប់ដេករបស់ខ្លួនជាមួយអ្នកទោសលទ្ធផលចុងក្រោយជាប់គុក១២ខែជាការព្រមាន