សន្តិសុខត្រូវបានរឹតបន្តឹងនៅតាមទីក្រុងជាច្រើនទូទាំងសហរដ្ឋអាមេរិក ដែលរួមទាំងទីស្មសានជាតិ Arlington ផងដែរ ក្រោយពេលដែលអ៊ីរ៉ង់ គំរាមវាយប្រហារមកលើគោលដៅចំនួន៣៥របស់អាមេរិក។ទីស្មសានយោធានៅក្នុងរដ្ឋ Virginiaបាននិយាយតាម Twitterកាលពីថ្ងៃអង្គារថា ពួកគេនឹងបង្កើនសន្តិសុខ ហើយនិងបង្កើនការត្រួតពិនិត្យ ដោយសារតែស្ថានភាពតានតឹងដូចពេលបច្ចុប្បន្ននេះ។
ការបង្កើនសន្តិសុខបែបនេះ បានកើតមានឡើង ក្រោយពេលអ៊ីរ៉ង់សន្យាថា នឹងសងសឹកដល់ទីបញ្ចប់សម្រាប់ការសម្លាប់មេដឹកនាំយោធាកំពូលរបស់ពួកគេ គឺលោកឧត្តមសេនីយ៍ Qassem Soleimani នៅក្នុងការវាយប្រហារដោយដ្រូនសហរដ្ឋអាមេរិក។ទីក្រុង New York, Boston និង Los Angeles បានប្រកាសដូចគ្នាថា ពួកគេនឹងរឹតបន្តឹងសន្តិសុខ ក្រោយពេលការស្លាប់របស់លោក Soleimani ដែលត្រូវបានមន្ទីរបច្ចកោណចាត់ទុកថាជាមេដឹកនាំអង្គការភេរវកម្ម គឺកងកម្លាំងចម្រាំងឃូដ។ក្រុមនគរបាលប្រចាំនៅឧទ្យានសហរដ្ឋអាមេរិក បានប្រកាសផងដែរថា ពួកគេក៏ពង្រឹងសន្តិសុខដូចគ្នានៅទូទាំងប្រទេស។អ៊ីរ៉ង់បានធ្វើការគំរាមកំហែងដាច់អហង្កាថានឹងសងសឹកសហរដ្ឋអាមេរិក ក្រោយពេលដែលលោកប្រធានាធិបតី Donald Trumpបានបញ្ជាឲ្យសម្លាប់លោក Soleimani' ខណៈពេលដែលប្រជាជនអ៊ីរ៉ង់ បានលើកទង់ក្រហមសងសឹកនៅតាមដងផ្លូវផងដែរ។ខណៈពេលនោះដែរ លោកឧត្តមសេនីយ៍ Gholamali Abuhamzeh ដែលជាមេបញ្ជាការឆ្មាំបដិវត្តន៍អ៊ីស្លាមអ៊ីរ៉ង់ បានគូសបញ្ជាក់ពីគោលដៅជាច្រើនដែលអ៊ីរ៉ង់ នឹងធ្វើ។
លោក Abuhamzehបាននិយាយយថា ច្រកសមុទ្រ Hormuz គឺជាច្រកឆ្លងកាត់ដ៏សំខាន់មួយសម្រាប់លោកខាងលិច និងនាវាចម្បាំងសហរដ្ឋអាមេរិក ឆ្លងកាត់ទីនោះ ហើយវាគឺជាគោលដៅសំខាន់មកលើអាមេរិកដែលអ៊ីរ៉ង់ចង់បានជាយូរមកហើយ ហើយនៅមានគោលដៅ៣៥ផ្សេងទៀតរបស់អាមេរិកនៅក្នុងតំបន់ ក៏ដូចជាទីក្រុង Tel Avivរបស់អ៊ីស្រាអែល គឺស្ថិតនៅក្នុងចម្ងាយវាយប្រហាររបស់ពួកយើងទាំងអស់៕សន្តិសុខត្រូវបានរឹតបនឹ្តងនៅទូទាំងសហរដ្ឋអាមេរិក ក្រោយអ៊ីរ៉ង់គំរាមវាយប្រហារមកលើគោលដៅ៣៥របស់អាមេរិក
សន្តិសុខត្រូវបានរឹតបន្តឹងនៅតាមទីក្រុងជាច្រើនទូទាំងសហរដ្ឋអាមេរិក ដែលរួមទាំងទីស្មសានជាតិ Arlington ផងដែរ ក្រោយពេលដែលអ៊ីរ៉ង់ គំរាមវាយប្រហារមកលើគោលដៅចំនួន៣៥របស់អាមេរិក។ទីស្មសានយោធានៅក្នុងរដ្ឋ Virginiaបាននិយាយតាម Twitterកាលពីថ្ងៃអង្គារថា ពួកគេនឹងបង្កើនសន្តិសុខ ហើយនិងបង្កើនការត្រួតពិនិត្យ ដោយសារតែស្ថានភាពតានតឹងដូចពេលបច្ចុប្បន្ននេះ។
ការបង្កើនសន្តិសុខបែបនេះ បានកើតមានឡើង ក្រោយពេលអ៊ីរ៉ង់សន្យាថា នឹងសងសឹកដល់ទីបញ្ចប់សម្រាប់ការសម្លាប់មេដឹកនាំយោធាកំពូលរបស់ពួកគេ គឺលោកឧត្តមសេនីយ៍ Qassem Soleimani នៅក្នុងការវាយប្រហារដោយដ្រូនសហរដ្ឋអាមេរិក។ទីក្រុង New York, Boston និង Los Angeles បានប្រកាសដូចគ្នាថា ពួកគេនឹងរឹតបន្តឹងសន្តិសុខ ក្រោយពេលការស្លាប់របស់លោក Soleimani ដែលត្រូវបានមន្ទីរបច្ចកោណចាត់ទុកថាជាមេដឹកនាំអង្គការភេរវកម្ម គឺកងកម្លាំងចម្រាំងឃូដ។ក្រុមនគរបាលប្រចាំនៅឧទ្យានសហរដ្ឋអាមេរិក បានប្រកាសផងដែរថា ពួកគេក៏ពង្រឹងសន្តិសុខដូចគ្នានៅទូទាំងប្រទេស។អ៊ីរ៉ង់បានធ្វើការគំរាមកំហែងដាច់អហង្កាថានឹងសងសឹកសហរដ្ឋអាមេរិក ក្រោយពេលដែលលោកប្រធានាធិបតី Donald Trumpបានបញ្ជាឲ្យសម្លាប់លោក Soleimani' ខណៈពេលដែលប្រជាជនអ៊ីរ៉ង់ បានលើកទង់ក្រហមសងសឹកនៅតាមដងផ្លូវផងដែរ។ខណៈពេលនោះដែរ លោកឧត្តមសេនីយ៍ Gholamali Abuhamzeh ដែលជាមេបញ្ជាការឆ្មាំបដិវត្តន៍អ៊ីស្លាមអ៊ីរ៉ង់ បានគូសបញ្ជាក់ពីគោលដៅជាច្រើនដែលអ៊ីរ៉ង់ នឹងធ្វើ។
លោក Abuhamzehបាននិយាយយថា ច្រកសមុទ្រ Hormuz គឺជាច្រកឆ្លងកាត់ដ៏សំខាន់មួយសម្រាប់លោកខាងលិច និងនាវាចម្បាំងសហរដ្ឋអាមេរិក ឆ្លងកាត់ទីនោះ ហើយវាគឺជាគោលដៅសំខាន់មកលើអាមេរិកដែលអ៊ីរ៉ង់ចង់បានជាយូរមកហើយ ហើយនៅមានគោលដៅ៣៥ផ្សេងទៀតរបស់អាមេរិកនៅក្នុងតំបន់ ក៏ដូចជាទីក្រុង Tel Avivរបស់អ៊ីស្រាអែល គឺស្ថិតនៅក្នុងចម្ងាយវាយប្រហាររបស់ពួកយើងទាំងអស់៕
