កងកម្លាំងទ័ពអាកាសសហរដ្ឋអាមេរិកបានសម្ញែញសាច់ដុំយន្តហោះចម្បាំង Lightning II ជាង៥០គ្រឿងនៅលើផ្លូវរត់ ដើម្បីកំញ៉ោញអ៊ីរ៉ង់ ស្របពេលមានភាពតានតឹងរវាងទីក្រុងវ៉ាស៊ីងតោន និង ទីក្រុងតេអេរ៉ង់ ឡើងដល់កំពូលរង់ចាំតែការផ្ទុះជាសង្គ្រាមនោះ។
យន្តហោះចម្បាំង F-35A ចំនួន៥២គ្រឿង ដែលមានតម្លៃសរុប៤.២ពាន់លានដុល្លារ បានហោះចេញពីមូលដ្ឋានកងទ័ពអាកាស Hill Air Force Base ក្នុងរដ្ឋ Utah កាលពីថ្ងៃចន្ទ។ វាគឺជាការសមយុទ្ធមួយធ្វើឡើងដោយកងកម្លាំងបម្រុង Fighter Wings កងពលទី៣៨៨ និងកងពលទី៤១៩ បង្ហាញពីសមត្ថភាពរបស់កងកម្លាំងអាកាសសហរដ្ឋអាមេរិក ក្នុងការដាក់ពង្រាយកម្លាំងយន្តហោះចម្បាំងF-35Aទ្រង់ទ្រាយធំបំផុត។ថ្វីត្បិតតែវាគឺសមយុទ្ធតាមការគ្រោងទុកយ៉ាងណាក្តី តែការបង្ហាញយន្តហោះនេះ ត្រូវបានគេមើលឃើញច្បាស់ថា មានចេតនាតែមួយគត់ចង់កម្លាចអ៊ីរ៉ង់ ដែលបានគំរាមវាយប្រហារមកលើពួកគេ ក្រោយពីដ្រូនអាមេរិកបាញ់សម្លាប់មេដឹកនាំយោធាកំពូលរបស់ពួកគេ នៅក្នុងប្រទេសអ៊ីរ៉ាក់។កងកម្លាំងបម្រុង Fighter Wings បានប្រកាសឲ្យដឹងកាលពីថ្ងៃចន្ទថា បច្ចុប្បន្នយន្តហោះចម្បាំងF-35Aមានសមត្ថភាពពេញលេញក្នុងការធ្វើសង្គ្រាម។កងកម្លាំងបម្រុង Fighter Wings កងពលទី៤១៩ បាននិយាយថា យើងបានត្រៀមខ្លួនរួចរាល់ក្នុងការហោះហើ ការធ្វើសង្គ្រាម និងការឈ្នះសង្គ្រាម។ពួកគេបានបន្តទៀតថា សមយុទ្ធមួយនេះ បានធ្វើតេស្តសមត្ថភាពពីឡុតរបស់ពួកយើងក្នុងការដាក់ពង្រាយយន្តហោះចម្បាំងF-35Aក្នុងទ្រង់ទ្រាយធំ។
សូមបញ្ជាក់ថា យន្តហោះ F-35A មានតម្លៃ៨.២លានដុល្លារក្នុង១គ្រឿង។ សហរដ្ឋអាមេរិក ទទួលបានយន្តហោះ F-35A លើកដំបូងរបស់ខ្លួនកាលពីរយៈពេល៤ឆ្នាំមុននៅឯមូលដ្ឋានទ័ព Hill Air Force Base ៕
Home ព័ត៌មានអន្តរជាតិ អាមេរិកបញ្ចេញយន្តហោះចម្បាំង F-35A ៥២គ្រឿងដើម្បីកំញ៉ោងអ៊ីរ៉ង់ស្របពេលភាពតានតឹងឡើងកម្តៅដល់កម្រិតកំពូលដែលអាចនឹងផ្ទុះជាសង្គ្រាម