…នៅប្រទេសឥណ្ឌារឿងរ៉ាវចាប់រំលោភស្ត្រីភេទពួកឧក្រិដ្ឋជនដែលត្រូវប៉ូលិសចាប់បានបញ្ជូនទៅតុលាការមានតែផ្លូវស្លាប់ប៉ុណ្ណោះ។ កាលពីពេលកន្លងទៅថ្មីៗនេះតុលាការប្រទេសឥណ្ឌា បានចេញសាលក្រមផ្ដន្ទាទោស កាត់ទោសប្រហារជីវិត ដោយព្យួរកបុរស ០៤នាក់ ពីបទរំលោភ និងសម្លាប់និស្សិតសាកលវិទ្យាល័យទីក្រុងញូដេលី ម្នាក់ កាលពីឆ្នាំ២០១២ ហើយការប្រហារជីវិតជនទាំង០៤នាក់ នេះ នឹងត្រូវធ្វើឡើងនៅថ្ងៃទី២២ ខែមករា ខាងមុខនេះ។
នេះបើតាមការផ្សាយរបស់សារព័ត៌មាន CNA នៅព្រឹកថ្ងៃពុធ ទី០៨ ខែមករា ឆ្នាំ២០២០នេះ។ករណីរំលោភ និងសម្លាប់និស្សិតស្រីម្នាក់នេះ ដំបូងឡើយមនុស្សចំនួន០៦នាក់ត្រូវបានតុលាការផ្ដន្ទាទោសប្រហារជីវិត ពីបទរំលោភសម្លាប់និស្សិតស្រីឈ្មោះ ជីយ៉ូទី ស៊ីង (Jyoti Singh) អាយុ២៣ឆ្នាំ ប៉ុន្តែក្រោយមកមនុស្សម្នាក់ត្រូវបានគេដោះលែងឱ្យមានសេរីភាព និងម្នាក់ទៀតបានធ្វើអត្តឃាតអំឡុងពេលឃុំខ្លួនរង់ចាំសវនាការ។ ទើបតែនៅថ្ងៃអង្គារ ទី៧មករា តុលាការក្នុងទីក្រុងញូដេលី បានចេញសាលក្រមបង្គាប់ ឲ្យកាត់ទោសប្រហារជីវិតអ្នកទោសទាំង០៤នាក់ខាងលើ ដោយព្យួរកបុរស នៅថ្ងៃទី២២ ខែមករា នៅវេលាម៉ោង ៧៖០០នាទីព្រឹក ខាងមុខនេះ។
គួរបញ្ជាក់ថា កាលពីខែធ្នូ ឆ្នាំ២០១២ និស្សិត Jyoti Singh និងមិត្តភក្តិប្រុសម្នាក់របស់នាង ក្រោយចេញពីទស្សនាភាពយន្ត បានជិះរថយន្ដក្រុងមួយគ្រឿង ត្រឡប់មកផ្ទះវិញ ពេលនោះក្រុមជនសង្ស័យដែលជិះរថយន្តជាមួយ បានព្រួតគ្នារវាយដំពួកនាង និងបានរំលោភនាងតែម្ដង ហើយរូបនាងបាត់បង់ជីវិតក្រោយសម្រាកព្យាបាលក្នុងមន្ទីពេទ្យ អស់៤យប់ ៤ថ្ងៃ រីឯមិត្តភក្តិប្រុសរបស់នាង ត្រូវបានគេវាយឱ្យរបួសធ្ងន់ផងដែរ ៕
Home ព័ត៌មានអន្តរជាតិ បាបកម្មចាប់រំលោភស្រី ក្រោយពីស៊ីបាយគុកអស់៧ឆ្នាំតុលាការចេញប៉ាស្ព័រយកទៅព្យួរ-កនៅថ្ងៃទី២២ មករា ខាងមុខនេះ