អ្នកវិទ្យាសាស្ត្រដំបូងគេរបស់អង់គ្លេស គឺលោកស្រីវេជ្ជបណ្ឌិត Helen Sharman បានអះអាងថា និយាយថា មនុស្សពិភពផ្កាយមានពិតមែន ហើយអាចនឹងធ្វើដំណើរមកកាន់ផែនដីរួចទៅហើយ គ្រាន់តែពួកយើងមិនអាចជួបពួកគេតែប៉ុណ្ណោះ។អវកាសយានិកវ័យ៥៦ឆ្នាំម្នាក់នេះ បាននិយាយថា អាចនឹងមាននូវជីវិតបែបនេះនៅទីនោះ ដោយសារតែទីនោះ មាននូវតារារាប់ពាន់លាន ហើយនិងប្រព័ន្ធព្រះអាទិត្យ។
គួរឲ្យដឹងថា លោកស្រី Helen Sharman បានឡើងទៅកាន់គន្លងតារាវិថី កាលពីឆ្នាំ១៩៩១ ដែលជាផ្នែកមួយនៃគម្រោងសហភាពសូវៀត ហើយនិងបានចំណាយពេលជិត៨ថ្ងៃនៅក្នុងទីអវកាសនៅលើយាន Soyuz TM-12 និងក្នុងស្ថានីយ៍អវកាស Mir មុនពេលដែលលោកស្រី វិលត្រឡប់មកកាន់ផែនដីវិញ។អវកាសយានិកលើកដំបូងរបស់អង់គ្លេសរូបនេះ បាននិយាយប្រាប់ទស្សនាវដ្តី The Observer Magazine ថា មនុស្សក្រៅភពពិតមានពិតមែន ដោយសារតែមានតារារាប់ពាន់លាននៅក្នុងចក្រវាឡ ដែលវាត្រូវតែមានជីវិតខុសប្លែកគ្នា។លោកស្រីបន្តថា តើពួកគេដូចជាអ្នក និងខ្ញុំ បង្កើតឡើងពីកាបូន និងអ៊ីដ្រូហ្សែនឬ? ប្រហែលជាមិនមែននោះទេ។ វាអាចទៅរួចដែលវាបានធ្វើដំណើរមកកាន់ផែនដីយើងរួចទៅហើយ គ្រាន់តែពួកយើងមិនអាចជួបជាមួយពួកគេប៉ុណ្ណោះ។នៅក្នុងបទសម្ភាសន៍នោះដែរ លោកស្រី Sharman បានរំឭកផងដែរពីពេលដែលលោកស្រីនៅទីអវកាស និងកាលដែលលោកស្រីគឺជាស្ត្រីអង់គ្លេសលើកដំបូងគេ បានឡើងដល់ទីអវកាស។លោកស្រី បាននិយាយថា ពេលដែលលោក Tim Peakeឡើងទៅកាន់ទីអវកាស មនុស្សមួយចំនួនបានភ្លេចអ្នកស្រីអស់ហើយ។ លោកស្រី Sharman បានបញ្ជាក់ថា ច្បាស់ណាស់ថា មនុស្សពិភពផ្កាយពិតជាមានពិតមែន ហើយអ្នកស្រីពិតជាង់ជួបជាមួយមនុស្សក្រៅភពទាំងអស់នោះខ្លាំងណាស់។
សូមបញ្ជាក់ថា លោកស្រី Sharman ត្រូវបានជ្រើសរើសសោយទីភ្នាក់ងារអវកាសរុស្ស៊ី នៅក្នុងឆ្នាំ១៩៨៩ ហើយក្រោយពីហ្វឹកហាត់អស់រយៈពេល១៨ខែ លោកស្រី គ៏បានឡើងទៅដល់ទីអវកាស និងបានចំណាយពេលនៅទីនោះរយៈពេលជិត៨ថ្ងៃ។ ចាប់តាំងពីវិលត្រឡប់ពីទីអវកាសវិញ លោកស្រី បដិសេធន៍មិនចូលរួមក្នុងគម្រោងអវកាស ជាមួយនឹងទីភ្នាក់ងារអវកាសអឺរ៉ុប កាលពីឆ្នាំ១៩៩២ និងឆ្នាំ១៩៩៨៕
Home ព័ត៌មានអន្តរជាតិ អ្នកវិទ្យាសាស្ត្រលើកដំបូងគេរបស់អង់គ្លេសអះអាងថា មនុស្សក្រៅភពមានពិតមែន ហើយអាចធ្វើដំណើរមកកាន់ផែនដីរួចទៅហើយ