…សហរដ្ឋអាមេរិកត្រូវបានពួកឈ្មួញរកស៊ីគ្រឿងញៀនចាត់ទុកជាទីផ្សារដីធំបំផុតជាងគេនៅក្នុងពិភពលោក។យ៉ាងដូច្នេះហើយគ្រឿងញៀនដែលអាមេរិកចាប់បានម្តងៗមានទម្ងន់មិនតិចតោននោះឡើយ។ ជាក់ស្តែងគ្រាន់តែរយៈពេលប្រមាណជាប៉ុន្មានខែប៉ុណ្ណោះក្នុងចន្លោះចាប់ពីពាក់កណ្តាលខែវិច្ឆិកាឆ្នាំ២០១៩ មកទល់និងពាក់កណ្តាលខែមក១ឆ្នាំ ២០២០កងឆ្មាំសមុទ្ររបស់អាមេរិកចាប់បានគ្រឿងញៀនប៉ុន្មានលើកសរុបមានទម្ងន់ជាង៩តោនមានតម្លៃ៣៣៨លានដុល្លារ។
ឆ្មាំសមុទ្រអាមេរិកនិយាយថា កូកាអ៊ីនទម្ងន់ជាង៩តោន ដែលរឹបអូសបាននៅមហាសមុទ្រប៉ាស៊ីហ្វិកភាគខាងកើត ត្រូវបាននាំយកទៅទីក្រុងសាន់ឌីហ្គោ។គ្រឿងញៀន ដែលគេប៉ាន់ស្មានថាមានតម្លៃប្រហែល ៣៣៨ លានដុល្លារ ត្រូវបានដឹកចេញតាមនាវាល្បាតឈ្មោះ Munro នៅឯមូលដ្ឋានកងទ័ពជើងទឹកសាន់ឌីហ្គោកាលពីព្រឹកថ្ងៃចន្ទទី១០កុម្ភៈ។កូកាអ៊ីនទាំងនោះត្រូវបានរឹបអូសបានក្នុងប្រតិបត្តិការចំនួន ៨ ដោយក្រុមឆ្មាំរបស់នាវាល្បាតចំនួន៤នៅចន្លោះពាក់កណ្តាលខែវិច្ឆិកា២០១៩និងពាក់កណ្តាលខែមករាឆ្នាំ ២០២០។ឆ្មាំសមុទ្របានបញ្ចេញវីដេអូឃ្លាំមើលពីលើអាកាស ដែលបង្ហាញ ទូកកំពុងត្រូវដេញតាម និង ចាប់បាននៅលើសមុទ្រ។
ឆ្មាំសមុទ្រនិយាយថា យុទ្ធនាការប្រឆាំងនឹងក្រុមជួញដូរគ្រឿងញៀនគឺពាក់ព័ន្ធនឹងទីភ្នាក់ងារអាមេរិកជាច្រើនក៏ដូចជាកងទ័ពជើងទឹកផងដែរ៕
