…ជាធម្មតាទៅហើយឪពុកតែងតែមានកំហឹងទៅលើកូននៅពេលដែលកូនបានប្រព្រឹត្តនូវទង្វើមិនសមរម្យអ្វីមួយ។ ប៉ុន្តែទោះជាយ៉ាងនេះក្តីពេលកូនធ្វើខុសឪពុកក៏មិនត្រូវធ្វើអំពើអ្វីមួយទៅលើកូនជារបៀបព្រៃផ្សៃនោះឡើយ!។ ដូចករណីបុរសជាឪពុកម្នាក់នេះបានទទួលរងនូវការរិះគន់ និងខឹងសម្បាយ៉ាងខ្លាំង ក្រោយវីដេអូឃ្លីបមួយ បង្ហាញពីសកម្មភាពបុរសជាឪពុកជនជាតិចិនម្នាក់ បានវាយធ្វើបាបលើកូនប្រុសខ្លួនឯងមិនសំចៃដៃ ដោយសារតែ ខឹងកូនលួចលុយអស់ខ្ទង់ពាន់ដុល្លារ ត្រូវបានបង្ហោះចែកចាយនៅលើបណ្តាញសង្គម។បុរសជាឪពុកដែលមិនត្រូវបានគេបង្ហាញអត្តសញ្ញាណរូបនេះ រស់នៅក្នុងទីក្រុង Taixing ខេត្ត Jiangsu ប្រទេសចិន។នៅក្នុងថ្ងៃកើតហេតុ កាលពីពេលថ្មីៗកន្លងទៅនេះ ដោយផ្អែកតាមរយៈវីដេអូឃ្លីប បុរសជាឪពុកបានប្រើរំពាក់ឫស្សី ទៅវាយលើកូនប្រុសខ្លួនឯងយ៉ាងពេញទំហឹងដៃ លើផ្នែកខ្នង និងគូទរបស់គេ ទាំងនៅលើគ្រែក្នុងបន្ទប់គេង ខណៈដែលក្មេងប្រុសរងគ្រោះជាកូនបានយំសស្រាក់ និងអង្វរសុំឲ្យឪពុកលើកលែងទោស ក៏ប៉ុន្ដែឪពុកចិត្តឥតមេត្តាខាងលើនេះ នៅតែមិនព្រមបញ្ឈប់សកម្មភាពប្រើហិង្សារបស់ខ្លួនឡើយ។
បើយោងតាមប្រព័ន្ធផ្សព្វផ្សាយក្នុងស្រុក បានឲ្យដឹងផងដែរថា ហេតុការណ៍ហិង្សាក្នុងគ្រួសារមួយនេះបានកើតឡើង បន្ទាប់ពីក្មេងប្រុសរងគ្រោះជាកូន បានលួចលុយពីផ្ទះអស់រហូតដល់ទៅ ៧,០០០យ័ន ឬប្រហែលជាង ១ពាន់ដុល្លារអាមេរិក ទៅដើរលេងចាយស៊ីជាមួយនឹងមិត្តភក្តិរបស់គេខ្ទេចគ្មានសល់ អស់ពេល៨ថ្ងៃ។ ក្រោយមកនៅពេលដែលឪពុកម្តាយរបស់គេដឹងរឿង ក៏បានធ្វើទារុណកម្មលើគេទាំងបែបនេះ ដើម្បីជាការផ្តល់មេរៀនតែម្តង។ប្រភពដដែលបន្តថា វីដេអូឃ្លីបប្រើហិង្សា ដែលមានរយៈពេលប្រហែល ៤នាទីនេះ ស្ត្រីជាម្តាយជាអ្នកថត ដោយអនុញ្ញាតឲ្យប្តីវាយលើកូនប្រុស រួចយកទៅបង្ហោះចែកចាយនៅលើបណ្តាញសង្គម ដើម្បីទុកជាមេរៀន ឬជាការព្រមានដល់ក្មេងឯទៀត ។នៅក្នុងវីដេអូឃ្លីបនោះដែរ បុរសជាឪពុកបាននិយាយទាំងអួលដើមក ខណៈពេលដែលខ្លួនកំពុងតែវាយកូនប្រុសថា៖ «លុយវាមិនមែនស្រួលរកទេ! មិនមែនសុខៗវាធ្លាក់ពីលើមេឃមកឲ្យឯងទេ! ឯងដឹងថាវាពិបាករកប៉ុណ្ណាទេហ្ហា៎!» ។ ឈុតបន្ត ក្រោយមកគេក៏ឃើញមានស្ត្រីចំណាស់ ដែលត្រូវបានស្គាល់ថា ជាជីដូនបានយំស្រែកទាំងក្តីអាណិត និងបានចូលទៅជួយឃាត់កូនប្រុសខ្លួនឯង ដើម្បីបញ្ឈប់ការប្រើហិង្សាលើចៅប្រុសរងគ្រោះនោះផងដែរ។បើទោះបីជាយ៉ាងណាក្តី ក្រោយកើតហេតុ និងបន្ទាប់ពីវីដេអូត្រូវបានបង្ហោះចែកចាយ ក្នុងនោះអ្នកលេងបណ្តាញសង្គមជាច្រើន ក៏បានសម្ដែងការរិះគន់ និងខឹងសម្បាយ៉ាងខ្លាំង ទៅលើសកម្មភាពហិង្សាក្នុងគ្រួសារមួយនេះ ប្រៀបបីដូចសត្វធាតុទៅលើក្មេង ដោយអ្នកលេងបណ្តាញសង្គមថា ឪពុកចិត្តខ្មៅខាងលើនេះ វាយកូនប្រុសខ្លួនឯង រហូតដល់ទៅជាង ១០០រំពាត់ឯណោះ។
អ្នកខ្លះបញ្ចេញមតិថា ថ្វីត្បិតតែនេះជាអំពើហិង្សាក្នុងគ្រួសារមែន ប៉ុន្តែសួរថា បន្ទាប់ពីនេះតើនឹងមានរឿងអ្វីកើតឡើង? តើក្មេងប្រុសនោះនឹងប្រឈមមុខជាមួយនឹងគ្រូរបស់គេ មិត្តភក្តិរបស់គេយ៉ាងដូចម្ដេចទៅ? គេមិនមែននៅតូចឯណា! ចុះតើអនាគតគេនឹងទៅជាយ៉ាងណាទៅ? ស្ត្រីជាម្តាយមិនគួរណាថតសកម្មភាពបែបនេះ ហើយយកទៅបង្ហោះចែកចាយឲ្យគ្រប់គ្នាបានឃើញ ជាសាធារណៈនោះឡើយ។ គួរណាស់ត្រូវមានមធ្យោបាយផ្សេង ក្នុងការដោះស្រាយបញ្ហា។គេមិនដឹងច្បាស់ទេថា ឪពុកខាងលើនេះ អាចនឹងត្រូវទទួលទោសតាមផ្លូវច្បាប់ ឬយ៉ាងណានោះទេ ក្រោយបានប្រើហិង្សាក្នុងគ្រួសារ លើកូនប្រុសខ្លួនឯងបែបនេះ៕
Home សង្គមប្លែកៗ បុរសជាឪពុកទាំងឡាយ កុំធ្វើដូចបុរសម្នាក់នេះមានចរិតព្រៃផ្សៃពេកហើយមកលើកូន