[wai id="5"]
នាពេលបច្ចុប្បន្ននេះ មេរោគកូរ៉ូណាបានវាយលុកយ៉ាងខ្លាំងទៅលើប្រជាជនស្ទើរពេញពិភពលោក ដែលជំងឺនេះមានប្រភពចេញពីទីក្រុងមួយរបស់ប្រទេសចិន ទីក្រុង វូហាន
ថ្មីៗនេះ ក្រុមជំនាញវេជ្ជសាស្ត្រចិន ផ្អែកលើលទ្ធផលនៃការព្យាបាលសាកល្បងបានទទួលស្គាល់ថា ថ្នាំ ក្លូរ៉ូគីន ផូស្វាត (Chloroquine Phosphate) ដែលជាថ្នាំប្រឆាំងនឹង ជំងឺគ្រុនចាញ់ មានឥទ្ធិពលក្នុងការព្យាបាលអ្នកជំងឺដែលឆ្លងវីរុសកូរ៉ូណាថ្មី COVID-19 ជាសះស្បើយយ៉ាងមានប្រសិទ្ធភាព នេះបើតាមទីភ្នាក់ងារព័ត៌មានចិន ស៊ីនហួរ ចេញផ្សាយថ្ងៃទី១៧ កុម្ភៈ ២០២០ ។
ពាណិជ្ជកម្ម
ថ្លែងនៅក្នុងសន្និសីទសារព័ត៌មានកាលពីព្រឹកថ្ងៃចន្ទនេះ ក្រុមអ្នកជំនាញវេជ្ជសាស្ត្រចិន បានឯកភាពគ្នាជាឯកច្ឆន្ទ ថាឱសថ ក្លូរ៉ូគីន ផូស្វាត (Chloroquine Phosphate) នឹងត្រូវបានដាក់បញ្ចូលក្នុងកម្មវិធីវេជ្ជសាស្ត្រ ក្នុងការព្យាបាល អ្នកឆ្លងវីរុសកូវីដ១៩ COVID-19 ហើយការព្យាបាលតាមវីធីនេះ នឹងធ្វើឡើងក្នុងពេលឆាប់ៗនេះតាមដែលអាចធ្វើទៅបាន» ។
គួរបញ្ជាក់ដែរថា មេរោគកូរ៉ូណា ឬកូរ៉ូណាវីរុស ជាអំបូរមេរោគ ដែលអាចកើតនៅលើមនុស្សផង នៅលើពពួកសត្វផង។ គេហៅមេរោគនេះថា “កូរ៉ូណា” ព្រោះមានទម្រង់ និងរូបរាងដូចមកុដ (នៅពេលពិនិត្យមើលតាមមីក្រូទស្សន៍)។ កូរ៉ូណាវីរុស ត្រូវបានគេរកឃើញកើតនៅលើមនុស្សជាលើកទីមួយ នៅក្នុងទសវត្សរ៍ឆ្នាំ ១៩៦០។ កូរ៉ូណា ជាមេរោគដែលអាចបង្កជាជំងឺប្រភេទថ្មី ដោយហេតុថា កូរ៉ូណា ងាយ ប្តូរផ្លាស់ទម្រង់ ឬបំផ្លែងខ្លួន។ នៅពេលវីរុសកូរ៉ូណាឆ្លងដល់មនុស្ស វាច្រើនតែបង្កឱ្យមានជំងឺផ្លូវដង្ហើម ពីផ្តាសាយហៀរសំបោរ ក្នុងទម្រង់ស្រាល ទៅជំងឺរលាកសួត ធ្ងន់ធ្ងរ អាចដល់ស្លាប់ បើក្នុងទម្រង់ធ្ងន់៕
