បុរសម្នាក់បានបើកបររថយន្ត បំបុកទៅលើហ្វូងមនុស្ស កំពុងតែនាំគ្នាដើរដង្ហែក្បួនមួយ បណ្ដាលឲ្យរងរបួស ប្រហែល៥២នាក់ ក្នុងនោះក្នុងនោះក្មេង១៨នាក កាលពីថ្ងៃទី២៥ ខែកុម្ភៈ ស្ថិតនៅភាគកណ្ដាលទីក្រុង នៃប្រទេសអាល្លឺម៉ង់។
ប៉ូលិសក្នុងតំបន់ បានបញ្ជាក់ថា អ្នកបើកបររថយន្ដបង្ក ត្រូវបានឃាត់ខ្លួននៅកន្លែងកើតហេតុ ស្ថិតនៅទីក្រុង Volkmarsen ជិតទីក្រុង Kassel ភាគកណ្តាល ប្រទេសអាល្លឺម៉ង់។ អ្នកបើកបររថយន្តបង្ក ជាពលរដ្ឋអាល្លឺម៉ង់ អាយុ២៩ឆ្នាំ។ ករណីនេះ សមត្ថកិច្ចកំពុងស៊ើបអង្កេត សង្ស័យពីបទប៉ុនប៉ងមនុស្សឃាត។
លោក Peter Beuth រដ្ឋមន្ត្រីក្រសួងមហាផ្ទៃអាល្លឺម៉ង់ បញ្ជាក់ថា «នេះជាហេតុការណ៍ដ៏រន្ធត់មួយ ប្រឆាំងនឹងមនុស្សជាតិ ដែលកំពុងប្រារព្ធពិធីដង្ហែក្បួន Carnival » ។ នៅក្នុងហេការណ៍នោះមានមនុស្សប្រហែល៥២នាក់ រងរបួស ក្នុងនោះមានកុមារចំនួន១៨នាក់ ។
ទោះជាយ៉ាងណា គេនៅមិនទាន់ដឹងអំពីមូលហេតុ នៃការបើករថយន្តបំបុកមនុស្សទាំងហ្វួងនេះនៅឡើយ ហើយជនបង្កក៏បានរងរបួសដែរ។ ករណីនេះ ប៉ូលិស ប្រឆាំងអំពើភេរវកម្ម ក៏កំពុងតែស៊ើបអង្កេតបផងដែរ៕