[wai id="5"]
[wai id="7"]
…ខណៈកំពុងនៅមានជីវិតស្ត្រីជាម្តាយបានមើលឃើញថាកូនប្រុសទាំងពីរមានចិត្តអកត្តញ្ញូចំពោះគាត់យ៉ាងខ្លាំងម្លោះហើយគាត់ក៏បានត្រៀមទុករួចជាស្រេចនូវសំបុត្រមួយច្បាប់ប្រគល់ទៅឲ្យកូនស្រី។ លុះក្រោយពីស្ត្រីជាម្តាយស្លាប់ទៅសំបុត្រមួយច្បាប់នេះបានល្បីខ្ទរខ្ទាពេញបណ្តាញហ្វេសប៊ុក ប្រៀបបានជាប្រលោមលោកយ៉ាងជក់ចិត្តក្រៃលែង!អ៊ុំស្រីម្នាក់ឈ្មោះ អ៊ុំ វ៉ាង មានកូនប្រុសពីរនាក់ និងកូនស្រីម្នាក់ តែកូនប្រុសទាំងពីរនាក់របស់គាត់ គ្មានបានការទាល់តែសោះមានតែកូនស្រីតែប៉ុណ្ណោះដែលអាចពឹងពាក់បាន។ ពេលអាយុកាន់ច្រើន សុខភាពគាត់ក៏ចាប់ផ្ដើមទ្រុឌទ្រោមរហូតធ្លាក់ខ្លួនឈឺ តែកូនប្រុសទាំងពីរក៏មិនបានមកអើពើទាល់តែសោះ។
ពាណិជ្ជកម្ម
ប៉ុន្តែពេលកូនស្រីរបស់គាត់ដឹងដំណឹងភ្លាម ក៏ប្រញ៉ាប់ពិភាក្សាជាមួយស្វាមីរបស់នាងថា ឲ្យអ្នកម៉ែនៅផ្ទះម្នាក់ឯងមិនល្អនោះទេ ព្រោះបងប្រុសទាំងពីរមិនបានមើលថែគាត់នោះទេ ប្រសិនបើដូច្នេះខ្ញុំសុំត្រឡប់ទៅផ្ទះដើម្បីទៅមើលថែគាត់។ ស្វាមីរបស់នាងក៏យល់ព្រម ហើយប្រាប់ទៀតថា ត្រឡប់ទៅមើលថែម្ដាយឪពុកគឺជារឿងដែលកូនៗគ្រប់គ្នាត្រូវធ្វើ។មិនអីនោះទេអូនត្រឡប់ទៅមើលអ្នកម៉ែចុះ ។បានឮដូច្នោះនាងក៏ប្រញាប់ត្រឡប់ទៅមើលថែម្ដាយរបស់នាងយ៉ាងយកចិត្តទុកដាក់ ម្ដាយរបស់នាងឈឺធ្ងន់ត្រូវការប្រើប្រាស់លុយកាក់ដើម្បីព្យាបាលជំងឺ នាងក៏បានទៅសុំពីបងប្រុសច្បងតែគាត់ឆ្លើយថាគ្មាននោះទេ។ ពេលទៅសុំបងប្រុសទីពីរ គាត់ក៏ប្រាប់ថា ត្រឡប់ទៅចាំនៅផ្ទះទៅ បើសិនបងមាន បងនឹងផ្ញើទៅឲ្យហើយ តែគាត់មិនដែលផ្ញើមកសូម្បីតែមួយរៀល។ ការណ៍ដែលគាត់និយាយដូច្នេះក៏ព្រោះគាត់ត្រូវការ ដេញនាងឲ្យត្រឡប់មកផ្ទះតែប៉ុណ្ណោះ ដូច្នោះហើយបន្ទុកគ្រប់យ៉ាងត្រូវធ្លាក់លើនាង។នាងបានទូរស័ព្ទទៅប្រាប់ស្វាមីរបស់នាងឲ្យផ្ញើលុយមកឲ្យ ស្វាមីរបស់នាងក៏បានយកជ្រូកនៅផ្ទះទៅលក់បានលុយ ៥០០ដុល្លារដើម្បីផ្ញើឲ្យនាង។ ម្ដាយនិយាយ “លុយទាំងនេះម៉ែទទួលយកទទេៗមិនបានទេ ត្រូវសរសេរជាកិច្ចសន្យាខ្ចីលុយ”។ កូនស្រីតប ”អ្នកម៉ែគឺម៉ែរបស់កូន នេះគឺជារឿងកូនត្រូវតបស្នងសងគុណ មិនចាំបាច់សងអីនោះទេ”។តែម៉ែក៏នៅមានះ ចុងក្រោយគាត់ក៏បានសរសេរកិច្ចសន្យាខ្ចីលុយដោយខ្លួនឯង ថែមទាំងចុះហត្ថលេខា និងផ្ដិតមេដៃទៀតផង។ កូនស្រីអានហើយក៏និយាយថា ម៉ែសរសេរខុសហើយខ្ញុំឲ្យម៉ែតែ ៥០០ដុល្លារទេ ហេតុអ្វីម៉ែសរសេរ ៥ម៉ឺនដុល្លារដូច្នោះ។ ម្ដាយរបស់នាងក៏ប្រាប់ថា មិនបាច់ទៅចាប់អារម្មណ៍វាទេ រក្សាកិច្ចសន្យាមួយច្បាប់នេះឲ្យបានល្អទៅ លុះ ៣ខែក្រោយមក គាត់ក៏បានលាចាកលោក។ ក្រោយមកកូនប្រុសទាំងពីរក៏យកផ្ទះទៅលក់បានលុយចំនួន ៧៥ ០០០ដុល្លារដើម្បីបែងចែកតែពីរនាក់។លោកមេភូមិពេលបានដឹងដំណឹងក៏បាននាំកូនស្រីរបស់អ៊ុំ វ៉ាង មកជួបបងប្រុសទាំងពីររបស់នាងហើយប្រាប់ថា ម្ដាយរបស់ពួកឯងកាលនៅមានជីវិតបានពឹងពាក់គាត់ឲ្យជួយចាត់ចែងរឿងមរតកហើយប្រាប់ថែមទៀតថា ត្រូវចែកឲ្យកូនស្រីរបស់គាត់មួយចំណែកធំ ព្រោះនាងកតញ្ញូចំពោះគាត់ណាស់។បងប្រុសទាំងពីរមិនសុខចិត្តក៏បាននិយាយឡើងថា «កូនស្រីដែលរៀបការចេញទៅហើយតាមប្រពៃណីរបស់អ្នកភូមិយើង ទ្រព្យសម្បត្តិត្រូវក្លាយជារបស់កូនប្រុស ពួកយើងក៏ខ្លាចថារឿងនេះនឹងកើតឡើងនៅពេលដែលម៉ែលាចាកលោកទៅ ពួកយើងក៏បានឲ្យម៉ែសរសេរយ៉ាងច្បាស់ថា ឲ្យប្រគល់ផ្ទះរបស់គាត់មកកូនប្រុសទាំងពីរ ពេលនោះលោកមេភូមិក៏នៅទីនោះដែរ»។
លោកមេភូមិក៏ឆ្លើយថា «សំបុត្រមួយច្បាប់នោះខ្ញុំក៏ដឹងដែរ តែក្នុងនោះវាបានសរសេរថែមទៀតថា បន្ទាប់ពីម្ដាយរបស់ពួកឯងស្លាប់ បំណុលទាំងអស់កូនប្រុសទាំងពីរត្រូវជាអ្នកសង»។ កូនប្រុសទាំងពីរមើលមុខគ្នា ហើយក៏គិតថា ម៉ែប្រហែលជាជំពាក់លុយនៅកន្លែងលក់អីវ៉ាន់ចាប់ហួយហើយ ប្រហែលជាមិនច្រើនទេមើលទៅ» ។ពេលនោះដែរ លោកមេភូមិក៏បានឲ្យកូនស្រីរបស់អ៊ុំ វ៉ាង យកកិច្ចសន្យាខ្ចីលុយចេញមក ហើយក៏និយាយថា ម្ដាយរបស់ឯងជំពាក់លុយប្អូនស្រីឯងចំនួន ៥ម៉ឺនដុល្លារ ដូច្នោះហើយពីរនាក់ឯងត្រូវតែជាអ្នកសង ពួកឯងត្រូវធ្វើតាមកិច្ចសន្យា បើមិនសុខចិត្តប្ដឹងក៏ប្ដឹងទៅ។ តាមពិតទៅ រឿងដែលពួកឯងធ្វើដាក់ម៉ែរបស់ពួកឯង ឯងទាំងពីរមិនសមនឹងបានទទួលលុយ ២ ៥០០០ដុល្លារនេះទាល់តែសោះ។ទាំងពីរនាក់បងប្អូនរារែកចិត្តអស់រយៈពេលជាច្រើនថ្ងៃ មុននឹងសម្រេចចិត្តសងលុយ ៥ម៉ឺនដុល្លារទៅប្អូនស្រីរបស់ខ្លួន ព្រោះអ្វីៗមិនអាចក្រកែកតវ៉ាបាន។ បន្ទាប់ពីរឿងទាំងអស់នោះបានបញ្ចប់ អ្នកជិតខាងក៏បានសរសើអ្នកទាំងបីជាខ្លាំង ទី១ គឺកូនស្រីដែលកតញ្ញូ ទី២ គឺអ៊ុំ វ៉ាង ហើយនិងទី៣ គឺលោកមេភូមិចិត្តធម៌ធ្វើតាមច្បាប់មិនខ្លាចការគំរាមកំហែង៕
[wai id="6"]
