[wai id="5"]
[wai id="7"]
សាកលវិទ្យាល័យ Tianjin របស់ចិន បានអភិវឌ្ឍន៍ដោយជោគជ័យនូវវ៉ាក់សាំងបន្តក់ ដើម្បីបង្ការប្រឆាំងនឹងជំងឺ COVID-19។លោក Huang Jinhai ដែលជាសាស្ត្រាចារ្យដឹកនាំគម្រោងអភិវឌ្ឍន៍នេះ បានប្រើខ្លួនឯង៤ដូស ហើយមិនមែនប្រតិកម្មអ្វីនោះទេ។ បច្ចុប្បន្ន សាកលវិទ្យាល័យមួយនេះ កំពុងស្វែងរកដៃគូ ដើម្បីផ្សព្វផ្សាយការសាកល្បងព្យាបាល និងការប្រើប្រាស់យ៉ាងទូលំទូលាយ។
ពាណិជ្ជកម្ម
យោងតាមសេចក្តីថ្លែងការណ៍មួយដែលសាកលវិទ្យាល័យ Tianjinផ្ញើជូនកាសែត Global Timesកាលពីថ្ងៃអង្គារ បានឲ្យដឹងថា វ៉ាក់សាំងបន្តក់នេះ ប្រើប្រាស់ពពួកផ្សិត Saccharomyces Cerevisiae ជាភ្នាក់ងារនាំវីរុស ហើយនិងប្រូតេអ៊ីនវីរុស Corona ជាចំណុចគោលដៅដើម្បីផលិតអង្គបដិប្រាណ ប្រឆាំងនឹងជំងឺ COVID-19។ ក្រុមរបស់លោក Huangបានផលិតគំរូវ៉ាក់សាំងបន្តក់នៅក្នុងសំបកគ្រាប់ថ្នាំ និងសំបកទឹកដោះគោ ។លោក Huangបាននិយាយថា វ៉ាក់សាំងបន្តក់នេះ អាចទៅភ្ញោចដល់ការចាក់ថ្នាំបង្ការវីរុស ដើម្បីការពារការឆ្លង។ វាអាចជាវិធីព្យាបាលដ៏មានសក្តានុពលផងដែរសម្រាប់អ្នកជំងឺឆ្លងវីរុស ដើម្បីប្រយុទ្ធប្រឆាំងនឹងវីរុស Corona។លោក Huang បានបន្តទៀតថា វ៉ាក់សាំងនេះ មានកម្រិតសន្តិសុខខ្ពស់បំផុត ងាយស្រួលប្រើ ហើយនិងអាចផលិតបានយ៉ាងឆាប់រហ័សក្នុងទំហំដ៏ច្រើន។ ក្រុមរបស់លោក បានបង្កើតវេទិកាអភិវឌ្ឍន៍ និងបង្ការជីវសាស្ត្រដោយផ្អែកលើពពួកផ្សិត Saccharomyces Cerevisiae អស់រយៈពេលជាច្រើនឆ្នាំមកហើយ។
នៅដំណាក់កាលបន្ទាប់ ក្រុមរបស់លោក Huang នឹងស្វែងរកដៃគូដើម្បីធ្វើការទាំងអស់គ្នាលើនិតិវិធីវាយតម្លៃបន្ទាប់ ដើម្បីពន្លឿនការផ្ទៀងផ្ទាត់វិធីព្យាបាល និងបង្កើនការប្រើប្រាស់វ៉ាក់សាំង៕
[wai id="6"]
