[wai id="5"]
[wai id="7"]
…ហួសចិត្តមែនទែន…ពេលប្រតោងឡើងទៅលើអាគារជាន់ទី៣គឺដៃស្អិតតោងរហ័សដូចស្វា…លុះដល់គោដៅរកច្រកចូលអត់រួចស្រាប់តែរញីរញ័រដៃជើងអត់ហ៊ានប្រតោងចុះក្រោមវិញក៏ស្រែករកជំនួយ បើទោះបីជាដឹងថាស្រែកឲ្យគេជួយស្មើនឹងប្រគល់ខ្លួនឲ្យប៉ូលិសចាប់ក៏ដោយ។កម្មករសំណង់ម្នាក់ឈ្មោះ Suhant B វ័យ២៨ឆ្នាំ បានជាប់គាំងនៅមាត់បង្អួចជាន់ទី៣នៃអគារផ្ទះល្វែង ក្នុងទីក្រុង Bangalore ។
ពាណិជ្ជកម្ម
យោងតាមវីដេអូឃ្លីបមួយ បង្ហាញឲ្យឃើញថា ជនសង្ស័យ ត្រូវបានបុរសពីរនាក់ដែលមកពីខាងក្រុមពន្លត់អគ្គិភ័យជួយសង្គ្រោះ ដោយប្រើជណ្ដើរដែកវែង។ ទីបំផុត គេក៏បានចុះមកដល់ជាន់ក្រោមវិញ ដោយសុវត្ថិភាព ហើយមានមនុស្សជាច្រើនកំពុងចោមរោមមើលផងដែរ។ ជុំវិញរឿងរ៉ាវខាងលើនេះ ត្រូវបានប៉ូលិសសន្និដ្ឋានថា ជនសង្ស័យបានឡើងទៅជាន់ទី៣ ប្រុងនឹងផ្លោះបង្អួចចូលលួចអីវ៉ាន់ តែដោយសារបង្អួចមានចង្រឹងដែកទើបគេមិនអាចចូលរួច។ ក្រោយពីរកផ្លូវចុះមកវិញមិនរួច បូករួមទាំងអារម្មណ៍ភ័យខ្លាចទៀត ក៏ស្រែកហៅម្ចាស់ផ្ទះ និងអ្នកដំណើរឆ្លងកាត់ផ្លូវឲ្យជួយ។
យ៉ាងណាមិញ ជនសង្ស័យបានអះអាងថា រូបគេផ្ទាល់ បានព្យាយាមរត់គេចពីការវាយប្រតប់គ្នាជាមួយនឹងអ្នករួមការងារដែលស្រវឹងស្រា។ បើទោះជាយ៉ាងណាក៏ដោយ ក៏ប៉ូលិសនឹងធ្វើការស៊ើបអង្កេតចំពោះករណីខាងលើនេះឲ្យបានគ្រប់ជ្រុងជ្រោយ ៕
[wai id="6"]