[wai id="5"]
[wai id="7"]
…ចំជាលេងសើចទាល់តែបានជាប់គុកមែន…បុរសម្នាក់នេះព្រោះតែចង់ឲ្យរូបភាពវីដេអូរបស់ខ្លួនបង្ហោះទៅមានចំនួនអ្នកឡលាយច្រើនក៏ចាប់កូនប្រុសសំយ៉ុងចុះក្រោមហើយថតធ្វើឲ្យអ្នកឯទៀតឃើញហើយប្រហោងពោះធ្លុងយ៉ាងខ្លាំង។វាជារឿងដ៏គួរឲ្យគ្រោះថ្នាក់បំផុត ដែល បុរសជាឪពុក បានចាប់កូនខ្លួនឯងសំយ៉ុងខ្លួនចុះទៅក្រោម ពីលើអាផាតមិនជាន់ទី១៥ ដើម្បីថតរូបយកទៅបង្ហោះនៅលើ បណ្តាញទំនាក់ទំនងសង្គមហ្វេសប៊ុក តែទីបំផុតត្រូវបានកាត់ទោសឲ្យជាប់ពន្ធធនាគារ។
ពាណិជ្ជកម្ម
បើតាមប្រភពបានឲ្យដឹងថា បុរសជាឪពុកជនជាតិអាល់ហ្សេរី ម្នាក់ បានថតរូបភាពនិងវីដេអូឃ្លីបមួយ ពីសកម្មភាពចាប់ទាញក.អាវកូនតូចរបស់ខ្លួន សំយ៉ុងខ្លួនទៅក្រោម នៅបរិវេណខាងក្រៅមាត់បង្អួចអាផាតមិនជាន់ទី១៥ ដែលមានកម្ពស់ជាង៤៥ម៉ែត្រពីដី គួរឲ្យស្រៀវបំផុត ដើម្បីថតបង្ហោះចែកចាយលើបណ្តាញសង្គមហ្វេសប៊ុក ចង់បានចំនួន Like ច្រើន។បុរសជាឪពុករូបនេះបានសរសេររៀបរាប់ យ៉ាងខ្លីមួយនៅខាងក្រោមរូបថតនិងវីដេអូឃ្លីបថា៖ «សុំ ១,០០០ Like បើមិនដូច្នេះទេ ខ្ញុំនឹងទម្លាក់គេទៅដី» ។អ្នកលេងបណ្តាញសង្គមជាច្រើន ក្រោយពីបានឃើញសកម្មភាព ដ៏គួរឲ្យរន្ធត់ចិត្តនេះភ្លាម ក៏បានរាយការណ៍ទៅកាន់អាជ្ញាធរមូលដ្ឋានក្នុងតំបន់ នៃរដ្ឋធានី Algiers ដើម្បីចាត់វិធានការ។ ខណៈមានការទទូចចង់បាន ពីសំណាក់អ្នកលេងអ៊ីនធើណែតជាច្រើន ទាមទារឲ្យកាត់ទោសបុរសជាឪពុករូបនេះតាមផ្លូវច្បាប់ជាធរមាន។ទីបំផុតបុរសជាឪពុក ត្រូវបានតុលាការសម្រេចផ្តន្ទាទោស ឲ្យជាប់ពន្ធធនាគាររយៈពេល២ឆ្នាំ។
ចំពោះវីដេអូឃ្លីប ដែលត្រូវបុរសជាឪពុកខាងលើបង្ហោះចែកចាយនោះ ត្រូវបានលុបចោល ដោយសារខុសគោលការណ៍របស់ក្រុមហ៊ុនហ្វេសប៊ុក៕
[wai id="6"]