[wai id="5"]
[wai id="7"]
…នៅក្នុងប្រទេសចិន សំបូរណាស់ប្រភេទអាហារដែលពលរដ្ឋនៅបណ្តាប្រទេសផ្សេងៗទៀតពុំមានអារម្មណ៍នឹកចង់បរិភោគនោះទេ ដូចជាអាហារធ្វើពីសាច់ឆ្កែ សត្វឆ្មា សាច់កណ្តុរជាដើម។ ដោយឡែកចំពោះសាច់ក្រពើនៅប្រទេសចិនត្រូវបានគេអាំងលក់ដូចខ្មែរយើងអាំងត្រីលក់យ៉ាងអញ្ជឹង។ ការរកស៊ីលក់សាច់ក្រពើអាំង នៅក្នុងទីក្រុង ស៊ិនយ៉ាង មានការប្រកួតប្រជែងគ្នាណាស់អ្នកលក់បានផ្សព្វផ្សាយពាសពេញបណ្តាញអ៊ិនធើណេតទាំងអស់ដូចផ្សព្វផ្សាយលក់ឡេអញ្ជឹងដែរ។ កាលពីពេលថ្មីៗនេះ មានអ្នកលក់ម្នាក់ បានបណ្តើរក្រពើរស់មួយក្បាល ដើរកាត់ពេញទីក្រុង ដោយសង្ឃឹមថា អ្នកធ្វើដំណើរឆ្លងកាត់បានឃើញវាហើយ អាចមានអារម្មណ៍ថា ឃ្លានចង់ញ៉ាំ។
ពាណិជ្ជកម្ម
យោងតាមការចុះផ្សាយរបស់សារព័ត៌មាន សៀងហៃ បានឲ្យដឹងថា សត្វក្រពើមួយក្បាលនេះ ត្រូវបានគេបណ្តើរ នៅក្បែរផ្សាររាត្រីក្នុងទីក្រុង ស៊ិនយ៉ាង (Shenyang) ។ ហើយបើទោះជាមើលទៅដូចជាមិនសូវសមក៏ដោយ ប៉ុន្តែក្រពើមួយក្បាលនេះ ហាក់មានសំណាងជាងគ្នាវាឯទៀត ដែលត្រូវគេកាប់ជាកង់ៗ ដោតចង្កាក់អាំង។ រូបភាពរបស់សត្វក្រពើ ដែលត្រូវគេយកមកបណ្តើរ មួយក្បាលនេះ ត្រូវបានគេបង្ហោះចូលក្នុងបណ្តាញអ៊ិនធើណេត ដោយបង្ហាញឲ្យឃើញវាត្រូវគេចងខ្សែជាប់នឹងខ្លួន ដើម្បីចាប់ទាញ និងមានចងមាត់ជាប់ថែមទៀតផង។
ប្រភពព័ត៌មានបានឲ្យដឹងថា ការរកស៊ីរបរលក់សាច់ក្រពើអាំងនេះ ត្រូវបានគេឃើញជាលើកដំបូងនៅក្នុងឆ្នាំ២០១៦ ដោយមានតម្លៃប្រមាណ ៣ដុល្លារ ក្នុងមួយចង្កាក់ ហើយការលក់សាច់ក្រពើនៅក្នុងប្រទេសចិន គឺស្របច្បាប់ ១០០ភាគរយ ខណៈអាជ្ញាធរបានថ្លែងថា បច្ចេកវិទ្យាបន្តពូជសម្រាប់ប្រភេទសត្វនេះ ត្រូវបានបង្កើតឡើងគ្រប់គ្រាន់ ដើម្បីផ្តល់នូវតម្រូវការសម្រាប់ការប្រើប្រាស់របស់មនុស្ស៕
[wai id="6"]