[wai id="5"]
[wai id="7"]
សាកស្រមៃមើលថាបើអ្នករៀបការជាមួយបុរសម្នាក់ដែលមិនឲ្យតម្លៃអ្នក តើជីវិតនឹងទៅជាយ៉ាងណា? ប្រាកដជាគ្មានសុភមង្គលទេមែនទេ? ដូចនេះអ្វីដែលអ្នកត្រូវធ្វើគឺពិនិត្យឲ្យបានដិតដល់មុននិយាយថា យល់ព្រម៖
ពាណិជ្ជកម្ម
១. ចិត្តចង្អៀត ពូកែសង្ស័យ
ទោះអ្នកស្រឡាញ់គាត់ខ្លាំងប៉ុណ្ណាក៏គាត់មិនដែលទុកចិត្តអ្នកដែរ ហើយតែងសង្ស័យគ្រប់រឿង គ្រប់ពេល។
២. មិនគោរពសន្យា
នេះបានន័យថាគាត់លេងសើចជាមួយអ្នកហើយ។ សម្ដី ឬទង្វើអ្នកក៏គ្មានប្រយោជន៍អ្វីសម្រាប់គាត់ដែរ។
៣. ដោះសារមិនចេះចប់
«មកពីបងរវល់ខ្លាំងត្រូវទៅបន្ទាន់...។» សម្ដីបែបនេះគឺតែងតែឮពីមាត់គាត់មិនចេះចប់មិនចេះហើយនោះទេ។
៤. កុហក
វាជាសញ្ញានៃការមិនទុកចិត្តគ្នាទាល់តែសោះ។ បើនៅបែបនេះតើអាចរស់ជាមួយគ្នាយ៉ាងម៉េចទៅ?
៥. មិនស្រឡាញ់គ្រួសារ
គ្រួសារគឺជាផ្នែកដ៏សំខាន់ក្នុងជីវិតមនុស្ស។ បើថ្ងៃនេះគេហាក់លែងសូវខ្វល់ពីអ្នកផ្ទះ ឬឪពុកម្ដាយហើយ ថ្ងៃក្រោយអ្នកក៏អាចមិនត្រូវបានគេខ្វល់ដូចគ្នា។
៦. មិនចេះដោះស្រាយបញ្ហាបែបមនុស្សធំ
បើគ្រាន់តែបញ្ហាតូចតាច ក៏គេអាចបង្កជារឿងធំៗ ឬចូលចិត្តប្រើអំពើហិង្សាជាមួយមនុស្សនៅជុំវិញខ្លួន ទៅអនាគតអ្នកអាចនឹងត្រូវគ្រាំកាយគ្រាំចិត្ត ដោយសារភាពឆេវឆាវរបស់គេមិនខាន។
ទាំងនេះហើយគឺជាសញ្ញាដែលអ្នកគួរជៀសឲ្យហើយកុំឲ្យជួបទុក្ខពេលក្រោយ៕
[wai id="6"]