[wai id="5"]
[wai id="7"]
…សេចក្តីស្លាប់គឺគ្មានបុគ្គលណាចៀសផុតនោះឡើយជាច្បាប់ធម្មជាតិចែងថា…កើត ចាស់ ឈឺស្លាប់ ហើយបុគ្គលដែលស្លាប់ទៅប្រៀបបានជាគល់ឈើអត់បានដឹងថា តើអូនចៅសាច់ញាតិរៀបចំបុណ្យសពមានសភាពយ៉ាងណានោះឡើយ។ ដោយសារតែចង់ឃើញថាតើពេលដែលខ្លួនស្លាប់ទៅពិធីបុណ្យសពមានភ្ញៀវចូលរួមយ៉ាងណានោះបុរសចិនម្នាក់បានដើរតួជាស្លាប់…។
ពាណិជ្ជកម្ម
សារព័ត៌មាន ដេលីម៉ែល បានចុះផ្សាយ ថា បុរសជាជនជាតិចិនម្នាក់ បានឲ្យសាច់ញាតិរៀបចំពិធីបុណ្យសពក្លែងក្លាយមួយ ឱ្យខ្លួនឯង ដោយសារតែគាត់ចង់ដឹងថាតើ ពិធីបុណ្យសពរបស់គាត់មើលទៅមានលក្ខណៈយ៉ាងណាខ្លះ។ដែលមានគំនិតប្លែកខុសគេខុសឯងឈ្មោះ Lin Guozhong អាយុ ៥៨ឆ្នាំ មិនមានប្រពន្ធ និងកូននឹងគេឡើយ ហើយដោយសារហេតុផលមួយនេះ ទើបគាត់ចង់ស្គាល់បទពិសោធន៍នៃពិធីបុណ្យសពរបស់គាត់។ប្រភពព័ត៌មានបានឲ្យដឹងថា បុរសវ័យកណ្តាលរូបនេះ បានចាប់ផ្តើមរៀបចំពិធីបុណ្យសពរបស់លោក ដោយមានអ្នកជិតខាងភូមិផងរបងជាមួយ ព្រមទាំងសាច់ញាតិ បានប្រមូលផ្តុំគ្នាហាក់ដូចជាកំពុងកាន់ទុក្ខចំពោះការបាត់បង់ជីវិតរបស់លោក Lin អីចឹង និងថែមទាំងបានសែងគាត់ ដែលកំពុងស្ថិតក្នុងក្តារមឈូស អំឡុងពិធីដង្ហែសពក្នុងភូមិទៀតផង។ ប្រភពបន្តថា លោក Lin រស់នៅភូមិ Changyan ក្នុងទីក្រុង Zhangjiajie ខេត្តហ៊ូណាន (Hunan) ភាគខាងត្បូងប្រទេសចិន ហើយគាត់បានចំណាយប្រាក់ជិត ៣ពាន់ដុល្លារ ដើម្បីរៀបចំបុណ្យសពក្លែងក្លាយនេះ។ក្រៅពីពិធីបុណ្យសព លោក Lin ក៏បានរៀបចំពិធីទទួលទានអាហារ និងការកម្សាន្តមួយចំនួន សម្រាប់ពិធីបុណ្យសពនេះ និងបានអញ្ជើញសាច់ញាតិ និងអ្នកជិតខាងមកចូលរួមថែមទៀត។
ទោះជាយ៉ាងណាក៏ដោយ បន្ទាប់ពីពិធីបុណ្យត្រូវបានប្រារព្ធឡើង ក្មួយប្រុសរបស់បុរសនោះបានចាត់ទុកថា វាជារឿងដែលខ្ជះខ្ជាយលុយឥតប្រយោជន៍ ព្រោះគាត់មិនបានរក្សាទុកលុយទាំងនោះ សម្រាប់រដូវវស្សាដែលខិតជិតមកដល់៕
[wai id="6"]