[wai id="5"]
[wai id="7"]
…ទំនងជាគ្រឺតពេកហើយមើលទៅ ពេលឃលើញកំប៉េះគូទស្រស់ស្រីឡើងកំភ្លឹងៗទប់អារម្មណ៍អត់បានក៏យកដៃទៅបន្លំប៉ះលេង…មានអីដៃនាងរហ័សដូចឆ្មាទះកណ្តុរផាច់កំផ្លៀងឡើងក្រហមង៉ូវហើយថែមទាំងត្រូវប៉ូលិសវ៉ៃខ្នោះទៀត។ នារីវ័យក្មេងជនជាតិចិនម្នាក់ បានខឹងសម្បាយ៉ាងខ្លាំង បន្ទាប់ពីមានបុរស ម្នាក់ មានបំណងបៀតបៀនកេរ្តិ៍ខ្មាសមកលើនាង ពេលឡើងជិះជណ្តើរយន្ត។
ពាណិជ្ជកម្ម
ហេតុការណ៍នេះបានកើតឡើង នៅស្ថានីយរថភ្លើងក្រោមដីមួយកន្លែង ក្នុងទីក្រុង Nanning ភាគខាងត្បូងខេត្ត Guangxi ប្រទេសចិន។តាមរយៈវីដេអូឃ្លីបថតជាប់ដោយកាមេរ៉ាសុវត្ថិភាព គេឃើញនារីរងគ្រោះស្លៀកខោខូវប៊យជើងខ្លីអាវយឺតស បានដើរឡើងជិះជណ្តើរយន្ត ស្រាប់តែមានបុរសម្នាក់ទៀត អូសវ៉ាលីដើរឡើងតាមពីក្រោយនាង ហើយមិនយូរប៉ុន្មានស្រាប់តែ បុរសនោះ យកដៃទៅចាប់កំប៉េះគូទនារីរងគ្រោះ។ ភ្លាមៗនាងបានក្រឡេកមើលជុំវិញខ្លួនមុនពេលប្រតិកម្មខឹង ហើយទះកំផ្លៀង មួយដៃចំកណ្តាលមុខលើបុរស នោះ។ហើយនៅពេលឡើងដល់ជាន់ខាងលើ នារីរងគ្រោះបានចាប់អូសបុរសនោះ ពីជណ្តើរយន្តនាំចូលប៉ុស្តិ៍ប៉ូលិសតែម្តង។ជនល្មើសបានប្រាប់អ្នកកាសែតថា គេត្រៀមខ្លួនរួចជាស្រេច ដើម្បីចាកចេញពីស្ថានីយផ្លូវក្រោមដី ស្រាប់តែលេចមុខនារីរងគ្រោះ មកឈរបាំងមុខគេ។ ជនល្មើសថា «ខ្ញុំគ្រាន់តែប៉ះគូទនាងតែម្តងប៉ុណ្ណោះ បន្ទាប់មកនាងក៏ថា មើលងាយនាងម្ល៉េះ ហើយក៏បានចាប់អូសខ្ញុំចូលប៉ុស្តិ៍ប៉ូលិសតែម្តង» ។នារីរងគ្រោះបានឲ្យដឹងដែរថា នាងនៅលើជណ្តើរយន្ត ហើយបុរសរូបនោះ បានឈរនៅពីក្រោយនាង និងថែមទាំងបានចាប់កំប៉េះគូទនាង ទើបនាងខឹងវ៉ៃគេតែម្តងទៅ ។
ទោះបីជាយ៉ាងណា ក្រោយកើតហេតុ ជនល្មើសត្រូវបានប៉ូលិសឃាត់ខ្លួន ធ្វើការដោះស្រាយជាបន្តតាមនីតិវិធីច្បាប់៕
[wai id="6"]