[wai id="5"]
[wai id="7"]
អគ្គលេខាធិការនៃអង្គការសហប្រជាជាតិ (UN) លោក អាន់តូនីញ៉ូ ហ្គួទែរែស (Antonio Guterres) បានអំពាវនាវឲ្យគ្រប់គ្នាបញ្ចេញសកម្មភាព ទប់ទល់ ទៅនឹងវីរុសកូរ៉ូណាថ្មី ឬ COVID-19 ជាបន្ទាន់ បន្ទាប់ពីអង្គការសុខភាពពិភពលោកហៅកាត់ថា WHO បានប្រកាសចាត់ទុកជំងឺនេះ «ជាជំងឺរាតត្បាតសកល»។
ជាមួយគ្នានោះដែរ ប្រធានាធិបតីអាមេរិក លោក ដូណាល់ ត្រាំ បានប្រកាសកាលពីយប់មិញថា អាមេរិកនឹងបិទការធ្វើដំណើរទាំងអស់ដែលមកពីអឺរ៉ុប លើកលែងតែអង់គ្លេសមួយប៉ុណ្ណោះ ដើម្បីទប់ស្កាត់ការរីករាលដាលវីរុសកូរ៉ូណាថ្មី COVID-19។លោកត្រាំ បញ្ជាក់យ៉ាងដូច្នេះថា៖ «ដើម្បីទប់ស្កាត់ករណី (COVID-19) ថ្មី ចូលក្នុងដែនដីរបស់យើង យើងនឹងផ្អាករាល់ការធ្វើដំណើរទាំងអស់មកពីអឺរ៉ុប ចូលមកកាន់សហរដ្ឋ អាមេរិក រយៈពេល ៣០ថ្ងៃ។ វិធានការថ្មីនេះ នឹងចូលជាធរមាននៅយប់កណ្តាលអាធ្រាត្រថ្ងៃសុក្រ»។
ពាណិជ្ជកម្ម
គួរបញ្ជាក់ដែរថា ការប្រកាសរបស់លោកត្រាំ បានធ្វើឡើងបន្ទាប់ពីទទួលបានព័ត៌មានថា តារាភាពយន្តលំដាប់កំពូល លោកថម ហ៊ែង (Tom Hanks)និងភរិយា រីតា វីលសុន ត្រូវបានពិនិត្យរកឃើញ វីរុសកូរ៉ូណាថ្មី កូវីដ១៩។តារា វ័យ៦៣ឆ្នាំរូបនេះបាននិយាយកាលពីថ្ងៃពុធទី១១មីនាថា លោកនិងភរិយា បានក្តៅខ្លួនកាលពីនៅក្នុងប្រទេសអូស្ត្រាលី ពេលថតខ្សែភាពយន្តថ្មីមួយអំពីឆាកជីវិតរបស់ស្តេចចម្រៀង អែលវីស ព្រីសលី។
ប្រធានាធិបតីអាម៉េរិកកាលពីថ្ងៃពុធក៏បានចាត់វិធានការគំហុកមួយ ដោយលោកបានប្រកាសផ្អាកការធ្វើដំណើរពីអឺរ៉ុបមកកាន់អាម៉េរិកដើម្បីសម្រាលបន្ទុកសេដ្ឋកិច្ចបង្កឡើងដោយជំងឺកូវីដ១៩ ដែលកំពុងអុកឡុកបំផ្លាញទីផ្សារហ៊ុន ហិរញ្ញវត្ថុនិងថាមពល ព្រមទាំងធ្វើឲ្យប៉ះពាល់ការរស់នៅប្រចាំថ្ងៃរបស់ប្រជាជនអាម៉េរិក៕
[wai id="6"]