[wai id="5"]
[wai id="7"]
សម្រាប់អ្នកដែលចូលចិត្តហូបចុកនៅខាងក្រៅផ្ទះងាយនឹងប្រឈមនឹងវីរុស Covid-19 បំផុត ថ្មីៗនេះក្រសួងសុខាភិបាលថៃ បានប្រកាសរកឃើញអ្នកជំងឺរលាកសួតបង្កដោយកូរ៉ូណាវីរុស (COVID-19) ចំនួន ១១ករណីបន្ថែមទៀត។ បើតាមក្រសួងសុខាភិបាលថៃ អ្នកជំងឺទាំង ១១ករណី បានឆ្លងCOVID-19 ដោយសារតែផឹកស្រាកែវរួមគ្នា និងចែកបារីគ្នាជក់។ ករណីសរុបនៅក្នុងប្រទេសថៃ បានកើនដល់ចំនួន ៧០ករណី ខណៈប្រទេសមួយចំនួននៅក្នុងតំបន់ បានរកឃើញករណីឆ្លងជាបន្តបន្ទាប់។
ពាណិជ្ជកម្ម
យ៉ាងណាមិញប្រទេសថៃ នៅតែមានភាពប្រយ័ត្នប្រយែងខ្ពស់ចំពោះ ការរីករាលដាលនៃវីរុស Covid 19 ខណៈដែលគិតមកទល់នឹងថ្ងៃទី 12 នេះ ប្រទេសថៃ មានការឆ្លងនូវវីរុសផ្លូវដង្ហើមនេះច្រើនករណីហើយ។ ហើយថ្មីៗនេះដែរសូម្បីតែ ក្រុមហ៊ុនអាកាសចរណ៍ជាតិថៃមួយចំនួនក៏ទើបតែប្រកាស នឹងលុបចោលជើងហោះហើរទៅកាន់ប្រទេសនិងតំបន់ចំនួន ៨ នៅក្នុងខែនេះ និងខែក្រោយ ដោយសារតែបញ្ហាវីរុស Covid 19។
គួរបញ្ជាក់យោងតាមអង្គការសុខាភាពពិភពលោក WHO បានប្រកាសចាត់ទុក COVID-19 ជា «ជំងឺរាតត្បាតសកល» ហើយ នៅថ្ងៃពុធសប្ដាហ៍នេះ ខណៈចំនួន នៅទូទាំងពិភពលោក បានកើនឡើងច្រើនជាង ១២០,០០០ករណី និងស្លាប់លើសពី ៤,៣០០នាក់៕
[wai id="6"]