[wai id="5"]
[wai id="7"]
ក្រុមអ្នកវិទ្យសាស្ត្ររបស់មន្ទីរបច្ចកោណ កំពុងប្រឹងប្រែងបង្កើត “ខែលការពារ” ដែលអាចផលិតបានទ្រង់ទ្រាយធំ ដើម្បីបង្ការមនុស្សបណ្តោះអាសន្នពីការឆ្លងជំងឺ COVID-19 ណបង្កើនភាពស៊ាំរបស់ពួកគេ រហូតដល់វ៉ាក់សាំងពិតប្រាកដ ត្រូវបានផលិតឡើង។
លទ្ធផលនៃការបង្កើតខែលនេះដែរ នឹងជួយពន្យឺតការឆ្លងវីរុស ស៊ីពេលសម្រាប់មន្ទីរពេទ្យរងគ្រោះខ្លាំងបំផុតនិង មន្ទីរពេទ្យនៅទូទាំងសកលលោក។
ទីភ្នាក់ងារគម្រោងស្រាវជ្រាវជាន់ខ្ពស់ការពារជាតិសហរដ្ឋអាមេរិក ឬហៅកាត់ថា DARPA ជាអ្នកផ្តល់ហិរញ្ញបទានដើម្បីបង្កើតខែលព្យាបាលនេះ ដោយសិក្សាលើគំរូបានមកពីអ្នកជំងឺ COVID-19 ដែលបានជាសះស្បើយពីវីរុសមួយនេះ។
ក្រុមអ្នកវិទ្យាសាស្ត្រមកពីវិទ្យាស្ថានបង្ការជំងឺរាតត្បាត(PPP) កំពុងបង្កើតកោសិកា Bរបស់អ្នកជំងឺដែលជាសះស្បើយពីជំងឺ COVID-19។ កោសិកា Bនឹងបង្កើតអង្គបដិប្រាណ ហើយប្រូតេអ៊ីន បង្កើតឡើងពីប្រព័ន្ធភាពស៊ាំរបស់មនុស្ស នឹងទៅប្រយុទ្ធប្រឆាំងនឹងអតិសុខុមប្រាណលុកលុយ។
ពាណិជ្ជកម្ម
បើសិនជាក្រុមអ្នកវិទ្យាសាស្ត្រអាចបង្កើតកោសិកា Bបានដោយជោគជ័យនោះ ក្តីសង្ឃឹមនឹងកើតមានថាពួកគេនឹងអាចបង្កើតវិធីព្យាបាលដែលធ្វើឲ្យមនុស្សបង្កើតបានខែលដ៏សំខាន់មួយក្នុងការកម្ទេចជំងឺ COVID-19មុនពេលការឆ្លងកើតឡើង។
ដោយឡែក ក្រុមអ្នកវិទ្យាសាស្ត្រស៊ុយអែត បានបន្តការងារស្វែងរកវ៉ាក់សាំងសម្រាប់បង្ការជំងឺ COVID-19 ប៉ុន្តែសាស្ត្រាចារ្យមួយរូបនៅឯវិទ្យាស្ថានការ៉ូលីនស្កា នៃទីក្រុងស្តុកខូម បានធ្វើការព្រមានថា វានៅមិនទាន់រួចរាល់នោះទេ រហូតដល់ឆ្នាំ២០២១ ។
កាលពីថ្ងៃពុធ ទីភ្នាក់ងារព័ត៌មាន APបានធ្វើដំណើរទៅកាន់សាកលវិទ្យាល័យសុខាភិបាលនៅទីនោះ ជាកន្លែងដែលពួកគេ កំពុងប្រើប្រាស់វិធីសាស្ត្រថ្មីដែលបញ្ចៀសផុតពីតម្រូវការបណ្តុះវីរុសនៅក្នុងមន្ទីរពិសោធន៍។
ផ្ទុយទៅវិញ ក្រុមអ្នកស្រាវជ្រាវ បានចម្លងវា រួចហើយស៊កចំណែកនៃកូដហ្សែនរបស់វីរុស ចូលទៅក្នុងប្លាស្មា ដើម្បីប្រែក្លាយវាទៅជាវ៉ាក់សាំង។
លោកសាស្ត្រាចារ្យ ម៉ាទី សាល់ប៊ើក មកពីវិទ្យាស្ថានការ៉ូលីនស្កា បាននិយាយថា ថ្វីត្បិតតែក្រុមអ្នកវិទ្យាសាស្ត្រប្រតិកម្មឆាប់រហ័សជាមួយនឹងការរីករាលដាលឆ្លងនៃជំងឺ COVID-19 ក៏វ៉ាក់សាំងនេះ រួចរាល់ក្នុងការចែកចាយនៅឆ្នាំ២០២១ដែរ ។
លោកសាល់ប៊ើក បានបន្តថា លោកគិតថា ការងារប្រឈមធំបំផុតរបស់ពួកយើង គឺការរីករាលដាលនេះ អាចនឹងលែងមាន នៅពេលដែលយើងរួចរាល់។
លោកបញ្ជាក់ថា រឿងដែលសំខាន់នៅទីនេះ គឺយើងនឹងបង្កើតផែនការយុទ្ធសាស្ត្រតម្រង់ទិសដៅ ដែលនេះមានន័យថា នៅពេលមានការរីករាលវីរុស Coronaលើកក្រោយ យើងនឹងអាចត្រៀមខ្លួនបានល្អប្រសើរជាងនេះ៕
[wai id="6"]