[wai id="6"]
[wai id="7"]
ពលរដ្ឋនៅតាមបណ្តាប្រទេសអាស៊ានមួយចំនួនបានសម្រុកទៅផ្សារទិញទំនិញស្តុកដើម្បីជាការត្រៀមខ្លួនសម្រាប់ការ Lockdown ស្របពេលការរីករាលដាលសកលនៃជំងឺ COVID-19 ដោយពួកគេបានតម្រង់ជួរនៅខាងក្រៅផ្សារទំនើបតកន្ទុយគ្នា ដើម្បីជាការត្រៀមខ្លួនសម្រាប់ការ Lockdown ស្របពេលការរីករាលដាលសកលនៃជំងឺ COVID-19។
ប្រទេសថៃ បើទោះបីជារដ្ឋាភិបាលណែនាំដល់ពលរដ្ឋរបស់ខ្លួនសូមកុំឲ្យមានការព្រួយបារម្ភអំពីវិបត្តិខ្វះចំណីអាហារយ៉ាងក៏ ដោយប៉ុន្តែ ចំនួននៃមនុស្សដណ្តើមគ្នាទិញទំនិញមានការកើនឡើងពីមួយថ្ងៃទៅមួយថ្ងៃ ដោយក្នុងនោះក៏មានអ្នកខ្លះ នាំគ្នាសម្រុកទៅហាងលក់ទំនិញមួយកន្លែង ដើម្បីទិញអាហារកំប៉ុង អាហារស្ងួត និងរបស់របរប្រើប្រាស់ចាំបាច់ផ្សេងៗទៀត ស្ទើរតែអស់រលីងពីលើធ្នើលក់អីវ៉ាន់ក្នុងហាង សម្រាប់យកទៅស្តុកទុកផ្គត់ផ្គង់ក្នុងផ្ទះ ។
ប្រទេសហ្វីលីពីន នាថ្ងៃអង្គារនេះ ហើយដងផ្លូវដែលធ្លាប់តែមមាញឹកនៅពេលនេះ បែរជាស្ងាត់ជ្រងំនៅក្នុងទីក្រុងម៉ានីល ក្រោយពេលដែលលោកប្រធានាធិបតី រ៉ូឌ្រីហ្គោ ឌូទែរតេ ប្រកាសដាក់ឲ្យប្រទេសមួយនេះ ស្ថិតនៅដាច់ដោយឡែក តាមសហគមន៍។
លោកឌូទែរតេ បានអនុម័តវិធានការមួយនេះ ដោយតម្រូវឲ្យមនុស្សរាប់លាននាក់នៅផ្ទះ ដើម្បីទប់ស្កាត់ការរីករាលដាលសកល នៃជំងឺ COVID-19 ដែលបានសម្លាប់មនុស្សរាប់សិបនាក់នៅក្នុងប្រទេសអាស៊ីអាគ្នេយ៍មួយនេះ។
ការងារការិយាល័យភាគច្រើន និងការធ្វើដំណើរទ្រង់ទ្រាយធំទៅកាន់កោះ លូហ្សុន ដែលរួមទាំងទីក្រុងម៉ានីល នឹងត្រូវផ្អាករយៈពេល១ខែ។ ការធ្វើដំណើរទៅកាន់ទីសាធារណៈ ត្រូវបានរឹតត្បិតផងដែរ ហើយការជួបជុំគ្នា នឹងត្រូវបានហាមឃាត់ លើកលែងតែសម្រាប់ សេវាកម្មសុខាភិបាល និងការសង្គ្រោះបន្ទាន់ផ្សេងទៀត។
ពាណិជ្ជកម្ម
ពលរដ្ឋមួយចំនួនរស់នៅក្នុងទីក្រុងម៉ានីល បាននិយាយថា ពួកគេនៅមិនទាន់ត្រៀមខ្លួនរួចនោះទេ ហើយពួកគេបង្ខំចិត្តតម្រង់ ជួរបែបនេះ នៅក្រៅផ្សារទំនើប។ ផ្លូវនានានៃទីក្រុង រណបម៉ានីល ដែលមានប្រជាជនប្រមាណ ១២ លាននាក់មានសភាព ស្ងប់ស្ងាត់និងគ្មានមនុស្សធ្វើដំណើរ ប៉ុន្មានម៉ោងបន្ទាប់ពីរដ្ឋាភិបាលបានបិទទីក្រុងនេះ ក្នុងគោលបំណងទប់ស្កាត់ ការរីករាល ដាលនៃ ជំងឺCOVID-19 ។
ប្រទេសម៉ាឡេស៊ី កាលពីយប់ថ្ងៃចន្ទ នាយករដ្ឋមន្ត្រីម៉ាឡេស៊ី លោក មូហ៍យីដឌីន រ៉ាស់ស៊ីន (Muhyiddin Yassin) បានប្រកាសពីការហាមឃាត់ មិនឲ្យពលរដ្ឋម៉ាឡេស៊ី ចាកចេញពីប្រទេស និងមិនឲ្យជនបរទេសចូលក្នុងម៉ាឡេស៊ី សម្រាប់រយៈពេល ០២សប្តាហ៍ ដោយចាប់ផ្តើមពីថ្ងៃពុធសប្តាហ៍នេះ ដើម្បីកាត់បន្ថយការរីករាលដាលនៃជំងឺសកល COVID-19 នៅក្នុងប្រទេសលោក។ មិនតែប៉ុណ្ណោះការជួបជុំដូចជា កម្មវិធីសាសនា កីឡា សកម្មភាពសង្គម និងវប្បធម៌ក៏នឹងត្រូវហាមឃាត់ដូចគ្នា។ រីឯកន្លែងថ្វាយបង្គំ និងក្រុមហ៊ុន-កន្លែងអាជីវកម្មស្ទើរតែទាំងអស់ ក៏ត្រូវបិទទ្វារផងដែរ លើកលែងតែសេវាកម្មចាំបាច់ដូចជា ផ្នែកទឹក ភ្លើង ថាមពល ទូរគមនាគមន៍ ដឹកជញ្ជូន ប្រេង សាំង សុវត្ថិភាព និងការពារជាតិជាដើម។ ប៉ុន្តែចំពោះវត្តមានរបស់ Covidនេះ បានធ្វើឲ្យពលរដ្ឋមួយចំនួនធំនាំគ្នាសម្រុកទិញអាហារស្តុកស្ទើរ ខ្ទេចគ្មានសល់ ។
គួរបញ្ជាក់ដែរថា ឥឡូវនេះ ប្រទេសម៉ាឡេស៊ីគឺជាប្រទេសដែលកំពុងជួបបញ្ហាអាក្រក់បំផុតនៅអាស៊ីអាគ្នេយ៍ សម្រាប់ការផ្ទុះឡើងនៃ Covid-19 ជាមួយនឹងការកើនឡើងប្រចាំថ្ងៃចំនួន ១៩០ ករណីក្នុងរយៈពេល ២៤ ម៉ោង។ យោងតាមក្រសួងសុខាភិបាល ចំនួនករណីសរុបនៅក្នុងប្រទេសនេះមានចំនួន ៤២៨ នាក់ ដោយមាន ៤២ នាក់បានជាសះស្បើយ។
ប៉ុន្តែយ៉ាងណាមិញសម្រាប់កម្ពុជាវិញ សាលារាជធានីភ្នំពេញ អំពាវនាវដល់ប្រជាពលរដ្ឋ កុំឱ្យជ្រួលច្របល់នាំគ្នាសម្រុកទិញអ៊ីវ៉ាន់ស្តុកទុកតាមពាក្យចចាមអារ៉ាម ព្រោះនាំឱ្យជនឆ្លៀតឱកាសដំឡើងថ្លៃផលិតផលស្បៀង។
សេចក្តីប្រកាសព័ត៌មានអំពាវនាវដល់ប្រជាពលរដ្ឋកម្ពុជាឱ្យរក្សាភាព ស្ងប់ស្ងាត់ ប្រកបរបចិញ្ចឹមជីវិតដូចប្រក្រតី និងកុំជ្រួលច្របល់តាមពាក្យចចាមអារ៉ាម ហើយអនុវត្តតាមវិធីបង្ការ ដែលណែនាំដោយក្រសួងសុខាភិបាល។
ស្របពេលនោះ សហព័ន្ធស្រូវអង្ករកម្ពុជា និងក្រុមហ៊ុនហ្គ្រីនត្រេដនៃក្រសួងពាណិជ្ជកម្ម សូមប្រកាសជូនដល់បងប្អូន ប្រជាពលរដ្ឋកម្ពុជាថា បរិមាណស្តុកអង្ករ និងស្រូវមិនទាន់កិន របស់សមាជិកសហព័ន្ធស្រូវអង្ករកម្ពុជា នៅទូទាំងប្រទេសលើ ទីតាំងឃ្លាំងចំនួនជាង៤០០រោងម៉ាស៊ីនកិនស្រូវ គឺមានបរិមាណគ្រប់គ្រាន់ សំរាប់ផ្គត់ផ្គង់ជូនតាមតម្រូវការក្នុងស្រុក និងសំរាប់នាំចេញ រហូតដល់រដូវប្រមូលផលខាងមុខ៕
[wai id="5"]