[wai id="6"]
[wai id="7"]
ក្រុមមន្ត្រីសុខាភិបាលសហរដ្ឋអាមេរិកបាននិយាយកាលពីថ្ងៃពេលថ្មីៗនេះ ការសាកល្បងលើមនុស្សលើកដំបូង ដើម្បីវាយតម្លៃលើវ៉ាក់សាំងប្រឆាំងនឹងជំងឺ COVID-19 នេះបានចាប់ផ្តើមនៅក្នុងទីក្រុងស៊ីអាថល ដោយមានក្តីសង្ឃឹមខ្ពស់ ក្នុងការប្រយុទ្ធប្រឆាំងនឹងជំងឺនេះ ស្របពេលការរីករាលដាលឆ្លងដល់ជិត១៥០ប្រទេសនៅលើពិភពលោក។
ទោះបីជាយ៉ាងណាក៏ដោយ វាអាចនឹងមានរយៈពេល១ឆ្នាំ ទៅដល់ ១៨ ខែ ទៀតមុនពេលវ៉ាក់សាំងនេះអាចប្រើបាននៅ ពេលដែលវាបានឆ្លងកាត់ដំណាក់កាលសាកល្បងជាច្រើនដើម្បីបញ្ជាក់ថាវាមានប្រសិទ្ធិភពនិងសុវត្ថិភាព។
វ៉ាក់សាំងនេះត្រូវបានគេហៅឈ្មោះថា mRNA-1273 ហើយត្រូវបានបង្កើតឡើងដោយក្រុមអ្នកវិទ្យាសាស្ត្រនិងសហការី នៃវិទ្យាស្ថានវិទ្យាសាស្ត្រនិងសុខភាពជាតិរបស់អាមេរិក (NIH) នៅក្រុមហ៊ុនជីវបច្ចេកវិទ្យាម័រឌើរណាដែលមានមូល ដ្ឋាននៅទីក្រុង ខេមប្រ៊ីជ រដ្ឋម៉ាសាឈូសេត។
ពាណិជ្ជកម្ម
វិទ្យាស្ថានវិទ្យាសាស្ត្រនិងសុខភាពជាតិរបស់អាមេរិក បាននិយាយថា ការសាកល្បងបើកស្លាកនឹងចុះឈ្មោះអ្នកស្ម័គ្រ ចិត្តដែលមានសុខភាពល្អចំនួន ៤៥ នាក់ មានអាយុពី ១៨ ទៅ ៥៥ ឆ្នាំក្នុងរយៈពេលប្រមាណជាង ៦ សប្តាហ៍” ។ អ្នកចូលរួមដំបូងបានទទួលវ៉ាក់សាំងស៊ើបអង្កេតនៅថ្ងៃនេះ។
គួរបញ្ជាក់ដែរថា ការធ្វើតេស្ដវ៉ាក់សាំង មិនទាន់ត្រូវបានប្រកាសជាសាធារណៈនៅឡើយទេ ដោយវាត្រូវបានធ្វើឡើងនៅវិទ្យាស្ថានស្រាវជ្រាវសុខាភិបាលរដ្ឋវ៉ាស៊ីនតោន ខាយសឺ (Kaiser Permanente Washington Health Research Institute) ក្នុងទីក្រុងសៀតថល (Seattle) ដោយមានអ្នកស្ម័គ្រចិត្តចូលរួម ជាមនុស្សពេញវ័យដែលមានសុខភាពល្អចំនួន ៤៥នាក់៕
[wai id="5"]