[wai id="6"]
[wai id="7"]
ប្រទេសម៉ាឡេស៊ី បានការណ៍ករណីឆ្លងថ្មី២៣៥នាក់ នៃជំងឺ COVID-19 ធ្វើឲ្យចំនួនករណីឆ្លងសរុបនៅទូទាំងប្រទេសកើនឡើងដល់២.០៣១នាក់ ដែលជាអត្រាករណីឆ្លងខ្ពស់ជាងគេបំផុតនៅតំបន់អាស៊ី-អាគ្នេយ៍ និងជាប្រទេសគួរឲ្យព្រួយបារម្ភបំផុតនៃការរីករាលដាលឆ្លងនៃវីរុសដ៏កាចសាហាវមួយនេះ។
ក្រសួងសុខាភិបាលម៉ាឡេស៊ី បាននិយាយផងដែរថា ករណីស្លាប់នៅក្នុងប្រទេសមួយនេះ កើនឡើងដល់២៣នាក់ គិតត្រឹមនឹងវេលាម៉ោង៥ល្ងាច ថ្ងៃព្រហស្បតិ៍។
ករណីថ្មី៦០នាក់ ជាប់ពាក់ព័ន្ធនឹងអ៊ីស្លាមសាសនិកដែលចូលរួមពិធីជួបជុំសាសនា នៅឯព្រះវិហារប៉េតាលីង ។
ក្រសួងសុខាភិបាល បានបន្តទៀតថា ការស៊ើបអង្កេតលើករណីថ្មី១៧៥នាក់កំពុងធ្វើឡើង ដែលអាចមានការជាប់ពាក់ព័ន្ធនឹងអ្នកដែលបានចូលរួមពិធីសាសនា។
ពួកគេបានបញ្ជាក់ថា អ្នកជំងឺ៤៥នាក់ កំពុងស្ថិតក្រោមការយកចិត្តទុកដាក់ខ្លាំងពីគ្រួពេទ្យ ក្នុងនោះអ្នកជំងឺ៣២នាក់ ត្រូវការជំនួយពីម៉ាស៊ីនអុកស៊ីហ្សែន។
ករណីឆ្លងសរុបនៅក្នុងប្រទេសម៉ាឡេស៊ី បច្ចុប្បន្ន បានហក់ឡើងទ្វេដងក្នុងរយៈពេល១សប្តាហ៍។ កាលពីថ្ងៃពុធ រដ្ឋាភិបាលបានបន្តការទប់ស្កាត់លើការធ្វើដំណើររហូតដល់ថ្ងៃទី១៤ ខែមេសា ដើម្បីជាវិធានការទប់ស្កាត់ការរីករាលដាលខ្លាំងនៃជំងឺ COVID-19
ពាណិជ្ជកម្ម
ខណៈពេលនោះដែរ ប្រទេសថៃបានដាក់បម្រាមមិនឲ្យមានការធ្វើដំណើរចូលទៅក្នុងព្រះរាជាណាចក្រមួយនេះ កាលពីល្ងាចថ្ងៃពុធ (២៥មីនា) ដោយបានអនុម័តឲ្យប្រើអំណាចក្នុងគ្រាអាសន្ន ក្នុងគោលបំណងដើម្បីទប់ស្កាត់ការរីករាលដាលក្នុងស្រុកដោយសារជំងឺCOVID -19 ។
វិធានការនានា ដែលបានការបិទប្រទេសទាំងស្រុងភ្លាមៗ រយៈពេលប៉ុន្មានថ្ងៃ នៃភាពប្រែប្រួលរបស់រដ្ឋាភិបាលគឺជាការរាំងស្ទះដល់វិស័យទេសចរណ៍ដ៏សំខាន់របស់ប្រទេសនេះ។
សូមបញ្ជាក់ថា អ្នកធ្វើដំណើររាប់ពាន់នាក់នៅតែស្ថិតនៅក្នុងព្រះរាជាណាចក្រដែលប្រឈមនឹងភាពមិនច្បាស់លាស់ជាមួយក្រុមហ៊ុនអាកាសចរណ៍នានាដែលមានភាពវឹកវរនិងការរឹតត្បិតមិនឲ្យវិលត្រឡប់ទៅកាន់ប្រទេសរបស់ពួកគេវិញ។គិតត្រឹមព្រឹកថ្ងៃព្រហស្បតិ៍នេះ អ្នកឆ្លងនៅប្រទេសថៃមាន1,045នាក់ និងស្លាប់៤នាក់។
ទីក្រុងបាងកកដែលមានប្រជាជន១០លាននាក់ត្រូវបានបិទកាលពីថ្ងៃពុធ ខណៈហាងនិងភោជនីយដ្ឋានជាច្រើនត្រូវបានបិទទ្វារ ហើយព្រះសង្ឃពុទ្ធសាសនិក ដែលបានគង់នៅចម្ងាយមួយម៉ែត្រពីគ្នា បានដឹកនាំវិធីបួងសួងប្រឆាំងនឹងជំងឺនេះនៅតាមកញ្ចក់ទូរទស្សន៍ទូទាំងប្រទេស។
ដោយឡែក នៅក្នុងប្រទេសវៀតណាមវិញក្រសួងសុខាភិបាលរបស់ប្រទេសមួយនេះ បានរាយការណ៍ពីករណីឆ្លងជំងឺ COVID-19ចំនួន៧បន្ថែមទៀតកាលពីថ្ងៃពុធដែលនាំឲ្យចំនួសរុបនៅប្រទេសក្នុងតំបន់អាស៊ីអាគ្នេយ៍មួយនេះដល់ចំនួន១៤៨នាក់ ទោះបីជាពុំមានការរាយការណ៍អំពីការស្លាប់ក៏ដោយ៕
[wai id="5"]