[wai id="6"]
[wai id="7"]
ចំនួនអ្នកឆ្លង និងអ្នកស្លាប់ ដោយកូវីដ១៩ នៅសហរដ្ឋអាមេរិក បានកើនឡើងយ៉ាងលឿនរហ័សបំផុត។ អ្វីដែលជាការព្រួយបារម្ភថែមទៀតនោះ គឺអ្នកជំនាញអះអាងថា សហរដ្ឋអាមេរិក នៅមិនទាន់ចូលដល់ដំណាក់កាលកំពូល នៃទំហំចំនួនអ្នកឆ្លងនៅឡើយទេ។ មានន័យថា ចំនួនអ្នកឆ្លងនឹងបន្តកើនឡើងថែមទៀត កាន់តែខ្ពស់។
សាកលវិទ្យាល័យអាមេរិក ចន ហបឃីនស៍ (John Hopkins) នៅថ្ងៃចន្ទនេះបានឱ្យដឹងថា អ្នកជំងឺ COVID-19 ប្រមាណ ១,២០០នាក់ បានស្លាប់ក្នុងរយៈពេល ២៤ម៉ោងចុងក្រោយនេះ ដែលជាអត្រាស្លាប់ខ្ពស់ជាងគេបំផុត នៅលើសកលលោក។
កាលពីសប្តាហ៍ទីបួននៃខែមីនា អ្នកធ្វើការនៅអាមេរិកជិត៣លាន៣សែននាក់បានដាក់ពាក្យសុំប្រាក់អត្ថប្រយោជន៍នៅពេលគ្មានការងារធ្វើ។ គេរំពឹងថា តួលេខនេះនឹងកើនឡើងច្រើនជាងមុនក្នុងពេលប៉ុន្មានសប្តាហ៍ខាងមុខនេះ ដោយគេបានទស្សន៍ទាយថា នឹងមានមនុស្សឥតការងារធ្វើ៤០លាននាក់នៅពាក់កណ្តាលខែមេសា។
នៅមុនពេលមានការរាតត្បាតជំងឺនេះនៅក្នុងស.រ.អា. កម្លាំងពលកម្មនៅអាមេរិក៥លាន៨សែននាក់គ្មានការងារធ្វើគឺមានចំនួន៣,៥%នៃអ្នកធ្វើការ១៦៤លាន៦សែននាក់។ តួលេខនេះបានផ្លាស់ប្តូរបន្តិចបន្តួចកាលពី៦ខែកន្លងទៅនេះ ហើយវាធ្វើឱ្យរាំងស្ទះសេដ្ឋកិច្ច។
ពាណិជ្ជកម្ម
នៅពេលនេះ ប្រទេសអាមេរិកដែលមានសេដ្ឋកិច្ចធំជាងគេបង្អស់នៅក្នុងពិភពលោកទទួលផលប៉ះពាល់ដោយសារអ្វីដែលលោកប្រធានាធិបតី Donald Trump ហៅថាជា«ការធ្វើឱ្យមានទុក្ខទោសអាក្រក់បំផុត»ដោយសារមេរោគកូរ៉ូណា»។
គួតត់សំគាល់ថា នៅសហរដ្ឋអាមេរិក រដ្ឋញូយ៉ក គឺជារដ្ឋដែលរងគ្រោះធ្ងន់ធ្ងរជាងគេ ដោយការឆ្លងរាលដាលមេរោគកូវីដ១៩។ ក្នុងចំណោមអ្នកឆ្លងសរុបនៅសហរដ្ឋអាមេរិក គឺជាង១ភាគ៣ ស្ថិតនៅក្នុងរដ្ឋញូយ៉ក។ ចំណែកចំនួនអ្នកស្លាប់សរុបវិញ គឺសឹងតែពាក់កណ្តាល ស្ថិតនៅក្នុងរដ្ឋញូយ៉ក។ ចំនួនអ្នកឆ្លងនិងមានអាការៈធ្ងន់ធ្ងរ ឈានដល់ស្លាប់ច្រើន យ៉ាងលឿនរហ័សបែបនេះ ត្រូវបានអ្នកវិភាគ លើកឡើងថា មួយផ្នែកមកពីកត្តាសុខភាពរបស់ប្រជាជនអាមេរិក ដែលមានជំងឺប្រចាំកាយស្រាប់ ដូចសំបូរអ្នកមានជំងឺធាត់ចុកខ្លាញ់ និងជំងឺទឹកនោមផ្អែម។ មួយវិញទៀត ប្រជាជនអាមេរិកដែលក្រីក្រ ពុំមានលទ្ធភាពទិញបណ្ណធានារ៉ាប់រងសុខភាព បានសម្រេចចិត្តមិនទៅរកសេវ៉ាសុខភាព ព្រោះគ្មានប្រាក់បង់៕
[wai id="5"]