[wai id="6"]
[wai id="7"]
ពាក្យចចាមអារ៉ាមបានផ្ទុះឡើងថាលោក គីម ជុងអ៊ុន ប្រធានាធិបតីកូរ៉េខាងជើងមានបញ្ហាសរសៃឈាមបេះដូងបានលេចឮ បន្ទាប់ពីលោក មិនបង្ហាញវត្តមាននៅក្នុងពិធីរម្លឹកខួបលើកទី១០៨ឆ្នាំរបស់លោកគីម អ៊ីលស៊ុងបិតាស្ថាបនិកនៃប្រទេសកូរ៉េខាងជើង ថ្ងៃទី១៥ខែមេសាឆ្នាំ២០២០។ នេះជាព្រឹត្តិការណ៍ធំប្រចាំឆ្នាំ ដែលលោកគីមមិនដែលខកខានចូលរួមម្តងណាឡើយ។ ម្យ៉ាងទៀតខាងចិន ដឹកនាំប្រតិភូមួយក្រុមដោយតំណាងជាន់ខ្ពស់នៃការិយាល័យទំនាក់ទំនងអន្តរជាតិនៃបក្សកុម្មុយនិស្តចិន អមដោយអ្នកជំនាញវេជ្ជសាស្ត្រផង បានចាកចេញពីក្រុងប៉េកាំង នៅថ្ងៃទី ២៤មេសា ធ្វើដំណើរទៅកូរ៉េខាងជើងទៀតផង។ ដែលជាមូលហេតុមួយធ្វើឲ្យសារព័ត៌មានមួយចំនួនធំបានចុះផ្សាយយ៉ាងព្រៀងព្រាតអំពីសុខភាពលោក គឹម ជុនអ៊ុន ។
ពាណិជ្ជកម្ម
ដោយឡែកថ្មីៗនេះបើយោងតាមការចុះផ្សាយរបស់សារព័ត៌មាន AFP បានផ្សាយថា ៖ មេដឹកនាំគីម ជុងអ៊ុន នៅរស់និង មានសុខភាពល្អប្រសើរជាធម្មតា។ ការបញ្ជាក់ពីសុខភាពរបស់សារព័ត៌មានខាងលើ គឺជាការបញ្ចប់ពាក្យចរចាមអារ៉ាម ស្តីពីសុខភាព របស់គីម ជុងអ៊ុន។
គួរបញ្ជាក់ដែរថា អវត្តមានជាសាធារណៈរបស់ គីម ជុងអ៊ុន មិនមែនជាលើកទីមួយនោះឡើយ។ ពេលនេះ លោកបាត់មុខ ប្រមាណតែពីរសប្តាហ៍ទេ កាលមុន បាត់មុខយូរជាងនេះផង។ កាលពីឆ្នាំ២០១៤ លោកបានអវត្តមានជាសាធារណៈអស់រយៈ ពេល ៦សប្តាហ៍ឯណោះ។ ពេលចេញមកវិញ គឺដៃកាន់ឈើច្រត់។ កាលនោះ កាសែតកូរ៉េខាងត្បូងឈ្មោះ Yonhap បានបញ្ជាក់ ថា លោកទទួលការវះកាត់កជើង៕
[wai id="5"]