[wai id="6"]
យោងតាមក្រសួងសុខាភិបាលចេញសេចក្តីប្រកាសនៅថ្ងៃទី១៦ ខែឧសភា ឆ្នាំ២០២០នេះថា អ្នកជំងឺកូវីដ១៩ ម្នាក់ចុង ក្រោយគេ ពោលគឺអ្នកជំងឺ ទី១២២ បានជាសះស្បើយ ដែលបានធ្វើឲ្យប្រទេសកម្ពុជាក្លាយជា ប្រទេសគ្មានអ្នកជំងឺកូវីដ១៩ (ជាសះស្បើយ១០០ភាគរយ)។ នេះបើតាមសេចក្តីប្រកាសរបស់ក្រសួងសុខាភិបាល ។
ក្រសួងសុខាភិបាលបានបញ្ជាក់ថា អ្នកជំងឺកូវីដ១៩ ទី១២២ ដែលជាសះស្បើយជាស្ត្រីជនជាតិខ្មែរ អាយុ៣៦ឆ្នាំ រស់នៅភូមិប៉ាលេឡៃ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
ពាណិជ្ជកម្ម
ក្រសួងបានបញ្ជាក់ថា នៅពេលនេះកម្ពុជា មិនមានអ្នកជំងឺកូវីដ១៩ព្យាបាលទៀតឡើយ នៅទូទាំងប្រទេស។
ទន្ទឹមនឹងជ័យជំនះនេះ ក្រសួងសុខាភិបាល និង អ្នកពាក់ព័ន្ធអះអាងថា កម្ពុជា នៅតែមិនបន្ធូរបន្ថយដៃ នៅតែពិនិត្យតាមដានអ្នកដំណើរ និង ធ្វើតេស្តជាបន្តបន្ទាប់ផងដែរ ។ សម្តេចតេជោ ហ៊ុន សែន ប្រមុខរាជរដ្ឋាភិបាល ក្រសួងសុខាភិបាល និង អង្គការសុខភាពពិភពលោក នៅតែអំពាវនាវដល់សាធារណជននៅកម្ពុជា ប្រុងប្រយ័ត្ន និង អនុវត្តឱ្យបានខ្ជាប់ខ្ជួននូវការណែនាំរបស់រាជរដ្ឋាភិបាល និង ក្រសួងសុខាភិបាល ជាដើម ជាអ្វីដែលក្រសួងសុខាភិបាល ហៅថា សភាពធម្មតា តាមបែបគន្លងថ្មី ក្នុងបរិបទប្រយុទ្ធនឹងជំងឺកូវីដ-១៩ នៅ កម្ពុជា ដូចជា អនាម័យដៃស្អាត ពាក់ម៉ាស់ ( ករណីចាំបាច់ ) គម្លាតសុវត្ថិភាពសង្គម និង គម្លតាសុវត្ថិភាពបុគ្គល ចៀសវាងការរៀបចំកម្មវិធីផឹកស៊ីដែលមានគ្នាច្រើន ។ ល ។
គួររម្លឹកដែរថា លោកស្រីឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល ធ្លាប់បានថ្លែងនៅក្នុងសេចក្តីប្រកាស នៅកាលពីថ្ងៃទី ១៤ ឧសភានេះថា បើទោះបីជាប្រទេសកម្ពុជា មិនមានរកឃើញករណីជំងឺកូវីដ-១៩ ថ្មីក្នុងរយៈពេលជាងមួយខែកន្លងមកនេះក្តីក៏ប៉ុន្តែពុំមែនមានន័យថាកូវីដបានចាកចេញពីប្រទេសកម្ពុជានោះទេ ៕
[wai id="5"]