ហ៊ឺ...! សេដ្ឋីអាមេរិកាំងសញ្ជាតិចិនបញ្ចេញខ្យល់ដង្ហើមធំខណៈពេល រូបលោកឈរនៅចំពាក់កណ្តាលបេះដូងទីក្រុងញូវយ៉ក និង នៅចំពីមុខហាងលក់វត្ថុបុរាណដ៏ល្បីមួយ។ កាលណោះ គឺជាថ្ងៃទី២៤ ខែកញ្ញា ហើយក៏ជាវេលាក្បាលព្រលប់ដែរ។ ភ្នែកទាំងគូររបស់សេដ្ឋីរូបនេះកំពុងផ្តោតមើលវត្ថុបុរាណដែលគេកំពុងដាក់តាំងនៅក្នុងទូ និង មានធូលីកាន់មិនតិចនោះទេ។ នៅជ្រុងម្ខាងទៀតមានទាំងគ្រឿងអលង្ការទុកនៅក្នុងប្រអប់ក្រណាត់ កាំម៉ី្ញ មានទាំងនាឡិកាប្រាក់បុរាណ តែអ្វីដែលគួរឲ្យទាក់ភ្នែកជាងគេនោះ គឺពេជ្រពណ៌ខៀវ ដែលមានទំហំប៉ុនគ្រាប់សណ្តែកដីស្រស់ស្អាតបំផុត។
បើតាមភិនភាគនៅលើប្រអប់ក៏អាចថាត្រូវបានដែរ គឺគេដាក់តាំង ដោយមិនសូវមានអតិថិជនមកមើលប្រៀបដូចជាពេជ្រមួយគ្រាប់នេះមិនខុសពីអំបែងកញ្ចក់ពណ៌ខៀវមួយឡើយ តែបើមើលកាន់តែយូរវាជះពន្លឺ ព្រិចៗគួរឲ្យទាក់ចិត្តបំផុត។ នៅទីបំផុតសេដ្ឋី យ៉ាង ឆឹសាន់ អ្នកមានបទពិសោធន៍រឿងពេជ្រកន្លងមកលាន់មាត់ទាំងមិនដឹងខ្លួនថា “ អើ! នេះគ្រាប់ ពេជ្រពិតតើ ”! ។ ជាការពិតណាស់ថាហាងធំបែបស្ថិតនៅចំណ្តាលបេះដូង ទីក្រុងញូវយ៉កបែបនេះអាចដាក់តាំងលក់របស់គ្មានតំលៃទៅរួច? ក៏ប៉ុន្តែហេតុអ្វីក៏គ្រាប់ពេជ្រដ៏ធំបែបនេះគេយកមកតាំងក្នុងហាងលក់វត្ថុបុរាណ ប្រៀបដូចជារបស់គ្មានតំលៃបែបនេះទៅវិញ?សូមចុចទីនេះដើម្បីអានបន្ដ...