[wai id="8"]
[wai id="7"]
អភិបាលខេត្តព្រៃវែង លោក ជា សុមេធី មានប្រតិកម្មខ្លាំងនឹងខ្លឹមសារ និងរូបភាព បទ "អ្នកព្រៃវែងអាក្រក់ត្រង់ណា" របស់ផលិតកម្ម មរតក មេឌៀ ដែលបានបង្ហោះក្នុងបណ្តាញសង្គម និងChanel យូធូប របស់ផលិតកម្មកាលពីថ្ងៃទី២ កក្កដា ឆ្នាំ២០២០ កន្លងទៅ។
ពាណិជ្ជកម្ម
លិខិតរបស់រដ្ឋបាលខេត្តព្រៃវែងដែលដាក់ស្នើទៅក្រសួងវប្បធម៌ និងវិចិត្រសិល្បៈដែលហត្ថលេខារបស់ លោក ជា សុមេធី អភិបាលខេត្តព្រៃវែង នៅថ្ងៃទី៣ កក្កដា ២០២០ នោះបង្ហាញថា បទ "អ្នកព្រៃវែងអាក្រក់ត្រង់ណា" មានខ្លឹមសារ រូបភាព និងនិយាយថា "អ្នកព្រៃវែងសុទ្ធតែអ្នកមិនល្អ ពូជចោរលួច ចោប្លន់ កាប់ចាក់ សុំទាន និងជាអ្នកក្រ" ផ្អែកតាមខ្លឹមសារនេះ រដ្ខបាលខេត្តព្រៃវែង បានស្មើសុំទៅក្រសួងវប្បធម៌ និងវិចិត្រសិល្បៈចាត់វិធានការច្បាប់ចំពោះផលិតកម្ម មរតក មេឌៀ ពីបទល្មើសញុះញង់បង្កឲ្យមានការរើសអើង និងប្រព្រឹត្តបទល្មើស និងឲ្យផលិតកម្មត្រូវលុបឃ្លីបវីដេអូ និងធ្វើការបកស្រាយសុំទោសជាសាធារណៈ ។
ជុំវិញបញ្ហានេះ លោក សយ រតនា អ្នកចម្រៀង និងជាអ្នកនិពន្ធដែលមានកំណើតនៅខេត្តព្រៃវែងដែរនោះ អះអាងថា ខ្លួនគ្មានចេតនាអ្វីទាល់តែសោះ ក្នុងការបន្តុះបង្អាប់ខេត្តខ្លួន តែជាគោលបំណងទប់ស្កាត់ការរើសអើង។លោកបានអះអាងដូច្នេះថា៖ « ខ្ញុំអ្នកនៅខេត្តព្រៃវែង មិនមានហេតុផលណា ដែលខ្ញុំត្រូវសរសេរដៀមដាម ខេត្តខ្លួនឯងនោះទេ មានតែទប់ស្កាត់កុំឱ្យមានការរើសអើង។ ហើយតួស្រីពាក់អាវពណ៌ខៀវហ្នឹង គឺគាត់តំណាងឱ្យអ្នកធ្លាប់ដៀលអ្នកព្រៃវែង ប៉ុន្តែនេះគ្រាន់ជាឈុតពិសេសនៅក្នុង MV មិនមែនជាFull MV នោះទេ ។
គួររម្លឹកដែរថា ក្រោយចេញឈុតខ្លីនៃបទចម្រៀងនេះភ្លាម អ្នកដែលនិយមប្រើប្រាស់បណ្តាញសង្គមបានធ្វើការរិះគន់យ៉ាងចាស់ ដៃអំពី ខ្លឹមសារនៃបទចម្រៀងនេះមានចរិតរេីសអេីង បំបែកបំបាក់ជាតិសាសន៍ បន្ទាបតម្លៃអ្នកព្រៃវែង បន្តុះបង្អាប់កិត្តិយស ប្រមាថសេចក្ដីថ្លៃថ្នូរក្នុងនាមប្រជាពលរដ្ឋ ដែលមានសិទ្ធិពេញលេញនិងសេចក្ដីថ្លៃថ្នូរដ៏បរិបូរណ៍នាសម័យបច្ចុប្បន្ន៕
[wai id="5"]
