[wai id="8"]
[wai id="7"]
ការផ្តល់កម្ចីនៅក្នុងប្រាក់កម្ចីលើវិស័យអចលនទ្រព្យ សំណង់និងលំនៅដ្ឋាន ដែលផ្តល់ដោយគ្រឹះស្ថានធនាគារនៅកម្ពុជា មានទំហំទឹកប្រាក់ដល់ជាង៧,៦៨ ពាន់លានដុល្លារក្នុងឆមាសទី១នៃឆ្នាំ២០២០ ។ នេះបើយោងតាមរបាយការណ៍ប្រចាំឆមាសទី១ របស់ធនាគារជាតិនៃកម្ពុជា។
បើគិតត្រឹមចុងឆមាសទី ១ ឆ្នាំ ២០២០ ទំហំនៃការផ្តល់ឥណទានអតិថិជនរបស់គ្រឹះស្ថានធនាគារនៅកម្ពុជាមានទឹកប្រាក់សរុប ២៦,៧ ពាន់លានដុល្លារក្នុងនោះការផ្តល់កម្ចីនៅក្នុងវិស័យអចលនទ្រព្យ និងសំណង់មានសរុប ២៨,៨ ភាគរយ ដែលស្មើនឹងទឹកប្រាក់ប្រមាណជិត ៧,៦៩ ពាន់លានដុល្លារ។
ឥណទានក្នុងវិស័យអចលនទ្រព្យ និងសំណង់ទាំងនោះរួមមានការឲ្យកម្ចីទិញផ្ទះជាកម្មសិទ្ធិផ្ទាល់ខ្លួនមានចំនួន ១១,៦ ភាគរយ (ប្រហែល ៣ ០៩៧ លានដុល្លារ) សំណង់ ៩,២ ភាគរយ (ប្រហែល ២ ៤៥៦ លានដុល្លារ) និងការជួញដូរអចលនទ្រព្យ មានចំនួន ៨ ភាគរយ (ប្រហែល ២ ១៣៦ លានដុល្លារ)។
ពាណិជ្ជកម្ម
លោក ជា ចាន់តូ ទេសាភិបាលធនាគារជាតិនៃកម្ពុជាបានឲ្យដឹងក្នុងរបាយការណ៍ប្រចាំឆមាសទី ១ ឆ្នាំ ២០២០ ថា ទោះបីជារដ្ឋាភិបាលកម្ពុជាបានដាក់ចេញនូវវិធានការមួយចំនួនដើម្បីគ្រប់គ្រងការរីករាលដាលនៃជំងឺកូវីដ១៩ នេះហើយក៏ដោយ ក៏ផលអវិជ្ជមានមួយចំនួនបាននិងកំពុងកើតរួចមកហើយក្នុងវិស័យធនាគារនៅកម្ពុជា។ នេះបើយោងតាមប្រភពព័ត៌មាន Postkhmer។
លោកបន្តថា ហានិភ័យចម្បងៗដែលអាចកើតមានពីការបន្តអូសបន្លាយនៃការរីករាលដាលជំងឺកូវីដ១៩ មានដូចជា ការធ្លាក់ចុះប្រាក់ចំណូលរបស់ប្រជាពលរដ្ឋ និងអាជីវកម្ម ការធ្លាក់ចុះនៃវិស័យសំណង់ និងអចលនទ្រព្យ និងការថយចុះនៃលំហូរមូលធនពីក្រៅប្រទេសមកក្នុងវិស័យធនាគារ។
លោកលើកឡើងថា៖ «បើទោះបីកម្ពុជាបានចាត់វិធានការគ្រប់គ្រងការរីករាលដាលជំងឺកូវីដ ១៩ ប្រកបដោយប្រសិទ្ធភាពក៏ដោយ វិស័យសំណង់នៅកម្ពុជាក៏ប្រឈមមុខនឹងការថយចុះផងដែរ ដោយសារតែប្រភពទុន ១ ផ្នែកទទួលបានមកពីក្រៅប្រទេស»៕
[wai id="5"]
