[wai id="8"]
[wai id="7"]
តារាសម្ដែងស្រីមាន សូនីតា បានសម្ដែងការប្រតិកម្មយ៉ាងខ្លាំងបន្ទាប់ពីមានផេកហ្វេសប៊ុកមួយបានយករូបរបស់នាងទៅផុស អមដោយសារអសុរសដែលមិនមានការអនុញ្ញាតពីសាមីខ្លួន នាងក៏បានសំណូមពរឲ្យមហាជនអ្នកលេង បណ្ដាញសង្គមមេត្តាជួយ reportផេកនោះផងដែរ ។
មាន សូនីតា បានបង្ហាញអារម្មណ៍មិនសប្បាយចិត្ត និងព្រមានចាត់វិធានការភ្លាមៗ ប្រសិនបើបណ្តាញសង្គមទាំងនោះ មិនលុបរូបនាងចោល និងបើមិនធ្វើការកែតម្រូវទេនោះ។
យ៉ាងណាមិញ មុននឹងព្រមានចាត់វិធានការតាមផ្លូវច្បាប់ មាន សូនីតា បានអំពាវនាវដល់អ្នកលេងបណ្តាញសង្គម និងអ្នកគាំទ្រទាំងអស់ មេត្តាជួយ Report ផេកទៅកាន់ហ្វេសប៊ុក ដើម្បីឲ្យលុបផេកទាំងនោះចោល ព្រោះបានធ្វើឲ្យប៉ះពាល់កិត្តិយសនាងយ៉ាងធ្ងន់ធ្ងរ ក្នុងនាមជាតារាល្បី។
ពាណិជ្ជកម្ម
មាន សូនីតា និយាយថា « ខ្ញុំបានឃើញផេកជាច្រើនបានយករូបខ្ញុំ ទៅធ្វើទង្វើដែលគ្មានប្រយោជន៍ ហើយធ្វើឲ្យប៉ះពាល់ ដល់កិត្តិយសខ្ញុំ ដោយដំបូងខ្ញុំសូមស្នើឲ្យហ្វេនជួយ Report ទៅកាន់ក្រុមហ៊ុនហ្វេសប៊ុកជាមុនសិន។ ប៉ុន្តែប្រសិនបើផេកទាំងអស់នោះ នៅតែបន្តសកម្មភាពនេះដដែល ខ្ញុំនឹងចាត់វិធានការតាមផ្លូវច្បាប់ ប្តឹងទៅសមត្ថកិច្ចជំនាញ ដើម្បីស្វែងរកមុខអ្នកបង្កើតផេកទាំងអស់នេះ ដើម្បីចាត់វិធានការតាមផ្លូវច្បាប់»៕
[wai id="5"]