[wai id="8"]
[wai id="7"]
វៀតណាមកំពុងចាប់ផ្តើមជម្លៀសមនុស្សប្រមាណ៨០.០០០នាក់ ភាគច្រើនជាអ្នកទេសចរ ចេញពីទីក្រុងដាណាំងភាគកណ្តាលបន្ទាប់ពីអ្នករស់នៅក្នុងទីក្រុងនេះ៣នាក់ទៀតបានពិនិត្យសុខភាពនិងរកឃើញវីរុសកូរ៉ូណាកាលពីចុងសប្តាហ៍ នេះបើតាមរដ្ឋាភិបាលវៀតណាមបានបញ្ជាក់កាលពីថ្ងៃចន្ទទី២៧កក្កដា។
តាមរយៈសេចក្តីថ្លែងការណ៍រដ្ឋាភិបាលវៀតណាមប្រកាស ការជម្លៀសនេះ ត្រូវបានប្រើពេល ៤ថ្ងៃ ដោយមានជើងហោះហើរដឹកជញ្ជូនចំនួន១០០ជើងក្នុងមួយថ្ងៃ។ ប្រសិនគ្មានការប្រែប្រួលទេ វៀតណាមនឹងជម្លៀសភ្ញៀវទេសចរទៅកាន់ក្រុង ១១ផ្សេងទៀត។ ការជម្លៀសនេះ ធ្វើឡើងដើម្បីបង្ការ និងទប់ស្កាត់ការរាតត្បាតកូរ៉ូណាវីរុស នៅក្នុងទីក្រុងទេសចរណ៍មួយនេះ។
ពាណិជ្ជកម្ម
នៅក្នុងថ្ងៃដដែលនេះ រដ្ឋាភិបាលវៀតណាម បានចេញសេចក្តីថ្លែងការណ៍ដាច់ដោយឡែកមួយទៀតពាក់ព័ន្ធការស៊ើបអង្កេតករណីឆ្លងថ្មី។ នៅក្នុងសេចក្តីថ្លែងការណ៍ថ្មីនេះ ការស៊ើបអង្កេតលើការឆ្លងជាបឋម បានបង្ហាញថា ករណីឆ្លងក្នុងស្រុកទាំង៤របស់វៀតណាម គឺមានពាក់ព័ន្ធនឹងមន្ទីរពេទ្យចំនួន ៣នៅក្នុងទីក្រុងដាណាង។ រដ្ឋមន្ត្រីស្ដីទីសុខាភិបាល លោក Nguyen Thanh Long បានអះអាងថា តាមការវិភាគលើហ្សែន COVID-19 នេះ គឺជាកូរ៉ូណាវីរុសប្រភេទថ្មី ដែលឆ្លងខ្លាំងជាងមុន។
គួររម្លឹកដែរថា វៀតណាមបញ្ជាឱ្យឱសថស្ថានទាំងអស់នៅទូទាំងប្រទេសត្រូវកត់ឈ្មោះ អាសយដ្ឋាន និងលេខទូរសព្ទរបស់អ្នកដែលមកទិញថ្នាំផ្ដាសាយ គ្រុនក្តៅ ឬក្អកទុក ហើយផ្ញើមកអាជ្ញាធរសុខាភិបាលតំបន់ក្នុងរយៈពេល២៤ម៉ោងម្តង ក្រោយរកឃើញករណីឆ្លងកូវីដ១៩ក្នុងសហគមន៍៣ករណីថ្មីនៅចុងសប្តាហ៍។
តាមប្រភពពីសារព័ត៌មានក្នុងស្រុកឱ្យដឹងថា បទបញ្ជានេះគឺជាផ្នែកមួយនៃវិធានការតាមដានអ្នកសង្ស័យឆ្លងមេរោគផ្លូវដង្ហើមថ្មី បន្ទាប់ពីក្រសួងសុខាភិបាលរកឃើញ៣ករណីថ្មីក្នុងក្រុងទេសចរណ៍ឆ្នេរសមុទ្រដាណាង ២ថ្ងៃជាប់គ្នា ក្រោយស្ងប់ស្ងាត់បាត់អស់ពេលជាង៣ខែ៕
[wai id="5"]