[wai id="8"]
[wai id="7"]
រាជរដ្ឋាភិបាល បានសម្រេចយកថ្ងៃទី១៧ដល់២១ ខែសីហា ឆ្នាំ២០២០ ដើម្បីសងថ្ងៃ ឈប់សម្រាកការងារ របស់មន្ដ្រីរាជការ និយោជិត កម្មករ ក្នុងពិធីបុណ្យចូលឆ្នាំថ្មីប្រពៃណីជាតិ ដែលត្រូវ បានលើកដោយអនុក្រឹត្យលេខ៥០ ចុះថ្ងៃទី៨ ខែមេសា ឆ្នាំ២០២០ របស់រាជរដ្ឋាភិបាល។
ក្រសួងសុខាភិបាលកម្ពុជាបានសម្រេចចេញវិធានការនិងសេចក្ដីណែនាំរបស់ក្រសួងសុខាភិបាលស្ដីពីការការពារការចម្លងវីរុសកូវីដ-៩ក្នុងអំឡុងពេលឈប់សម្រាកចំនួន៥ថ្ងៃខាងមុខដើម្បីសងថ្ងៃឈប់សម្រាកការងារសម្រាប់បុណ្យចូលឆ្នាំប្រពៃណីជាតិ។ ក្រសួងសុខាភិបាលសូមធ្វើការណែនាំក្រើនរំលឹងដល់សាធារណៈជនទាំងអស់ ឱ្យប្រកាន់យកនូវការរស់នៅតាមបែបកន្លងថ្មី ដោយចេះកែប្រែទម្លាប់ និងឥរិយាបទ ប្រកបដោយការប្រុងប្រយ័ត្នខ្ពស់ និងនៅតែបន្តការការពារការចម្លងកូវីដ-១៩នេះទោះក្នុងពេលណាទីណា កន្លែងណាក៏ដោយ។ សូមបងប្អូនប្រជាពលរដ្ឋទាំងអស់ត្រូវចូលរួមអនុវត្តប្រកបដោយប្រសិទ្ធភាពខ្ពស់ នូវវិធានការការពារខ្លួនពីការចម្លងវីរុសកូវីដ-១៩ ទាំង៦ដូចខាងក្រោម៖
ពាណិជ្ជកម្ម
១.ជ្រើសរើសការជួបជុំគ្រួសារឬដំណើរកំសាន្តប្រកបដោយសុវត្ថិភាពមិនមានការចម្លងជំងឺ
២.ជ្រើសរើសមធ្យោបាយធ្វើដំណើរមានសុវត្ថិភាពកាត់បន្ថយជាអតិប្បរិមានូវការចម្លងជំងឺ
៣.ជ្រើសរើសទីកន្លែងស្នាក់នៅប្រកបដោយសុវត្ថិភាពនិងកាត់បន្ថយហានិភ័យនៃការចម្លងជំងឺ
៤.ជ្រើសរើសការទទួលទាន់អាហារប្រកដដោយសុវត្ថិភាពមិនបង្កការចម្លងជំងឺ
៥.បុគ្គលម្នាក់ៗត្រូវរក្សាអនាម័យជានិច្ច
៦.ត្រូវរក្សាគម្លាតសុវត្ថិភាពបុគ្គល
គួរបញ្ជាក់ដែរថា ថ្ងៃទី២៩ ខែកក្កដា ឆ្នាំ២០២០ កម្ពុជារកឃើញអ្នកឆ្លងជំងឺកូវីដ១៩ទាំងអស់ សរុប ២៣៣នាក់ (ស្ត្រី ៤៦នាក់ និងបុរស ១៨៧នាក់ ក្នុងនោះអ្នកព្យាបាលជាសះស្បើយសរុបទូទាំងប្រទេស មានចំនួន១៥៤នាក់ (ស្រី ៤០នាក់ និងបុរស១១៤នាក់) អ្នកសម្រាកព្យាបាលនៅក្នុងមន្ទីរពេទ្យរដ្ឋមានចំនួនសរុប៧៧នាក់ និងអ្នកសម្រាកព្យាបាល នៅបន្ទប់ដោយឡែកក្នុងស្ថានទូតអាមេរិកប្រចាំកម្ពុជាជាស្ត្រីជនជាតិ អាមេរិកកាំង០២នាក់៕
[wai id="5"]
