[wai id="8"]
[wai id="7"]
ថ្មីនេះ តារាចម្រៀង ខេម បានត្រូវបានក្រុមហ៊ុនថោន ប្រកាសថាកំពុងបំពានកុងត្រារបស់ផលិតកម្មថោន ដែលបានចូលច្រៀងអោយផលិតកម្ម ផ្សេងទាំង ដែលខ្លួនមិនទាន់បានបញ្ចប់កិច្ចសន្យារួច ដែលមានសុពល ភាពដល់ចុងខែធ្នូ ឆ្នាំ២០២០ ធ្វើអោយផលិតកម្ម ថោន ចេញលិខិតអោយតារាចម្រៀងសំលេងស្អករូបនេះ ចូលខ្លួនដោះស្រាយនិងបកស្រាយរឿងមួយនេះអោយ បានច្បាស់លាស់។
ព័ត៌មាននេះបានធ្វើឲ្យប្រិយមិត្តអ្នកគាំទ្រលោកមានការភ្ញាក់ផ្អើលយ៉ាងខ្លាំងចំពោះព័ត៌មានមួយនេះ ។ យ៉ាងណា មិញដោយមិនទុកពេលយូរតារាចម្រៀង ខេម បានសរសេររៀបរាប់ឆ្លើយតបទៅនឹងរឿងរ៉ាវខាងលើនេះថា ៖
ពាណិជ្ជកម្ម
«យប់ជ្រៅហើយ!
អរគុណគ្រប់យ៉ាងមេ មេពិតជាមេដ៏ល្អមែន ច្រើនឆ្នាំមកហើយដែលឆ្កែមួយក្បាលនេះបម្រើម្ចាស់ មិនដែលទាមទាអ្វីឡើយ ហើយក៏មិនដែលធ្វើអ្វីឲ្យមេលំបាកនោះទេ គ្រាន់តែឃើញលិខិតមួយដែលមេបង្ហោះជាសាធារណៈថា ឆ្កែមួយក្បាលដែលស្មោះត្រង់រាប់ឆ្នាំនេះបំពានកុងត្រានោះ គឺពិតជាភ្ញាក់ផ្អើលហួសចិត្ត ព្រោះឆ្កែមួយក្បាលនេះ មិនដែលមានបំណងឡើយហើយឆ្កែមួយក្បាលនេះ គឺសុំលាឈប់ដោយត្រឹមត្រូវមានទាំងលិខិតលាឈប់ ព្រោះគិតថាផុតកុងត្រាហើយ តែមេថានៅកុងត្រា តែឆ្កែមួយក្បាលសុំមើលជាច្រើនលើកហើយ ថាបើនៅនឹងនៅច្រៀងទៀតតែមេគេចវេសរុញទៅអ្នកនេះអ្នកនោះមិនឱ្យមើល (ឬមេចង់ឲ្យខ្ញុំបង្ហាញភ័ស្តតាងតាមហ្វេសបុកនេះ) ខ្ញុំមិននឹកស្មានថាមេខ្ញុំដែលសព្វថ្ងៃជា ប្រធានមន្ទីសេដ្ឋកិច្ច និងហិរញវត្តុក្រុងភ្នំពេញមានលុយរាប់សិបលានដុល្លារ ហៀរចាយមិនអស់ ជាមនុស្សដែលមានចំណេះដឹងខ្ពស់ បែរមានគំនិតចង់បំផ្លាញឆ្កែមួយក្បាលដែលធ្លាប់រស់នៅបម្រើជាច្រើនឆ្នាំ បក្សពួកនិយមក្នុងក្រុមហ៊ុនដែលបែងចែកការស្រលាញ់យ៉ាងឆ្ងាយផុតលេខ ទោះដឹងថាមេស្រលាញ់ពួកគេនោះក្នុងឋានៈអ្វីក៏ដោយ ទាំងដែលឆ្កែមួយក្បាលនេះប្រឹងព្រុស ឲ្យម្ចាស់ខ្លាំងជាងគេនៅក្រុមហ៊ុន ទោះបីមេមិនដែលខ្វល់នឹងបោះឆ្អឹងឲ្យក៏ដោយក៏ឆ្កែមួយក្បាលនេះគោរពនឹងស្រលាញ់ម្ចាស់ស្មោះស្ម័គ្របំផុត។
មេអើយមេ មេមើលឃើញតែអ្នកពិសេសរបស់មេទាំងពីរនាក់ ដែលមេផ្ដល់ឲ្យគ្រប់យ៉ាងតែឆ្កែមួយក្បាលនេះមេមិនដែលខ្វល់ទេចង់ឲ្យព្រុសក៏ហៅទៅព្រុស ។ មេកុំបង្ខំឲ្យឆ្កែអនាថាមួយក្បាលនេះចេះខាំអី មេអើយទុកឲ្យគ្នារកឆ្អឹងចញ្ចឹមជីវិត និងម្ដាយជាស្ត្រីមេម៉ាយដ៏កំសត់ផង មេក៏ដឹង មេមានដឹងទេថាឆ្កែអនាថាមួយក្បាលនេះដេកហូរទឹកភ្នែកប៉ុន្មានឆ្នាំមុននឹងសំរេចចិត្តចេញពីម្ចាស់ ប៉ុន្មានឆ្នាំចុងក្រោយសូម្បីតែចង់បានចម្រៀងចេញក៏ឆ្កែនេះត្រូវរត់ត្រុកៗដើរកបទខ្លួនឯងដែរ មេដែលមើលកំហុសខ្លួនឯងដែលធ្វើដាក់ឆ្កែនេះទេ?
បើម្ចាស់ផ្ដល់ភាពកក់ក្ដៅឲ្យតែ ៥% នៃមនុស្សពិសេសទាំងពីរបស់មេឆ្កែមួយក្បាលនេះសុខចិត្ត បំរើម្ចាស់ដល់ថ្ងៃចុងក្រោយ។ ឆ្កែម្នាក់នេះទ្រាំខាំធ្មេញសង្កត់បំផុតព្រោះស្រឡាញ់ម្ចាស់ មានពេលមួយនោះខ្ញុំគេងយំម៉ែសួរខ្ញុំថាកើតអីកូន? ខ្ញុំប្រាប់វិញថាខ្ញុំមិនចង់ចាកចេញពីកន្លែងចាស់ទេ ខ្ញុំមានអនុស្សាវរីយច្រើណាស់ មែប្រាប់ថាគ្មានការជួបណាដែលមិនបែកនោះទេកូនត្រូវស្ងប់ស្ងាត់ មែកូនទ្រាំច្រើនពេកហើយមែនទេ? កូនល្ងង់ណាស់មែនទេ? ឬមកពីគ្រួសារយើងគ្មានឪពុក គ្មានបងប្អូន គ្មានខ្សែ គ្មានខ្នង ទើបខ្ញុំទទួលរឿងទាំងនេះម៉ែអើយតើខ្ញុំគួរទ្រាំទៀតទេ។
មែនហើយចេតនាមេពេលនេះចង់ឲ្យឆ្កែមួយក្បាលនេះ ត្រូវគេស្អប់ទ័លច្រកបូករួមទាំងកន្លែងថ្មីមេចង់ឲ្យគេស្អប់ខ្ពើមមែនទេ? មេមិនពិបាកធ្វើទេរឿងនេះ។
លិខិតអញ្ចើញរបស់មេមួយសន្លឹកនេះ គឺពិតជាឃើញទឹកចិត្តដ៏ថ្លៃថ្លាណាស់សំរាប់ឆ្កែមួយក្បាលនេះណាស់ ទោះបីដីកាកោះរបស់តុលាកា ក៏ទុកពេលឲ្យបានយូរជាងនេះដែរបើនិយាយពីផ្លូវច្បាប់ តើមេមានបំណងអ្វី?ហៅថ្ងៃនេះឲ្យទៅស្អែក ពីព្រោះស្អែកនេះមេដឹងថាឆ្កែនេះទទួលកម្មវិធីគេរកចំណីចញ្ចឹមក្រពះមែនទេ ។ មេក៏ដឹងថាខ្ញុំបានបញ្ចប់ការងាជាមួយគ្នាហើយមុនពេលចាកចេញមេចង់មានកម្មពារជាមួយគ្នាធ្វើអី ឬមេពិបាកទទួលយកនៃភាពជោគជ័យរបស់ខ្ញុំ
មេអើយឆ្កែមួយក្បាលនេះមេកុំបង្ខំវាអី វាសុំមួយរស់ទេមានរឿងច្រើនណាស់ ដែលឆ្កែមួយក្បាលនេះលាក់ក្នុងចិត្តដោយការឈឺចាប់បំផុត មេអាចដាក់កំហុសគ្រប់យ៉ាង មកឆ្កែអនាថានេះបានដើម្បីកិត្តិយសមេ តែបើមេព្យាយាមវៃក្បាលឆ្កែនេះអាចនឹងពេលមួយវាទ័លច្រក..!។
ជាមួយគ្នានោះដែរ តារាចម្រៀង សុគន្ធ ថេរ៉ាយុ ក៏បានសរសេរផុសក្នុងគណនីផ្ទាល់ខ្លួនរបស់លោកថា ៖ ខ្ញុំអត់ចង់និយាយអីច្រេីនទេ តែដេីររកអ្នកមានគុណចំពោះក្បាលអ្នកឯងទៅបេីបានចឹង ខ្លួនក្រពេីក្បាលជាពស់ហេីយនៅមិនដឹងខ្លួនទៀតបកក្បាលមកចឹកគេវិញទៀត ខ្ញុំនៅកន្លែងនេះរាប់ឆ្នាំហេីយ អ្នកណាចេញអ្នកណាចូលតេីដែលមានគេធ្វេីចារឹកដូចអ្នកឯងទេ? មានតែគេចេញទៅហេីយគេនៅគោរពគាត់ តែអ្នកឯងវិញមិនត្រឹមវាត់កន្ទុយទេបកក្បាលមកចឹកគេវិញទៀត បេីកេីតជាមនុស្សជាតិនេះហេីយ សូមរស់អោយសមពាក្យថា "មនុស្ស" ផង ។ ប៉ុន្តែការលើឡើងនេះគេពុំទាន់ដឹងថាលោកចង់សំដៅទៅ តារាចម្រៀង ខេម ឫ មួយរឿងផ្សេងនោះទេ ៕
[wai id="5"]
