[wai id="9"]
កាលពីយប់ថ្ងៃទី៨ ខែមីនាកន្លងទៅ សម្តេចតេជោ ហ៊ុន សែន បានប្រកាស ជាបទបញ្ជាឲ្យក្រសួងស្ថាប័នរដ្ឋ រៀបចំកាត់បន្ថយចំនួនមនុស្ស ធ្វើការនៅកន្លែងធ្វើការ ដោយយ៉ាងហោចណាស់ ៩០% ត្រូវធ្វើការតាមអនឡាញ។ ក្នុងនោះ ក្រុមហ៊ុនឯកជន ក៏ត្រូវកាត់បន្ថយចំនួនអ្នកធ្វើការផ្ទាល់ផងដែរ។
ពាណិជ្ជកម្ម
ក្នុងសារសំឡេងនេះ សម្តេចតេជោ ក៏បានអំពាវនាវឱ្យផ្អាកការជួបជុំផងដែរ។ សម្តេចតេជោ បានអំពាវនាវយ៉ាងដូច្នេះ «ខ្ញុំសូមយកឱកាសនេះអំពាវនាវ សូមផ្អាករាល់ការជួបជុំទាំងឡាយ ដែលមិនមានការចាំបាច់។ ខ្ញុំសូមអរគុណចំពោះបងប្អូនដែលបានផ្អាកនូវពិធីការ ពិធីអាពាហ៍ពិពាហ៍ ឬក៏ធ្វើពិធីអាពាហ៍ពិពាហ៍តែបន្ថយចំនួនមនុស្ស ដែលធ្វើឱ្យហានិភ័យមានការធ្លាក់ចុះ។ ប៉ុន្តែសភាពការណ៍ពេលនេះ ទាមទារឱ្យមានការប្រុងប្រយ័ត្នលើសមុន ហើយអ្វីដែលមិនចាំបាច់ ហើយវាមិនទាន់ចាំបាច់ និងអាចផ្អាកបានគប្បីត្រូវតែពន្យារ គប្បីផ្អាក ពន្យារពេលរង់ចាំធ្វើនៅពេលក្រោយ ក៏មិនទាន់យឺតពេលដែរ។ នេះជាសភាពការណ៍ដ៏បន្ទាន់ ហើយដែលត្រូវយកចិត្តទុកដាក់កុំឱ្យជំងឺនេះសាយភាយចេញក្រៅ»។
ក្នុងសារសំឡេងនេះ សម្តេចតេជោ ហ៊ុន សែន បានស្នើឱ្យខេត្តព្រះសីហនុ ធ្វើការរឹតបន្តឹងបន្ថែមទៀតទៅលើការចេញចូល របស់មនុស្ស ចរាចររបស់មនុស្សក្នុងខេត្ត។ ប៉ុន្តែមិនត្រូវធ្វើឱ្យមានការរាំងស្ទះទៅដល់ការដឹកទំនិញចេញ ដឹកទំនិញចូលនោះទេ ព្រោះជាច្រកសេដ្ឋកិច្ចតែមួយគត់របស់កម្ពុជាសម្រាប់ការនាំចេញតាមផ្លូវទឹក។
សម្ដេចតេជោ ហ៊ុន សែន បានបញ្ជាក់ទៀតថា អ្វីដែលសម្ដេចប្រកាសជាបទបញ្ជានេះគឺធ្វើឡើងតែ សម្រាប់ស្ថាប័នស៊ីវិល តែប៉ុណ្ណោះសម្រាប់កងកម្លាំងប្រដាប់អាវុធ ទាំងកងទ័ពទាំងនគរបាល ទាំងអាវុធហត្ថនៅធ្វើប្រតិបត្តិការជាធម្មតា។
ចំពោះក្រុមគ្រូពេទ្យនៅធ្វើប្រតិបត្តិការជាធម្មតា ។ការកាត់បន្ថយចំនួនមនុស្សធ្វើការនៅតាមស្ថាប័ននេះ គឺមិនសំណើទៅ រកកងកម្លាំងប្រដាប់អាវុធ និងក្រុមគ្រូពេទ្យនោះទេ ។ ដោយសារតែនៅទីក្រុងភ្នំពេញ ខេត្តកណ្ដាល ក្រុងព្រះសីហនុ សាលារៀនត្រូវបាន បិទទៅហើយនោះ ដូច្នេះចំនួនសិស្សសាលាលោកគ្រូអ្នកគ្រូ ហើយបូកបន្ថែមដោយមន្ត្រីរាជការ គ្រប់ស្ថាប័នមិនទៅបំពេញការងារទៀត នឹងធ្វើឲ្យដងផ្លូវរបស់យើងមានការស្រឡះល្អ មិនកកកុញទៅដោយមនុស្ស ។
សម្ដេចតេជោនាយករដ្ឋមន្ត្រីបានបញ្ជាក់ថា សម្រាប់ទីផ្សារនិងរោងចក្រ យើងមិនប្រកាសបិទនោះទេ ព្រោះមិនទាន់មាន ហានិភ័យទៅដល់កន្លែងនោះទេ។ប៉ុន្តែសុំឲ្យមានការប្រុងប្រយ័ត្ន ជាមួយនឹងការការពារនៅតាមបណ្ដារោងចក្រ ទាក់ទងនឹងការវាស់កំដៅ អាកុលលាងដៃ និងការតាមដានសុខភាពរបស់កម្មករ ជាប្រចាំ ៕