រាជធានីបាងកក៖ ប្រទេសថៃបានដកកញ្ឆាពីក្នុងបញ្ជីឈ្មោះគ្រឿងញៀនខុសច្បាប់កាលពីថ្ងៃទី ១០ ខែមិថុនាកន្លងទៅនេះ។ អាជ្ញាធរថៃបានវាយតម្លៃថាការអនុញ្ញាតឲ្យប្រើប្រាស់កញ្ឆានៅក្នុងចំណីអាហារដោយស្របច្បាប់នឹងជួយជំរុញវិស័យទេសចរណ៍ និងសេដ្ឋកិច្ចប្រទេសដែលបានធ្លាក់ចុះក្នុងអំឡុងពេល កូវីដ។ គួរបញ្ជាក់ផងដែរថា កាលពីឆ្នាំ២០១៨ ប្រទេសថៃបានអនុញ្ញាតឲ្យមានការប្រើប្រាស់កញ្ឆាចំពោះការស្រាវជ្រាវ និងប្រើប្រាស់នៅក្នុងវិស័យវេជ្ជសាស្ត្រ។
ចំពោះការដាំកញ្ឆានៅតាមផ្ទះគឺត្រូវបានកំណត់មិនឲ្យលើសពី ៦ដើមក្នុងមួយផ្ទះ និងត្រូវសុំសិទ្ធក្នុងការដាំពីអាជ្ញាធរផងដែរ។ ចំណែកឯចំការដាំដើមកញ្ឆាក៏ត្រូវដាក់ពាក្យសុំអាជ្ញាបណ្ណពីរដ្ឋាភិបាលក្នុងការដាំដុះដើមប្រទេសនេះ។ ភោជនីយដ្ឋានត្រូវបានអនុញ្ញាតឲ្យប្រើប្រាស់កញ្ឆានៅក្នុងចំណីអាហារ និងភេសជ្ជះ។
គេវាយតម្លៃថា ការដកកញ្ឆាពីសារធាតុញៀនខុសច្បាប់គឺជារឿងល្អមួយដែលជួយរកប្រាក់ចំណូល ១៥ ពាន់លានបាតពីពេលនេះដល់ឆ្នាំ ២០២៦។ ដើម្បីជំរុញកសិករថៃក្នុងការដាំដើមកញ្ឆា រដ្ឋាភិបាលថៃបានផ្តល់កូនដើមកញ្ឆា ១លានដើមដោយឥតគិតថ្លៃ ជាលទ្ធផលមានមនុស្សជាងមួយសែននាក់ហើយចុះឈ្មោះនៅក្នុងកម្មវិធីដើម្បីសុំដាំដើមកញ្ឆា។
ដើម្បីគ្រប់គ្រងការប្រើប្រាស់កញ្ឆាមិនឲ្យលើសកម្រិត អាជ្ញាធរថៃនៅតែបន្តដាក់កម្រិតចម្រាញ់យកជាតិញៀនពីកញ្ឆាមិនឲ្យលើសពី ០,២% ជារឿងខុសច្បាប់ បន្ថែមទៀតការជក់កញ្ឆានៅតាមផ្ទះ ឬតាមទីសាធារណៈនៅតែចាត់ទុកជាសកម្មភាពខុសច្បាប់នឹងអាចពិន័យជាប្រាក់ ៧៨០ ដុល្លារ និងអាចជាប់ពន្ធាគារ ៣ខែ។ ជាមួយគ្នានេះដែរ អ្នកទោសជាប់ទាក់ទងនឹងការជួញដូរ និងប្រើប្រាស់កញ្ឆាជាង ៤០០០ នាក់នឹងត្រូវបានដោះលែងនាពេលខាងមុខនេះ៕
ប្រភព ៖ CNN
ចំពោះការដាំកញ្ឆានៅតាមផ្ទះគឺត្រូវបានកំណត់មិនឲ្យលើសពី ៦ដើមក្នុងមួយផ្ទះ និងត្រូវសុំសិទ្ធក្នុងការដាំពីអាជ្ញាធរផងដែរ។ ចំណែកឯចំការដាំដើមកញ្ឆាក៏ត្រូវដាក់ពាក្យសុំអាជ្ញាបណ្ណពីរដ្ឋាភិបាលក្នុងការដាំដុះដើមប្រទេសនេះ។ ភោជនីយដ្ឋានត្រូវបានអនុញ្ញាតឲ្យប្រើប្រាស់កញ្ឆានៅក្នុងចំណីអាហារ និងភេសជ្ជះ។
គេវាយតម្លៃថា ការដកកញ្ឆាពីសារធាតុញៀនខុសច្បាប់គឺជារឿងល្អមួយដែលជួយរកប្រាក់ចំណូល ១៥ ពាន់លានបាតពីពេលនេះដល់ឆ្នាំ ២០២៦។ ដើម្បីជំរុញកសិករថៃក្នុងការដាំដើមកញ្ឆា រដ្ឋាភិបាលថៃបានផ្តល់កូនដើមកញ្ឆា ១លានដើមដោយឥតគិតថ្លៃ ជាលទ្ធផលមានមនុស្សជាងមួយសែននាក់ហើយចុះឈ្មោះនៅក្នុងកម្មវិធីដើម្បីសុំដាំដើមកញ្ឆា។
ដើម្បីគ្រប់គ្រងការប្រើប្រាស់កញ្ឆាមិនឲ្យលើសកម្រិត អាជ្ញាធរថៃនៅតែបន្តដាក់កម្រិតចម្រាញ់យកជាតិញៀនពីកញ្ឆាមិនឲ្យលើសពី ០,២% ជារឿងខុសច្បាប់ បន្ថែមទៀតការជក់កញ្ឆានៅតាមផ្ទះ ឬតាមទីសាធារណៈនៅតែចាត់ទុកជាសកម្មភាពខុសច្បាប់នឹងអាចពិន័យជាប្រាក់ ៧៨០ ដុល្លារ និងអាចជាប់ពន្ធាគារ ៣ខែ។ ជាមួយគ្នានេះដែរ អ្នកទោសជាប់ទាក់ទងនឹងការជួញដូរ និងប្រើប្រាស់កញ្ឆាជាង ៤០០០ នាក់នឹងត្រូវបានដោះលែងនាពេលខាងមុខនេះ៕
ប្រភព ៖ CNN
