រាជធានីតូក្យូ៖ ក្រោយពេលពិភពលោក មានការភ្ញាក់ផ្អើល និង រន្ធត់ចិត្តយ៉ាងខ្លាំង ជុំវិញករណីបាញ់ស.ម្លាប់អតីតនាយករដ្ឋមន្ដ្រីដ៏មានឥទ្ធិពលបំផុតរបស់ជប៉ុន នោះមក ក្រុមអ្នកជំនាញគ្រឿងសព្វាវុធ បានអះអាងថា កាំភ្លើងយកមកធ្វើឃា.តលោក អាបេ គឺងាយស្រួលបង្កើត ជាទីបំផុត។
សារព័ត៌មាន Colors of India បានចេញផ្សាយ កាលពីថ្ងៃអាទិត្យ ទី១០ ខែកក្កដា ថា ក្រុមអ្នកជំនាញខាងគ្រឿងសព្វាវុធ បានអះអាងថា អាវុធធ្វើដោយដៃ ដែលប្រើជាឧបករណ៍ សម្រាប់ការធ្វើឃាតទៅលើលោក ស៊ិនហ្សូ អាបេ (Shinzo Abe) អតីតនាយករដ្ឋមន្ត្រីជប៉ុន អាចផលិតបានយ៉ាងងាយស្រួល ដោយប្រើសមាសធាតុស្រួលៗបំផុត។ ជាមួយគ្នានេះ ក៏មានការលើកឡើង អំពីសំណួរ អំពីអ្វីដែលអាចធ្វើបាន ដើម្បីទប់ស្កាត់នូវការបាញ់ប្រហារបែបនេះបន្ដទៅទៀត។
ស្របពេលមានមនុស្សតិចតួច ដឹងអំពីអាវុធ ដែលជនសង្ស័យ ឈ្មោះ តែតស៊ូយ៉ា យ៉ាម៉ាហ្គាមិ ( Tetsuya Yamagami) អាយុ៤១ឆ្នាំប្រើ សម្រាប់ធ្វើឃាតលោក អាបេ ។ ប៉ុន្ដែការវិភាគជាបឋមរបស់ក្រុមអ្នកជំនាញ បង្ហាញថា អាវុធនោះ គ្រាន់តែយកសម្ភារ ដែលអាចរកទិញបាន លក់នៅតាមហាងលក់គ្រឿងរឹង រួមទាំងឈើ សម្រាប់ធ្វើស៊ុម និង ដែកបំពង់។ បំពង់សម្រាប់ធ្វើជាកាណុង ឧបករណ៍អគ្គិសនី ថ្មសម្រាប់បញ្ឆេះ និងខ្សែភ្លើង។ វាមិនមានធាតុ ដែលអាចមើលឃើញពីខាងក្រៅ នៃអាវុធ ហាក់បីដូចជាបោះពុម្ព 3D នោះទេ ប៉ុន្ដែវាមានរូបរាងដូចស្នាប់កាំភ្លើង។
អតីតនាយករដ្ឋមន្ដ្រីជប៉ុនរូបនេះ ត្រូវបានខ្មាន់កាំភ្លើង បាញ់ប្រហារ កាលពីវេលាម៉ោង១១ និង ៣០នាទីព្រឹក ថ្ងៃសុក្រ ខណៈគាត់កំពុងតែឃោសនា ស្វែងរកសំឡេងឆ្នោត នៅក្នុងទីក្រុងណារ៉ា នាភាគខាងលិច ប្រទេសជប៉ុន។ លោក អាបេ បានទទួលមរណភាព ក្រោយពេលបញ្ជូនទៅសង្គ្រោះ នៅក្នុងមន្ទីរពេទ្យ នាថ្ងៃដដែលនោះ។
ប្រវត្ដិសងេ្ខបរបស់អតីតនាយករដ្ឋមន្ដ្រីជប៉ុន លោក អាបេ ដែលត្រូវគេធ្វើឃាត
លោក Shinzo Abe កើតនៅថ្ងៃទី២១ ខែកញ្ញា ឆ្នាំ១៩៥៤ ហើយបានទទួលមរណភាព នៅថ្ងៃទី៨ ខែកក្កដា ឆ្នាំ២០២២ ដោយឃាតកម្ម។ លោក អាបេ ជាអ្នកនយោបាយដ៏មានឥទ្ធិពលបំផុត នៅក្នុងប្រទេសជប៉ុន។ គាត់ធ្លាប់ធ្វើជានាយករដ្ឋមន្ដ្រីជប៉ុន និង ជាប្រធានគណបក្សប្រជាធិបតេយ្យសេរីនិយម (LDP) លើកទី១ ចន្លោះពីឆ្នាំ២០០៦ដល់ ២០០៧ និង លើកទី២ចន្លោះពីឆ្នាំ២០១២ ដល់ឆ្នាំ២០២០។
លោក អាបេ ក្លាយជានាយករដ្ឋមន្ដ្រីជប៉ុន កាន់តំណែងបានយូរជាងគេបំផុត នៅក្នុងប្រទេសអាស៊ីបូព៌ាមួយនេះ។ ក្រៅពីតំណែងកំពូលនេះ គាត់ក៏ធ្លាប់ធ្វើជាប្រធានខុទ្ទកាល័យ ចន្លោះពីឆ្នាំ២០០៥ដល់២០០៦ ក្រោមរដ្ឋាភិបាលរបស់លោក ជូនីជីរ៉ូ កូអ៊ីហ្ស៊ូមី (Junichiro Koizumi) ។
លោក អាបេ កើត នៅក្នុងគ្រួសារអ្នកនយោបាយដ៏លេចធ្លោមួយរបស់ជប៉ុន ដោយជីតា ឈ្មោះ ណូប៊ូស៊ូកេ គីស៊ី (Nobusuke Kishi) អតីតនាយករដ្ឋមន្ដ្រី។ បន្ទាប់ពីបញ្ចប់ការសិក្សាថ្នាក់បរិញ្ញាបត្រ ពីសាកលវិទ្យាល័យសេកេ (Seikei) រួចមក គាត់បានបន្ដទៅចូលរៀន នៅសកលវិទ្យាល័យ Southern California មួយរយៈខ្លី ហើយលោក អាបេ បានជាប់ជាតំណាងរាស្ត្រ នៅក្នុងការបោះឆ្នោតឆ្នាំ១៩៩៣។ នៅក្នុងឆ្នាំ២០០៥ លោក Abe ត្រូវបានតែងតាំងជាប្រធានខុទ្ទកាល័យរបស់លោក កូអ៊ីហ្ស៊ូមី (Koizumi) ហើយក្លាយជានាយករដ្ឋមន្ត្រី និង ជាប្រធាន LDP នៅឆ្នាំបន្ទាប់។
លោក អាបេ ក្លាយជានាយករដ្ឋមន្ត្រី ក្មេងជាងគេ ក្រោយសង្គ្រាមរបស់ប្រទេសជប៉ុន និង ជាអ្នកដំបូងដែលបានកើត ក្រោយសង្គ្រាមលោកលើកទីពីរ។ លោក អាបេ បានលាលែងពីតំណែងជានាយករដ្ឋមន្ត្រី បន្ទាប់ពីកាន់តំណែងរយៈពេលមួយឆ្នាំ ដោយសារបញ្ហាសុខភាព បង្កឡើង ដោយជំងឺរលាកពោះវៀនធំ។
លោក អាបេ ត្រូវបានគេធ្វើឃាត នៅថ្ងៃទី៨ ខែកក្កដា ឆ្នាំ២០២២ ដោយអតីតកម្លាំងស្វ័យការពារកងម៉ារីនជប៉ុន។ បើយោងតាមការស៊ើបអង្កេតរបស់ប៉ូលិស បានឲ្យដឹងថា លោក Abe ត្រូវបានជនសង្ស័យ កំណត់គោលដៅ ដោយសារតែទំនាក់ទំនងរបស់គាត់ ជាមួយនឹងព្រះវិហារបង្រួបបង្រួម ជាចលនាសាសនាថ្មីមួយ ត្រូវបានបង្កើតឡើង នៅក្នុងប្រទេសកូរ៉េខាងត្បូង។
លោក អាបេ មានឪពុកឈ្មោះ ស៊ីនតារ៉ូ អាបេ ( Shintaro Abe) និង ម្ដាយឈ្មោះ យ៉ូកូ គីស៊ី (Yoko Kishi) ហើយមានប្រពន្ធឈ្មោះ អាគេ ម៉ាតស៊ូហ្សាគិ (Akie Matsuzaki) ដោយរៀបការ នៅក្នុងឆ្នាំ១៩៨៧៕
សារព័ត៌មាន Colors of India បានចេញផ្សាយ កាលពីថ្ងៃអាទិត្យ ទី១០ ខែកក្កដា ថា ក្រុមអ្នកជំនាញខាងគ្រឿងសព្វាវុធ បានអះអាងថា អាវុធធ្វើដោយដៃ ដែលប្រើជាឧបករណ៍ សម្រាប់ការធ្វើឃាតទៅលើលោក ស៊ិនហ្សូ អាបេ (Shinzo Abe) អតីតនាយករដ្ឋមន្ត្រីជប៉ុន អាចផលិតបានយ៉ាងងាយស្រួល ដោយប្រើសមាសធាតុស្រួលៗបំផុត។ ជាមួយគ្នានេះ ក៏មានការលើកឡើង អំពីសំណួរ អំពីអ្វីដែលអាចធ្វើបាន ដើម្បីទប់ស្កាត់នូវការបាញ់ប្រហារបែបនេះបន្ដទៅទៀត។
ស្របពេលមានមនុស្សតិចតួច ដឹងអំពីអាវុធ ដែលជនសង្ស័យ ឈ្មោះ តែតស៊ូយ៉ា យ៉ាម៉ាហ្គាមិ ( Tetsuya Yamagami) អាយុ៤១ឆ្នាំប្រើ សម្រាប់ធ្វើឃាតលោក អាបេ ។ ប៉ុន្ដែការវិភាគជាបឋមរបស់ក្រុមអ្នកជំនាញ បង្ហាញថា អាវុធនោះ គ្រាន់តែយកសម្ភារ ដែលអាចរកទិញបាន លក់នៅតាមហាងលក់គ្រឿងរឹង រួមទាំងឈើ សម្រាប់ធ្វើស៊ុម និង ដែកបំពង់។ បំពង់សម្រាប់ធ្វើជាកាណុង ឧបករណ៍អគ្គិសនី ថ្មសម្រាប់បញ្ឆេះ និងខ្សែភ្លើង។ វាមិនមានធាតុ ដែលអាចមើលឃើញពីខាងក្រៅ នៃអាវុធ ហាក់បីដូចជាបោះពុម្ព 3D នោះទេ ប៉ុន្ដែវាមានរូបរាងដូចស្នាប់កាំភ្លើង។
អតីតនាយករដ្ឋមន្ដ្រីជប៉ុនរូបនេះ ត្រូវបានខ្មាន់កាំភ្លើង បាញ់ប្រហារ កាលពីវេលាម៉ោង១១ និង ៣០នាទីព្រឹក ថ្ងៃសុក្រ ខណៈគាត់កំពុងតែឃោសនា ស្វែងរកសំឡេងឆ្នោត នៅក្នុងទីក្រុងណារ៉ា នាភាគខាងលិច ប្រទេសជប៉ុន។ លោក អាបេ បានទទួលមរណភាព ក្រោយពេលបញ្ជូនទៅសង្គ្រោះ នៅក្នុងមន្ទីរពេទ្យ នាថ្ងៃដដែលនោះ។
ប្រវត្ដិសងេ្ខបរបស់អតីតនាយករដ្ឋមន្ដ្រីជប៉ុន លោក អាបេ ដែលត្រូវគេធ្វើឃាត
លោក Shinzo Abe កើតនៅថ្ងៃទី២១ ខែកញ្ញា ឆ្នាំ១៩៥៤ ហើយបានទទួលមរណភាព នៅថ្ងៃទី៨ ខែកក្កដា ឆ្នាំ២០២២ ដោយឃាតកម្ម។ លោក អាបេ ជាអ្នកនយោបាយដ៏មានឥទ្ធិពលបំផុត នៅក្នុងប្រទេសជប៉ុន។ គាត់ធ្លាប់ធ្វើជានាយករដ្ឋមន្ដ្រីជប៉ុន និង ជាប្រធានគណបក្សប្រជាធិបតេយ្យសេរីនិយម (LDP) លើកទី១ ចន្លោះពីឆ្នាំ២០០៦ដល់ ២០០៧ និង លើកទី២ចន្លោះពីឆ្នាំ២០១២ ដល់ឆ្នាំ២០២០។
លោក អាបេ ក្លាយជានាយករដ្ឋមន្ដ្រីជប៉ុន កាន់តំណែងបានយូរជាងគេបំផុត នៅក្នុងប្រទេសអាស៊ីបូព៌ាមួយនេះ។ ក្រៅពីតំណែងកំពូលនេះ គាត់ក៏ធ្លាប់ធ្វើជាប្រធានខុទ្ទកាល័យ ចន្លោះពីឆ្នាំ២០០៥ដល់២០០៦ ក្រោមរដ្ឋាភិបាលរបស់លោក ជូនីជីរ៉ូ កូអ៊ីហ្ស៊ូមី (Junichiro Koizumi) ។
លោក អាបេ កើត នៅក្នុងគ្រួសារអ្នកនយោបាយដ៏លេចធ្លោមួយរបស់ជប៉ុន ដោយជីតា ឈ្មោះ ណូប៊ូស៊ូកេ គីស៊ី (Nobusuke Kishi) អតីតនាយករដ្ឋមន្ដ្រី។ បន្ទាប់ពីបញ្ចប់ការសិក្សាថ្នាក់បរិញ្ញាបត្រ ពីសាកលវិទ្យាល័យសេកេ (Seikei) រួចមក គាត់បានបន្ដទៅចូលរៀន នៅសកលវិទ្យាល័យ Southern California មួយរយៈខ្លី ហើយលោក អាបេ បានជាប់ជាតំណាងរាស្ត្រ នៅក្នុងការបោះឆ្នោតឆ្នាំ១៩៩៣។ នៅក្នុងឆ្នាំ២០០៥ លោក Abe ត្រូវបានតែងតាំងជាប្រធានខុទ្ទកាល័យរបស់លោក កូអ៊ីហ្ស៊ូមី (Koizumi) ហើយក្លាយជានាយករដ្ឋមន្ត្រី និង ជាប្រធាន LDP នៅឆ្នាំបន្ទាប់។
លោក អាបេ ក្លាយជានាយករដ្ឋមន្ត្រី ក្មេងជាងគេ ក្រោយសង្គ្រាមរបស់ប្រទេសជប៉ុន និង ជាអ្នកដំបូងដែលបានកើត ក្រោយសង្គ្រាមលោកលើកទីពីរ។ លោក អាបេ បានលាលែងពីតំណែងជានាយករដ្ឋមន្ត្រី បន្ទាប់ពីកាន់តំណែងរយៈពេលមួយឆ្នាំ ដោយសារបញ្ហាសុខភាព បង្កឡើង ដោយជំងឺរលាកពោះវៀនធំ។
លោក អាបេ ត្រូវបានគេធ្វើឃាត នៅថ្ងៃទី៨ ខែកក្កដា ឆ្នាំ២០២២ ដោយអតីតកម្លាំងស្វ័យការពារកងម៉ារីនជប៉ុន។ បើយោងតាមការស៊ើបអង្កេតរបស់ប៉ូលិស បានឲ្យដឹងថា លោក Abe ត្រូវបានជនសង្ស័យ កំណត់គោលដៅ ដោយសារតែទំនាក់ទំនងរបស់គាត់ ជាមួយនឹងព្រះវិហារបង្រួបបង្រួម ជាចលនាសាសនាថ្មីមួយ ត្រូវបានបង្កើតឡើង នៅក្នុងប្រទេសកូរ៉េខាងត្បូង។
លោក អាបេ មានឪពុកឈ្មោះ ស៊ីនតារ៉ូ អាបេ ( Shintaro Abe) និង ម្ដាយឈ្មោះ យ៉ូកូ គីស៊ី (Yoko Kishi) ហើយមានប្រពន្ធឈ្មោះ អាគេ ម៉ាតស៊ូហ្សាគិ (Akie Matsuzaki) ដោយរៀបការ នៅក្នុងឆ្នាំ១៩៨៧៕
