រដ្ឋធានីមូស្គូ៖ នៅមុនការផ្ទុះសង្គ្រាមឈ្លានពាន កាលពីថ្ងៃទី២៤ ខែកុម្ភៈ ឆ្នាំ២០២២នោះ ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានសរសេរអត្ថបទមួយ ដោយអះអាងថា ជនជាតិរុស្ស៊ី និង អ៊ុយក្រែន ជាប្រជាជនតែមួយ ហើយសកម្មភាពរបស់គាត់ មានចេតនាដកហូតភាពស្របច្បាប់របស់អ៊ុយក្រែន ជារដ្ឋឯករាជ្យ ប៉ុន្ដែរហូតមកដល់ពេលនេះ គាត់ថែមទាំង បានចេញក្រឹត្យថ្មីមួយផ្សេងទៀត ផ្ដល់សញ្ជាតិរុស្ស៊ី ដល់ប្រជាជនអ៊ុយក្រែន ទាំងអស់។
សារព័ត៌មាន The New Indian Express បានចេញផ្សាយ កាលពីថ្ងៃចន្ទ ទី១១ ខែកក្កដា ឆ្នាំ២០២២ ថា ស្របពេលមីស៊ីលរបស់ក្រុងមូស្គូ បានវាយប្រហារ ទៅលើទីក្រុងដ៏សំខាន់មួយចំនួនរបស់អ៊ុយក្រែន ភ្លាម ប្រធានាធិបតីរុស្ស៊ី លោក វ្ល៉ាឌីមៀរ ពូទីន (Vladimir Putin) កាលពីថ្ងៃចន្ទ បានពង្រីកនីតិវិធីយ៉ាងលឿនបំផុតមួយ សម្រាប់ការផ្ដល់សញ្ជាតិរុស្ស៊ី ទៅដល់ប្រជាជនអ៊ុយក្រែនទាំងអស់។ នេះជាកិច្ចខិតខំប្រឹងប្រែងថ្មីមួយទៀត ដើម្បីពង្រឹងឥទ្ធិពលរបស់ក្រុងម៉ូស្គូ ទៅលើប្រទេសអ៊ុយក្រែន ដែលកំពុងតែហែកហួរ ដោយសារសង្គ្រាមឈ្លានពាននេះ។
ទោះជាយ៉ាងណា រហូតមកដល់ពេលថ្មីៗនេះ មានតែអ្នករស់នៅតំបន់ដូណែតស្ក៍ (Donetsk) និង លូហាន់ស្ក៍ (Luhansk) នាភាគខាងកើត ប្រទេសអ៊ុយក្រែន ស្ថិតក្រោមការគ្រប់គ្រងរបស់ក្រុមផ្ដាច់ខ្លួន គាំទ្រ ដោយរុស្ស៊ី ក៏ដូចជា អ្នកស្រុករស់នៅភាគខាងត្បូង ទីក្រុងហ្សាប៉ូរីសហ្ស៊ា ( Zaporizhzhia) និង តំបន់ឃើរសុន (Kherson) ដែលជាផ្នែកដ៏ធំមួយ ស្ថិតក្រោមការគ្រប់គ្រងរបស់រុស្ស៊ី មានសិទ្ធិដាក់ពាក្យស្នើសុំលិខិតឆ្លងដែនធម្មតា។
ដោយឡែក ក្រុមមន្ដ្រីអ៊ុយក្រែន នៅមិនទាន់មានប្រតិកម្មភ្លាមៗ ចំពោះការប្រកាសរបស់លោក ពូទីន ប្រធានាធិបតីរុស្ស៊ី ដែលថា គាត់បានចុះហត្ថលេខាលើក្រឹត្យ ស្តីពីលិខិតឆ្លងដែន ដែលអនុវត្ត ចំពោះជនគ្មានសញ្ជាតិណាមួយក៏ដោយ ហើយបច្ចុប្បន្នរស់នៅក្នុងប្រទេសអ៊ុយក្រែន។
នៅចន្លោះពីឆ្នាំ២០១៩រហូតមក ក៏មានការណែនាំ អំពីនីតិវិធី សម្រាប់អ្នករស់នៅតំបន់ Donetsk និង Luhansk ក្រោមការគ្រប់គ្រងរបស់ក្រុមផ្ដាច់ខ្លួន គាំទ្រដោយរុស្ស៊ី ហើយនៅឆ្នាំនេះដែរ ក៏មានមនុស្សជាង ៧២០ ០០០នាក់ រស់នៅក្នុងតំបន់ទាំង២នេះ ដែលស្មើនឹងប្រហែល១៨ភាគរយ នៃចំនួនប្រជាជនសរុប បានទទួលលិខិតឆ្លងដែនរុស្ស៊ី។
នៅចុងខែឧសភា ពោលគឺ៣ខែ បន្ទាប់ពីរុស្ស៊ីបានឈ្លានពាន នៅក្នុងប្រទេសអ៊ុយក្រែន នោះ ក៏មាននីតិវិធីយ៉ាងលឿន ត្រូវផ្តល់ជូនដល់ប្រជាជនរស់នៅទីក្រុង Zaporizhzhia និង តំបន់ Kherson ផងដែរ។
សកម្មភាពផ្ដល់លិខិតឆ្លងដែនរបស់រុស្ស៊ី ហាក់ដូចជា ផ្នែកមួយ នៃយុទ្ធសាស្ត្រដ៏មានឥទ្ធិពល នៅក្នុងគោលនយោបាយរបស់លោក ពូទីន ពាក់ព័ន្ធនឹងការបញ្ចូលរូបិយប័ណ្ណរូពី (Ruble) របស់រុស្ស៊ី នៅលើទឹកដីប្រទេសអ៊ុយក្រែន ស្ថិតក្រោមការកាន់កាប់របស់ក្រុងមូស្គូ ហើយនៅទីបំផុត វាអាចបណ្តាលឱ្យមានការបញ្ចូលទឹកដីរបស់អ៊ុយក្រែន បន្ថែមទៀត ចូលទៅក្នុងសហព័ន្ធន៍រុស្ស៊ី។ នេះជាសកម្មភាពថ្មីមួយទៀតរបស់ក្រុងមូស្គូ ក្រោយរុស្ស៊ីបានបញ្ចូលឧបទ្វីបគ្រីមៀ (Crimea) របស់អ៊ុយក្រែន ស្ថិតនៅសមុទ្រខ្មៅ ចូលទៅក្នុងទឹកដីរបស់រុស្ស៊ី កាលពីអំឡុងឆ្នាំ ២០១៤។
មុនពេលការឈ្លានពានរបស់រុស្ស៊ី ទៅលើប្រទេសអ៊ុយក្រែន កាលពីថ្ងៃទី២៤ ខែកុម្ភៈ ឆ្នាំ២០២២នោះ ប្រធានាធិបតីរុស្ស៊ី លោក ពូទីន បានសរសេរអត្ថបទមួយ កាលពីរដូវក្តៅ ឆ្នាំមុន ដោយអះអាងថា ជនជាតិរុស្ស៊ី និង អ៊ុយក្រែន ជាប្រជាជនតែមួយ។ នេះជាមហិច្ឆតារបស់លោក ពូទីន នៅក្នុងការប៉ុនប៉ង កាត់បន្ថយភាពស្របច្បាប់របស់អ៊ុយក្រែន ជាប្រទេសឯករាជ្យ។ របាយការណ៍នេះ បានលេចចេញ ពីអាជ្ញាធររុស្ស៊ី ដែលបានរឹបអូសលិខិតឆ្លងដែនអ៊ុយក្រែន ពីពលរដ្ឋមួយចំនួន។
រដ្ឋអាជ្ញា និងមន្ត្រីក្នុងតំបន់ បានបញ្ជាក់ថា សេចក្តីប្រកាសអំពីការផ្ដល់លិខិតឆ្លងដែនរបស់រុស្ស៊ីនេះ បានកើតឡើង តែប៉ុន្មានម៉ោង បន្ទាប់ពីកងទ័ពរបស់ក្រុងមូស្គូបានបាញ់ផ្លោង ដាក់ទីក្រុងធំទី២របស់អ៊ុយក្រែន កាលពីថ្ងៃចន្ទ ដោយបានសម្លាប់មនុស្សយ៉ាងហោចណាស់៦នាក់ និង របួស៣១នាក់ ។ ទាហានរុស្ស៊ី បានបើកការវាយប្រហារ ដោយកាំជ្រួចចំនួន៣លើក ទៅលើទីក្រុងខាគីវ (Kharkiv) ជាទីក្រុងធំទី២របស់អ៊ុយក្រែន៕
សារព័ត៌មាន The New Indian Express បានចេញផ្សាយ កាលពីថ្ងៃចន្ទ ទី១១ ខែកក្កដា ឆ្នាំ២០២២ ថា ស្របពេលមីស៊ីលរបស់ក្រុងមូស្គូ បានវាយប្រហារ ទៅលើទីក្រុងដ៏សំខាន់មួយចំនួនរបស់អ៊ុយក្រែន ភ្លាម ប្រធានាធិបតីរុស្ស៊ី លោក វ្ល៉ាឌីមៀរ ពូទីន (Vladimir Putin) កាលពីថ្ងៃចន្ទ បានពង្រីកនីតិវិធីយ៉ាងលឿនបំផុតមួយ សម្រាប់ការផ្ដល់សញ្ជាតិរុស្ស៊ី ទៅដល់ប្រជាជនអ៊ុយក្រែនទាំងអស់។ នេះជាកិច្ចខិតខំប្រឹងប្រែងថ្មីមួយទៀត ដើម្បីពង្រឹងឥទ្ធិពលរបស់ក្រុងម៉ូស្គូ ទៅលើប្រទេសអ៊ុយក្រែន ដែលកំពុងតែហែកហួរ ដោយសារសង្គ្រាមឈ្លានពាននេះ។
ទោះជាយ៉ាងណា រហូតមកដល់ពេលថ្មីៗនេះ មានតែអ្នករស់នៅតំបន់ដូណែតស្ក៍ (Donetsk) និង លូហាន់ស្ក៍ (Luhansk) នាភាគខាងកើត ប្រទេសអ៊ុយក្រែន ស្ថិតក្រោមការគ្រប់គ្រងរបស់ក្រុមផ្ដាច់ខ្លួន គាំទ្រ ដោយរុស្ស៊ី ក៏ដូចជា អ្នកស្រុករស់នៅភាគខាងត្បូង ទីក្រុងហ្សាប៉ូរីសហ្ស៊ា ( Zaporizhzhia) និង តំបន់ឃើរសុន (Kherson) ដែលជាផ្នែកដ៏ធំមួយ ស្ថិតក្រោមការគ្រប់គ្រងរបស់រុស្ស៊ី មានសិទ្ធិដាក់ពាក្យស្នើសុំលិខិតឆ្លងដែនធម្មតា។
ដោយឡែក ក្រុមមន្ដ្រីអ៊ុយក្រែន នៅមិនទាន់មានប្រតិកម្មភ្លាមៗ ចំពោះការប្រកាសរបស់លោក ពូទីន ប្រធានាធិបតីរុស្ស៊ី ដែលថា គាត់បានចុះហត្ថលេខាលើក្រឹត្យ ស្តីពីលិខិតឆ្លងដែន ដែលអនុវត្ត ចំពោះជនគ្មានសញ្ជាតិណាមួយក៏ដោយ ហើយបច្ចុប្បន្នរស់នៅក្នុងប្រទេសអ៊ុយក្រែន។
នៅចន្លោះពីឆ្នាំ២០១៩រហូតមក ក៏មានការណែនាំ អំពីនីតិវិធី សម្រាប់អ្នករស់នៅតំបន់ Donetsk និង Luhansk ក្រោមការគ្រប់គ្រងរបស់ក្រុមផ្ដាច់ខ្លួន គាំទ្រដោយរុស្ស៊ី ហើយនៅឆ្នាំនេះដែរ ក៏មានមនុស្សជាង ៧២០ ០០០នាក់ រស់នៅក្នុងតំបន់ទាំង២នេះ ដែលស្មើនឹងប្រហែល១៨ភាគរយ នៃចំនួនប្រជាជនសរុប បានទទួលលិខិតឆ្លងដែនរុស្ស៊ី។
នៅចុងខែឧសភា ពោលគឺ៣ខែ បន្ទាប់ពីរុស្ស៊ីបានឈ្លានពាន នៅក្នុងប្រទេសអ៊ុយក្រែន នោះ ក៏មាននីតិវិធីយ៉ាងលឿន ត្រូវផ្តល់ជូនដល់ប្រជាជនរស់នៅទីក្រុង Zaporizhzhia និង តំបន់ Kherson ផងដែរ។
សកម្មភាពផ្ដល់លិខិតឆ្លងដែនរបស់រុស្ស៊ី ហាក់ដូចជា ផ្នែកមួយ នៃយុទ្ធសាស្ត្រដ៏មានឥទ្ធិពល នៅក្នុងគោលនយោបាយរបស់លោក ពូទីន ពាក់ព័ន្ធនឹងការបញ្ចូលរូបិយប័ណ្ណរូពី (Ruble) របស់រុស្ស៊ី នៅលើទឹកដីប្រទេសអ៊ុយក្រែន ស្ថិតក្រោមការកាន់កាប់របស់ក្រុងមូស្គូ ហើយនៅទីបំផុត វាអាចបណ្តាលឱ្យមានការបញ្ចូលទឹកដីរបស់អ៊ុយក្រែន បន្ថែមទៀត ចូលទៅក្នុងសហព័ន្ធន៍រុស្ស៊ី។ នេះជាសកម្មភាពថ្មីមួយទៀតរបស់ក្រុងមូស្គូ ក្រោយរុស្ស៊ីបានបញ្ចូលឧបទ្វីបគ្រីមៀ (Crimea) របស់អ៊ុយក្រែន ស្ថិតនៅសមុទ្រខ្មៅ ចូលទៅក្នុងទឹកដីរបស់រុស្ស៊ី កាលពីអំឡុងឆ្នាំ ២០១៤។
មុនពេលការឈ្លានពានរបស់រុស្ស៊ី ទៅលើប្រទេសអ៊ុយក្រែន កាលពីថ្ងៃទី២៤ ខែកុម្ភៈ ឆ្នាំ២០២២នោះ ប្រធានាធិបតីរុស្ស៊ី លោក ពូទីន បានសរសេរអត្ថបទមួយ កាលពីរដូវក្តៅ ឆ្នាំមុន ដោយអះអាងថា ជនជាតិរុស្ស៊ី និង អ៊ុយក្រែន ជាប្រជាជនតែមួយ។ នេះជាមហិច្ឆតារបស់លោក ពូទីន នៅក្នុងការប៉ុនប៉ង កាត់បន្ថយភាពស្របច្បាប់របស់អ៊ុយក្រែន ជាប្រទេសឯករាជ្យ។ របាយការណ៍នេះ បានលេចចេញ ពីអាជ្ញាធររុស្ស៊ី ដែលបានរឹបអូសលិខិតឆ្លងដែនអ៊ុយក្រែន ពីពលរដ្ឋមួយចំនួន។
រដ្ឋអាជ្ញា និងមន្ត្រីក្នុងតំបន់ បានបញ្ជាក់ថា សេចក្តីប្រកាសអំពីការផ្ដល់លិខិតឆ្លងដែនរបស់រុស្ស៊ីនេះ បានកើតឡើង តែប៉ុន្មានម៉ោង បន្ទាប់ពីកងទ័ពរបស់ក្រុងមូស្គូបានបាញ់ផ្លោង ដាក់ទីក្រុងធំទី២របស់អ៊ុយក្រែន កាលពីថ្ងៃចន្ទ ដោយបានសម្លាប់មនុស្សយ៉ាងហោចណាស់៦នាក់ និង របួស៣១នាក់ ។ ទាហានរុស្ស៊ី បានបើកការវាយប្រហារ ដោយកាំជ្រួចចំនួន៣លើក ទៅលើទីក្រុងខាគីវ (Kharkiv) ជាទីក្រុងធំទី២របស់អ៊ុយក្រែន៕