រដ្ឋធានីប៉ារីស៖ ក្រោយពេលប្រធានាធិបតីសហរដ្ឋអាមេរិក លោក ចូ បៃដិន បានបរាជ័យ នៅក្នុងការបញ្ចុះបញ្ចូល ដល់បណ្ដាប្រទេសអារ៉ាប់ ដើម្បីជំរុញឲ្យបង្កើននូវការផលិត សម្រាប់ការបញ្ចុះតម្លៃថាមពលនោះ មេដឹកនាំអារ៉ាប់រួម ក៏បានធ្វើដំណើរ ទៅបំពេញទស្សនកិច្ចជាលើកដំបូងរបស់គាត់នៅក្នុងប៉ារីស ប្រទេសបារាំង ដោយផ្តោតរបៀបវារៈយ៉ាងសំខាន់ លើទំនាក់ទំនងការទូត និង កិច្ចព្រមព្រៀងថាមពល។
សារព័ត៌មាន 124 News បានផ្សាយ កាលពីថ្ងៃចន្ទ ទី១៨ ខែកក្កដា ឆ្នាំ២០២២ ថា លោក សេក ម៉ូហាមេដ ប៊ីន ហ្សាយេដ អាល់ណាយ៉ាន (Sheikh Mohamed bin Zayed Al-Nahyan) ប្រធានាធិបតីអារ៉ាប់អេមីរ៉េត (United Arab Emirates) បានទៅបំពេញទស្សនកិច្ចជាផ្លូវការ នៅក្នុងទីក្រុងប៉ារីស ប្រទេសបារាំង កាលពីថ្ងៃអាទិត្យ។ នៅក្នុងដំណើរទស្សនកិច្ចជាលើកដំបូងរបស់គាត់ ទៅក្រៅប្រទេសនោះ គឺផ្ដោតយ៉ាងសំខាន់ទៅលើកិច្ចព្រមព្រៀងថាមពល និង ការដឹកជញ្ជូន។
ដំណើរបំពេញទស្សនកិច្ចនៅក្រៅប្រទេសរបស់ប្រធានាធិបតីអារ៉ាប់រួម បានកើតឡើង ក្រោយពេលលោក ចូ បៃដិន ប្រធានាធិបតីសហរដ្ឋអាមេរិក បានទៅបំពេញទស្សនកិច្ច ជាលើកដំបូងរបស់គាត់ នៅក្នុងតំបន់មជ្ឈិមបូព៌ា រួមទាំងប្រទេសអ៊ីស្រាអែល និង អារ៉ាប៊ីសាអូឌីត ខណៈមហាអំណាចលោកខាងលិច នៅតែអស់សង្ឃឹមនឹងក្រុងរីយ៉ាដ (Riyadh) និង អារ៉ាប់រួម នៅក្នុងការបង្កើនទិន្នផលប្រេង សម្រាប់ទប់ស្កាត់នឹងតម្លៃថាមពលកំពុងតែកើនឡើង បណ្តាលមកពីការឈ្លានពានរបស់រុស្ស៊ី នៅក្នុងប្រទេសអ៊ុយក្រែន។ ប្រធានាធិបតីអារ៉ាប់រួម នឹងជួបជាមួយសមភាគីបារាំង លោក អែមម៉ាញ៉ែល ម៉ាក្រុង (Emmanuel Macron) នៅថ្ងៃចន្ទ ទី១៨ ខែកក្កដា នៅវិមានអេលីសេ (Elysee)។
ទីប្រឹក្សា នៃវិមាន Elysee របស់ប្រធានាធិបតីបារាំង បានប្រាប់ដល់ទីភ្នាក់ងារសារព័ត៌មាន AFP ដោយសំដៅលើការផ្គត់ផ្គង់ប្រេងម៉ាស៊ូត ថា ចំណុចសំខាន់ នៃដំណើរទស្សនកិច្ចនេះ ទំនងជាការបង្ហាញ អំពី«ការធានា ដោយអារ៉ាប់រួម (UAE) លើបរិមាណ នៃការផ្គត់ផ្គង់អ៊ីដ្រូកាបូន ជួយដល់ប្រទេសបារាំង៕
សារព័ត៌មាន 124 News បានផ្សាយ កាលពីថ្ងៃចន្ទ ទី១៨ ខែកក្កដា ឆ្នាំ២០២២ ថា លោក សេក ម៉ូហាមេដ ប៊ីន ហ្សាយេដ អាល់ណាយ៉ាន (Sheikh Mohamed bin Zayed Al-Nahyan) ប្រធានាធិបតីអារ៉ាប់អេមីរ៉េត (United Arab Emirates) បានទៅបំពេញទស្សនកិច្ចជាផ្លូវការ នៅក្នុងទីក្រុងប៉ារីស ប្រទេសបារាំង កាលពីថ្ងៃអាទិត្យ។ នៅក្នុងដំណើរទស្សនកិច្ចជាលើកដំបូងរបស់គាត់ ទៅក្រៅប្រទេសនោះ គឺផ្ដោតយ៉ាងសំខាន់ទៅលើកិច្ចព្រមព្រៀងថាមពល និង ការដឹកជញ្ជូន។
ដំណើរបំពេញទស្សនកិច្ចនៅក្រៅប្រទេសរបស់ប្រធានាធិបតីអារ៉ាប់រួម បានកើតឡើង ក្រោយពេលលោក ចូ បៃដិន ប្រធានាធិបតីសហរដ្ឋអាមេរិក បានទៅបំពេញទស្សនកិច្ច ជាលើកដំបូងរបស់គាត់ នៅក្នុងតំបន់មជ្ឈិមបូព៌ា រួមទាំងប្រទេសអ៊ីស្រាអែល និង អារ៉ាប៊ីសាអូឌីត ខណៈមហាអំណាចលោកខាងលិច នៅតែអស់សង្ឃឹមនឹងក្រុងរីយ៉ាដ (Riyadh) និង អារ៉ាប់រួម នៅក្នុងការបង្កើនទិន្នផលប្រេង សម្រាប់ទប់ស្កាត់នឹងតម្លៃថាមពលកំពុងតែកើនឡើង បណ្តាលមកពីការឈ្លានពានរបស់រុស្ស៊ី នៅក្នុងប្រទេសអ៊ុយក្រែន។ ប្រធានាធិបតីអារ៉ាប់រួម នឹងជួបជាមួយសមភាគីបារាំង លោក អែមម៉ាញ៉ែល ម៉ាក្រុង (Emmanuel Macron) នៅថ្ងៃចន្ទ ទី១៨ ខែកក្កដា នៅវិមានអេលីសេ (Elysee)។
ទីប្រឹក្សា នៃវិមាន Elysee របស់ប្រធានាធិបតីបារាំង បានប្រាប់ដល់ទីភ្នាក់ងារសារព័ត៌មាន AFP ដោយសំដៅលើការផ្គត់ផ្គង់ប្រេងម៉ាស៊ូត ថា ចំណុចសំខាន់ នៃដំណើរទស្សនកិច្ចនេះ ទំនងជាការបង្ហាញ អំពី«ការធានា ដោយអារ៉ាប់រួម (UAE) លើបរិមាណ នៃការផ្គត់ផ្គង់អ៊ីដ្រូកាបូន ជួយដល់ប្រទេសបារាំង៕