បរទេស៖ នៅទីបំផុត បណ្ដាប្រទេសបស្ចិមលោក ជាង៣០ បានព្រមព្រៀងគ្នា ផ្ដល់គ្រឿងចម្បាំងដ៏សាហាវបំផុត ទៅជួយដល់ប្រទេសអ៊ុយក្រែន សម្រាប់វាយប្រហារ បណ្ដេញកម្លាំងទាហានឈ្លានពានរបស់រុស្ស៊ី ចេញពីទឹកដីរបស់ពួកគេ។
គេហទំព័រក្រសួងការពារជាតិសហរដ្ឋអាមេរិក បានចេញផ្សាយ កាលពីថ្ងៃទី២០ ខែកក្កដា ថា យើងកំពុងជួបគ្នា ខណៈប្រទេសអ៊ុយក្រែន ហៀបនឹងឈានចូលដល់ខែទី៦ នៃការប្រយុទ្ធប្រឆាំងនឹងការឈ្លានពានដ៏ឃោរឃៅរបស់រុស្ស៊ី។ នេះជាវេទិកាដ៏សំខាន់មួយ សម្រាប់ពិភាក្សា អំពីតម្រូវការបន្ទាន់ ដែលអ៊ុយក្រែនត្រូវការ សម្រាប់ការពារខ្លួនឯង ការពារពលរដ្ឋ និង ការពារទឹកដី ហើយអធិបតេយ្យភាពរបស់ពួកគេ។
នៅក្នុងកិច្ចប្រជុំនោះ មានប្រទេសជាង៣០ បានផ្ដល់ជំនួយគ្រឿងយុទ្ធោបករណ៍ដ៏សាហាវ ជួយដល់ប្រទេសអ៊ុយក្រែន។ នេះជាការសម្រេចចិត្តមួយ ក្រោយកិច្ចប្រជុំចំនួន៣ នៃក្រុមទំនាក់ទំនងការពារជាតិអ៊ុយក្រែន ហើយក៏ជាគំនិតផ្តួចផ្តើមថ្មី ដែលកំពុងតែដំណើរការទៅមុខឥតឈប់ឈរ។
លោក ឡយ អូស្ទីន (Lloyd Austin) រដ្ឋមន្ដ្រីក្រសួងការពារជាតិសហរដ្ឋអាមេរិក បានបញ្ជាក់បែបនេះ នៅក្នុងសុន្ទរកថាបើករបស់គាត់ នៅឯកិច្ចប្រជុំលើកទី៤ នៃក្រុមទំនាក់ទំនងការពារជាតិអ៊ុយក្រែន ដែលបានធ្វើឡើង ស្ទើរតែរៀងរាល់ថ្ងៃពុធ។
លោករដ្ឋមន្ដ្រីក្រសួងការពារជាតិសហរដ្ឋអាមេរិក បានសង្កត់ធ្ងន់ថា «រហូតមកដល់ពេលនេះ មានរយៈពេល១ខែកន្លងទៅហើយ នៅទីក្រុងប្រ៊ុសសែល ក្រុមនេះបានជួបគ្នា ដោយផ្ទាល់ ដើម្បីបញ្ជាក់ឡើងវិញនូវការយកចិត្តទុកដាក់របស់យើង ចំពោះកិច្ចការពារស្វ័យភាពរបស់អ៊ុយក្រែន។ យើងបានឮពីប្រទេសជាច្រើន កំពុងតែអនុវត្តនូវគំនិតផ្តួចផ្តើមថ្មីសំខាន់ៗទាំងនេះ។ ឥឡូវ មានប្រទេសជាង៣០ បានបញ្ជូនជំនួយយោធាដ៏សាហាវ ទៅជួយដល់ប្រទេសអ៊ុយក្រែន ខណៈកំពុងតែប្រឈមមុខនឹងសង្គ្រាម។
លោករដ្ឋមន្ដ្រីក្រសួងការពារជាតិសហរដ្ឋអាមេរិក បានបន្ថែមថា កិច្ចខិតខំប្រឹងប្រែងរួមគ្នាទាំងនេះ បាននាំឲ្យមានការផ្លាស់ប្តូរស្ថានភាពសង្គ្រាម នៅលើដីរួចហើយ ហើយពួកគេនឹងបន្តទៅថ្ងៃអនាគត។ នៅក្នុងន័យនេះ លោករដ្ឋមន្ដ្រី ឡយ អូស្ទីន បានរំឭកថា សហរដ្ឋអាមេរិក បានសន្យាផ្តល់ជំនួយសន្តិសុខ មានទំហំទឹកប្រាក់ ជាង ២,៦ពាន់លានដុល្លារ ជួយដល់ប្រទេសអ៊ុយក្រែន។ នៅក្នុងជំនួយយោធា មានទំហំទឹកប្រាក់ដ៏មហាសាលនេះ ក៏រាប់បញ្ចូលទាំង ប្រព័ន្ធបាញ់រ៉ុក្កែត ចម្រុះហ៊ីម៉ាស (HIMARS) សរុប ១២ គ្រឿង ដើម្បីពង្រឹងសមត្ថភាពដល់កងទ័ពអ៊ុយក្រែន សម្រាប់បាញ់នៅក្នុងសមរភូមិ រយៈចម្ងាយឆ្ងាយ។
លោករដ្ឋមន្ដ្រីក្រសួងការពារជាតិអ៊ុយក្រែន បានបន្ថែមថា «យើងនឹងបន្ដផ្ដល់កម្រិតជំនួយសន្ដិសុខ ជាប្រវត្ដិសាស្ដ្រ ដើម្បីជួយដល់ប្រទេសអ៊ុយក្រែន សម្រាប់ការពារប្រទេសរបស់ពួកគេ។ រដ្ឋបាលរបស់អាមេរិក ក៏នឹងដាក់ចេញនូវកញ្ចប់គ្រឿងអាវុធ គ្រាប់រំសេវ និង ឧបករណ៍ សម្រាប់អ៊ុយក្រែន នៅក្នុងសប្តាហ៍នេះ»៕
គេហទំព័រក្រសួងការពារជាតិសហរដ្ឋអាមេរិក បានចេញផ្សាយ កាលពីថ្ងៃទី២០ ខែកក្កដា ថា យើងកំពុងជួបគ្នា ខណៈប្រទេសអ៊ុយក្រែន ហៀបនឹងឈានចូលដល់ខែទី៦ នៃការប្រយុទ្ធប្រឆាំងនឹងការឈ្លានពានដ៏ឃោរឃៅរបស់រុស្ស៊ី។ នេះជាវេទិកាដ៏សំខាន់មួយ សម្រាប់ពិភាក្សា អំពីតម្រូវការបន្ទាន់ ដែលអ៊ុយក្រែនត្រូវការ សម្រាប់ការពារខ្លួនឯង ការពារពលរដ្ឋ និង ការពារទឹកដី ហើយអធិបតេយ្យភាពរបស់ពួកគេ។
នៅក្នុងកិច្ចប្រជុំនោះ មានប្រទេសជាង៣០ បានផ្ដល់ជំនួយគ្រឿងយុទ្ធោបករណ៍ដ៏សាហាវ ជួយដល់ប្រទេសអ៊ុយក្រែន។ នេះជាការសម្រេចចិត្តមួយ ក្រោយកិច្ចប្រជុំចំនួន៣ នៃក្រុមទំនាក់ទំនងការពារជាតិអ៊ុយក្រែន ហើយក៏ជាគំនិតផ្តួចផ្តើមថ្មី ដែលកំពុងតែដំណើរការទៅមុខឥតឈប់ឈរ។
លោក ឡយ អូស្ទីន (Lloyd Austin) រដ្ឋមន្ដ្រីក្រសួងការពារជាតិសហរដ្ឋអាមេរិក បានបញ្ជាក់បែបនេះ នៅក្នុងសុន្ទរកថាបើករបស់គាត់ នៅឯកិច្ចប្រជុំលើកទី៤ នៃក្រុមទំនាក់ទំនងការពារជាតិអ៊ុយក្រែន ដែលបានធ្វើឡើង ស្ទើរតែរៀងរាល់ថ្ងៃពុធ។
លោករដ្ឋមន្ដ្រីក្រសួងការពារជាតិសហរដ្ឋអាមេរិក បានសង្កត់ធ្ងន់ថា «រហូតមកដល់ពេលនេះ មានរយៈពេល១ខែកន្លងទៅហើយ នៅទីក្រុងប្រ៊ុសសែល ក្រុមនេះបានជួបគ្នា ដោយផ្ទាល់ ដើម្បីបញ្ជាក់ឡើងវិញនូវការយកចិត្តទុកដាក់របស់យើង ចំពោះកិច្ចការពារស្វ័យភាពរបស់អ៊ុយក្រែន។ យើងបានឮពីប្រទេសជាច្រើន កំពុងតែអនុវត្តនូវគំនិតផ្តួចផ្តើមថ្មីសំខាន់ៗទាំងនេះ។ ឥឡូវ មានប្រទេសជាង៣០ បានបញ្ជូនជំនួយយោធាដ៏សាហាវ ទៅជួយដល់ប្រទេសអ៊ុយក្រែន ខណៈកំពុងតែប្រឈមមុខនឹងសង្គ្រាម។
លោករដ្ឋមន្ដ្រីក្រសួងការពារជាតិសហរដ្ឋអាមេរិក បានបន្ថែមថា កិច្ចខិតខំប្រឹងប្រែងរួមគ្នាទាំងនេះ បាននាំឲ្យមានការផ្លាស់ប្តូរស្ថានភាពសង្គ្រាម នៅលើដីរួចហើយ ហើយពួកគេនឹងបន្តទៅថ្ងៃអនាគត។ នៅក្នុងន័យនេះ លោករដ្ឋមន្ដ្រី ឡយ អូស្ទីន បានរំឭកថា សហរដ្ឋអាមេរិក បានសន្យាផ្តល់ជំនួយសន្តិសុខ មានទំហំទឹកប្រាក់ ជាង ២,៦ពាន់លានដុល្លារ ជួយដល់ប្រទេសអ៊ុយក្រែន។ នៅក្នុងជំនួយយោធា មានទំហំទឹកប្រាក់ដ៏មហាសាលនេះ ក៏រាប់បញ្ចូលទាំង ប្រព័ន្ធបាញ់រ៉ុក្កែត ចម្រុះហ៊ីម៉ាស (HIMARS) សរុប ១២ គ្រឿង ដើម្បីពង្រឹងសមត្ថភាពដល់កងទ័ពអ៊ុយក្រែន សម្រាប់បាញ់នៅក្នុងសមរភូមិ រយៈចម្ងាយឆ្ងាយ។
លោករដ្ឋមន្ដ្រីក្រសួងការពារជាតិអ៊ុយក្រែន បានបន្ថែមថា «យើងនឹងបន្ដផ្ដល់កម្រិតជំនួយសន្ដិសុខ ជាប្រវត្ដិសាស្ដ្រ ដើម្បីជួយដល់ប្រទេសអ៊ុយក្រែន សម្រាប់ការពារប្រទេសរបស់ពួកគេ។ រដ្ឋបាលរបស់អាមេរិក ក៏នឹងដាក់ចេញនូវកញ្ចប់គ្រឿងអាវុធ គ្រាប់រំសេវ និង ឧបករណ៍ សម្រាប់អ៊ុយក្រែន នៅក្នុងសប្តាហ៍នេះ»៕
