រាជធានីឡុងដ៍៖ រហូតមកដល់ពេលនេះ សង្គ្រាមឈ្លានពានរបស់ប្រធានាធិបតីរុស្ស៊ី នៅក្នុងប្រទេសអ៊ុយក្រែន បានអូសបន្លាយ អស់រយៈពេល១៤៩ថ្ងៃ គិតត្រឹម ថ្ងៃសុក្រ ទី២២ ខែកក្កដា ហើយទឹកចិត្តប្រយុទ្ធរបស់កម្លាំងការពារទឹកដី កំពុងតែមានសន្ទុះឡើងយ៉ាងខ្លាំងក្លា ខណៈកម្លាំងទាហានក្រុងមូស្គូ ទំនងជានឹងអស់ថាមពល ដោយប្រឈមនឹងការលំបាក នៅក្នុងការបង្កើនកម្លាំងទ័ព និង ភស្ដុភារ។
សារព័ត៌មាន BBC បានចេញផ្សាយ កាលពីថ្ងៃ ព្រហស្បតិ៍ ទី២១ ខែកក្កដា ថា លោក រីឆាដ ម័រ (Richard Moore) នាយកទីភ្នាក់ងារស៊ើបការណ៍សម្ងាត់ MI6 កាលពីថ្ងៃព្រហស្បតិ៍ បានបញ្ជាក់ថា កម្លាំងទាហានរុស្ស៊ី ប្រហែលជាអស់ថាមពល នៅក្នុងការវាយលុក នៅក្នុងសង្គ្រាម នៅអ៊ុយក្រែន។ ដោយឡែក មេដឹកនាំវិមានក្រឹមឡាំង លោក វ្ល៉ាឌីមៀរ ពូទីន (Vladimir Putin) នឹងត្រូវជំរុញឱ្យកងទ័ពរបស់ខ្លួន បញ្ឈប់ការលុកលុយជាបណ្តោះអាសន្នមួយរយៈសិន។
ថ្លែង នៅក្នុងវេទិកាសន្តិសុខ Aspen កាលពីថ្ងៃព្រហស្បតិ៍ នៅក្នុងរដ្ឋខូឡូរ៉ាដូ សហរដ្ឋអាមេរិក ខណៈបង្ហាញខ្លួនជាសាធារណៈដ៏កម្ររបស់គាត់ នៅខាងក្រៅប្រទេសនោះ ប្រធានចារកម្មរបស់ចក្រភពអង់គ្លេស រូបនេះ បានព្យាករថា ប្រជាជនរុស្ស៊ី នឹងជួបនូវបញ្ហាប្រឈម កាន់តែខ្លាំងឡើង នៅក្នុងការស្វែងរកកម្លាំងពលកម្ម និង សម្ភារៈ។ ដោយឡែក កម្លាំងទាហានរុស្ស៊ី យ៉ាងតិច ប្រហែលជា ១៥ ០០០នាក់ ត្រូវគេជឿថា បានស្លាប់ នៅក្នុងសង្គ្រាម នៅអ៊ុយក្រែន។
លោក រីឆាដ ម័រ (Richard Moore) នាយកទីភ្នាក់ងារស៊ើបការណ៍សម្ងាត់ MI6 បានបញ្ជាក់ថា «ខ្ញុំគិតថា កម្លាំងទាហានរុស្ស៉ី អាចនឹងផ្អាកការវាយប្រហារមួយរយៈ ដោយសារតែពួកគេ អស់ ថាមពល ហើយនេះជាឱកាសល្អ សម្រាប់កងទ័ពអ៊ុយក្រែន វាយបកតបតវិញ។ ដូច្នេះកម្លាំងយោធារុស្ស៉ី អាចប្រឈមមុខនឹងការលំបាក កាន់តែខ្លាំងឡើង នៅក្នុងការបង្កើនកម្លាំងទ័ព និង បរិក្ខារយោធា នៅក្នុងរយៈពេលប៉ុន្មានសប្ដាហ៍ខាងមុខនេះ។
ប្រធានចារកម្មរបស់ចក្រភពអង់គ្លេស រូបនេះ បានសង្កត់ធ្ងន់ថា ស្ថានភាពសង្គ្រាម នាពេលបច្ចុប្បន្ននេះ កំពុងតែបង្ហាញ ថា អ៊ុយក្រែន មានលទ្ធភាព យកឈ្នះលើសង្គ្រាម ព្រោះស្មារតីប្រយុទ្ធរបស់កងទ័ពអ៊ុយក្រែន កាន់តែមានសភាពខ្លាំងក្លាឡើង ដោយសារមានការលើកទឹកចិត្ត ពីបណ្ដាប្រទេសបស្ចិមលោក រួមទាំងការផ្ដល់សម្ភារសឹកទំនើបៗបន្ថែមទៀតផង៕
សារព័ត៌មាន BBC បានចេញផ្សាយ កាលពីថ្ងៃ ព្រហស្បតិ៍ ទី២១ ខែកក្កដា ថា លោក រីឆាដ ម័រ (Richard Moore) នាយកទីភ្នាក់ងារស៊ើបការណ៍សម្ងាត់ MI6 កាលពីថ្ងៃព្រហស្បតិ៍ បានបញ្ជាក់ថា កម្លាំងទាហានរុស្ស៊ី ប្រហែលជាអស់ថាមពល នៅក្នុងការវាយលុក នៅក្នុងសង្គ្រាម នៅអ៊ុយក្រែន។ ដោយឡែក មេដឹកនាំវិមានក្រឹមឡាំង លោក វ្ល៉ាឌីមៀរ ពូទីន (Vladimir Putin) នឹងត្រូវជំរុញឱ្យកងទ័ពរបស់ខ្លួន បញ្ឈប់ការលុកលុយជាបណ្តោះអាសន្នមួយរយៈសិន។
ថ្លែង នៅក្នុងវេទិកាសន្តិសុខ Aspen កាលពីថ្ងៃព្រហស្បតិ៍ នៅក្នុងរដ្ឋខូឡូរ៉ាដូ សហរដ្ឋអាមេរិក ខណៈបង្ហាញខ្លួនជាសាធារណៈដ៏កម្ររបស់គាត់ នៅខាងក្រៅប្រទេសនោះ ប្រធានចារកម្មរបស់ចក្រភពអង់គ្លេស រូបនេះ បានព្យាករថា ប្រជាជនរុស្ស៊ី នឹងជួបនូវបញ្ហាប្រឈម កាន់តែខ្លាំងឡើង នៅក្នុងការស្វែងរកកម្លាំងពលកម្ម និង សម្ភារៈ។ ដោយឡែក កម្លាំងទាហានរុស្ស៊ី យ៉ាងតិច ប្រហែលជា ១៥ ០០០នាក់ ត្រូវគេជឿថា បានស្លាប់ នៅក្នុងសង្គ្រាម នៅអ៊ុយក្រែន។
លោក រីឆាដ ម័រ (Richard Moore) នាយកទីភ្នាក់ងារស៊ើបការណ៍សម្ងាត់ MI6 បានបញ្ជាក់ថា «ខ្ញុំគិតថា កម្លាំងទាហានរុស្ស៉ី អាចនឹងផ្អាកការវាយប្រហារមួយរយៈ ដោយសារតែពួកគេ អស់ ថាមពល ហើយនេះជាឱកាសល្អ សម្រាប់កងទ័ពអ៊ុយក្រែន វាយបកតបតវិញ។ ដូច្នេះកម្លាំងយោធារុស្ស៉ី អាចប្រឈមមុខនឹងការលំបាក កាន់តែខ្លាំងឡើង នៅក្នុងការបង្កើនកម្លាំងទ័ព និង បរិក្ខារយោធា នៅក្នុងរយៈពេលប៉ុន្មានសប្ដាហ៍ខាងមុខនេះ។
ប្រធានចារកម្មរបស់ចក្រភពអង់គ្លេស រូបនេះ បានសង្កត់ធ្ងន់ថា ស្ថានភាពសង្គ្រាម នាពេលបច្ចុប្បន្ននេះ កំពុងតែបង្ហាញ ថា អ៊ុយក្រែន មានលទ្ធភាព យកឈ្នះលើសង្គ្រាម ព្រោះស្មារតីប្រយុទ្ធរបស់កងទ័ពអ៊ុយក្រែន កាន់តែមានសភាពខ្លាំងក្លាឡើង ដោយសារមានការលើកទឹកចិត្ត ពីបណ្ដាប្រទេសបស្ចិមលោក រួមទាំងការផ្ដល់សម្ភារសឹកទំនើបៗបន្ថែមទៀតផង៕